चितवन, १९ असार । गर्मी मौसमसँगै उत्पादन घटेपछि बढेको अण्डाको मूल्य लागत नजिक पुगेको छ । लामो समयदेखि घाटा व्यहोर्दै आएका किसानले लागत नजिक मूल्य पाउन थालेपछि केही राहत महसुस गर्न थालेका छन् ।
अण्डा उत्पादन गर्दै आएका विभिन्न कृषि फर्महरुले जारी गरेको मूल्यको आधारमा नेपाल लेयर्स कुखुरा पालक संघले समर्थन मूल्य जारी गरेको छ । फर्महरुको मूल्यलाई समायोजन गरेर समर्थन मूल्य जारी गरिएको हो । शुक्रबारबाट लागू हुने गरी प्रतिक्रेट (३० वटा) को ठूलो अण्डाको चितवनको फार्मको मूल्य रु.४९५ कायम गरिएको छ । मझौता अण्डाको मूल्य रु.४६५ कायम गरिएको छ ।
नेपालमा अण्डाको लागत मूल्य प्रतिगोटा १६.५६ पर्न आउँछ । नयाँ मूल्य कायम भएसँगै किसानले ठूलो अण्डाको रु.१६.५० पाउने भएका हुन् । किसानले अझै लागत मूल्य पाउन सकेका छैनन् ।
दाउन्ने एग्रो फार्मको ठूलो अण्डा प्रतिपेटी रु. ३ हजार ६५० र मझौला रु.३ हजार ४५०, हिमचुली पोल्ट्रीको ठूलो अण्डा रु. ३ हजार ६५५ र मझौता ३४५५, खिलुङकाली (जनकपुर एग्रो)को ठूलो अण्डा प्रतिपेटी रु. ३ हजार ६६०, मझौता रु. ३ हजार ४६०, सुविश पोल्ट्रीको ठूलो अण्डा रु. ३ हजार ६५५, मझौला रु. ३ हजार ४५५, भिज्जु पोल्ट्रीको ठूलो अण्डा रु. ३ हजार ६६०, मझौला रु. ३ हजार ४६०, शिवम् लेयर्स फार्मको ठूलो अण्डा रु. ३ हजार ६४५, मझौला रु. ३ हजार ४४५ कायम गरिएको छ ।
नेपाल लेयर्स कुखुरा पालक संघका अध्यक्ष विनोद पोखरेलका अनुसार अण्डा उत्पादन गर्ने कुखुरामा गिरावट, पर्यटक बढेको र स्कुल कलेज सञ्चालनमा आएसँगै अण्डाको माग बढेकाले मूल्य बढेको हो । किसानको फार्ममा बुढो कुखुरा बिक्री भएसँगै धेरै किसान विस्थापित भएकाले नयाँ चल्ला हाल्न नसकेको उहाँको भनाइ छ ।
“अहिलेको अवस्थालाई हेर्दा अण्डाको मूल्य क्रमशः बढ्ने देखिन्छ,” उहाँले भन्नुभयो “अण्डाको मूल्य बढेपछि किसान उत्साहित बनेका छन् । अहिले दैनिक २८–३० लाख गोटा हाराहारी अण्डा उत्पादन हुँदै आएको छ ।”
पोल्ट्री व्यवसायी मञ्चका निवर्तमान अध्यक्ष राजेन्द्र लामिछानेले उत्पादन घटेको र माग बढेपछि अण्डाको मूल्य बढेको बताउनुभयो । उहाँले भन्नुभयो “अण्डा हुनेले केही दिनमा लागत मूल्य पाउनेछन् ।”
नोक्सान थपिँदै गएपछि धेरै किसान विस्थापित भएको उद्योग संघ चितवनका निवर्तमान अध्यक्षसमेत रहनु भएका कुखुरापालक किसान त्रिलोचन कँडेलले बताउनुभयो । गत वर्ष पनि यस समयमा अण्डाको मूल्य वृद्धि भएको थियो । कँडेलले थप्नुभयो “अब किसानले लागत मूल्य पाएनन् भने बाँकी रहेका किसान विस्थापित हुन्छन् ।” अत्यधिक गर्मी बढेसँगै अण्डाको उत्पादन २५ प्रतिशत हाराहारी घट्ने गर्दछ ।
चितवन, १९ असार । गर्मी मौसमसँगै उत्पादन घटेपछि बढेको अण्डाको मूल्य लागत नजिक पुगेको छ । लामो समयदेखि घाटा व्यहोर्दै आएका किसानले लागत नजिक मूल्य पाउन थालेपछि केही राहत महसुस गर्न थालेका छन् ।
अण्डा उत्पादन गर्दै आएका विभिन्न कृषि फर्महरुले जारी गरेको मूल्यको आधारमा नेपाल लेयर्स कुखुरा पालक संघले समर्थन मूल्य जारी गरेको छ । फर्महरुको मूल्यलाई समायोजन गरेर समर्थन मूल्य जारी गरिएको हो । शुक्रबारबाट लागू हुने गरी प्रतिक्रेट (३० वटा) को ठूलो अण्डाको चितवनको फार्मको मूल्य रु.४९५ कायम गरिएको छ । मझौता अण्डाको मूल्य रु.४६५ कायम गरिएको छ ।
नेपालमा अण्डाको लागत मूल्य प्रतिगोटा १६.५६ पर्न आउँछ । नयाँ मूल्य कायम भएसँगै किसानले ठूलो अण्डाको रु.१६.५० पाउने भएका हुन् । किसानले अझै लागत मूल्य पाउन सकेका छैनन् ।
दाउन्ने एग्रो फार्मको ठूलो अण्डा प्रतिपेटी रु. ३ हजार ६५० र मझौला रु.३ हजार ४५०, हिमचुली पोल्ट्रीको ठूलो अण्डा रु. ३ हजार ६५५ र मझौता ३४५५, खिलुङकाली (जनकपुर एग्रो)को ठूलो अण्डा प्रतिपेटी रु. ३ हजार ६६०, मझौता रु. ३ हजार ४६०, सुविश पोल्ट्रीको ठूलो अण्डा रु. ३ हजार ६५५, मझौला रु. ३ हजार ४५५, भिज्जु पोल्ट्रीको ठूलो अण्डा रु. ३ हजार ६६०, मझौला रु. ३ हजार ४६०, शिवम् लेयर्स फार्मको ठूलो अण्डा रु. ३ हजार ६४५, मझौला रु. ३ हजार ४४५ कायम गरिएको छ ।
नेपाल लेयर्स कुखुरा पालक संघका अध्यक्ष विनोद पोखरेलका अनुसार अण्डा उत्पादन गर्ने कुखुरामा गिरावट, पर्यटक बढेको र स्कुल कलेज सञ्चालनमा आएसँगै अण्डाको माग बढेकाले मूल्य बढेको हो । किसानको फार्ममा बुढो कुखुरा बिक्री भएसँगै धेरै किसान विस्थापित भएकाले नयाँ चल्ला हाल्न नसकेको उहाँको भनाइ छ ।
“अहिलेको अवस्थालाई हेर्दा अण्डाको मूल्य क्रमशः बढ्ने देखिन्छ,” उहाँले भन्नुभयो “अण्डाको मूल्य बढेपछि किसान उत्साहित बनेका छन् । अहिले दैनिक २८–३० लाख गोटा हाराहारी अण्डा उत्पादन हुँदै आएको छ ।”
पोल्ट्री व्यवसायी मञ्चका निवर्तमान अध्यक्ष राजेन्द्र लामिछानेले उत्पादन घटेको र माग बढेपछि अण्डाको मूल्य बढेको बताउनुभयो । उहाँले भन्नुभयो “अण्डा हुनेले केही दिनमा लागत मूल्य पाउनेछन् ।”
नोक्सान थपिँदै गएपछि धेरै किसान विस्थापित भएको उद्योग संघ चितवनका निवर्तमान अध्यक्षसमेत रहनु भएका कुखुरापालक किसान त्रिलोचन कँडेलले बताउनुभयो । गत वर्ष पनि यस समयमा अण्डाको मूल्य वृद्धि भएको थियो । कँडेलले थप्नुभयो “अब किसानले लागत मूल्य पाएनन् भने बाँकी रहेका किसान विस्थापित हुन्छन् ।” अत्यधिक गर्मी बढेसँगै अण्डाको उत्पादन २५ प्रतिशत हाराहारी घट्ने गर्दछ ।