होली भिजनमा कक्षा ११ मा अध्ययनरत विद्यार्थीहरूका लागि अभिमुखीकरण

भरतपुर, २ साउन। होली भिजन पब्लिक स्कुल कक्षा ११ मा अध्ययनरत विद्यार्थीहरूका लागि अभिमुखीकरण कार्यक्रम शुक्रबार विद्यालयमा सम्पन्न भएको छ । अभिमुखीकरण कार्यक्रममा उत्प्रेरक जगदिशचन्द्र शर्माले विद्यार्थीहरूले मानसिक सजगता बलियो बनाएर अगाडि बढ्ने हरूले जीवनमा सफलता प्राप्त गर्न सक्ने जानकारी दिनुभयो ।

उहाँले आहार अनुसारको व्यवहार, व्यवहार अनुसारको विचार र विचार अनुसार संस्कार बन्ने भएको हुनाले जीवन बदल्ने विचार लिएर सत्मार्गमा अगाडि बढ्न सबैलाई आग्रह गर्नुभयो । विद्यालयका प्राचार्य मीनराज बस्ताकोटीको अध्यक्षतामा सम्पन्न कार्यक्रममा विद्यालयका सह(प्रचार्य वेगनाथ गैरे, ११,१२ का संयोजक सिके बस्ताकोटी लगायतले आफ्नोे कर्तव्य बुझेर अगाडि बढ्न विद्यार्थीहरूलाई आग्रह गर्नुभयो ।