रत्ननगर (चितवन) । एनएमबी बैंकले विद्यार्थीलाई झोला र स्वेटर वितरण गरेको छ । बैंकको सामाजिक उत्तरदायित्व अन्तर्गत रत्ननगर नगरपालिका वडा नं. ३ मा रहेको श्री आधारभूत विद्यालय (१–८) बेल्सिीका विद्यार्थीलाई झोला र स्वेटर वितरण गरेको हो ।
बैंकको नारायणगढ शाखाले बिहीबार विद्यालय प्राङ्गणमा आयोजना गरेको कार्यक्रममा बैंकका प्रदेश नं. ३ का म्यानेजर दुर्गाराम पुरी, नारायणगढ शाखा प्रमुख विष्णु पौडेल, प्रमुख अतिथि रत्ननगर नगर शिक्षा अधिकारी बद्रीनारायण शर्मालगायतले विद्यार्थीलाई झोला र स्वेटर वितरण गर्नुभएको थियो । सो अवसरमा विद्यालयमा रहेका १४२ विद्यार्थीलाई एक/एक थान झोला र स्वेटर वितरण गरिएको थियो ।
बैंकले दलित, आदिवासी र न्यून आय भएका विद्यार्थीहरु अध्ययन गर्ने उक्त विद्यालयको छनोट गरी सामग्री हस्तान्तरण गरेको हो । कार्यक्रममा उपस्थित अधिकांश विद्यार्थीहरु एकसरो सर्ट (कमिज) मा उपस्थित थिए । पुसको जाडोमा पनि विद्यार्थीहरुको पहिरनले उनीहरुको आर्थिक अवस्था झल्काईरहेको थियो ।
विद्यालयका प्रधानाध्यापक शालिग्राम ढकालको अध्यक्षतामा भएको कार्यक्रममा प्रमुख अतिथि शर्मा, नगरपालिकाका सामाजिक विकास समिति संयोजक केशव आचार्य, विद्यालय व्यवस्थापन समितिका अध्यक्ष एवं वडा अध्यक्ष गुप्तनाथ भट्टराईलगायतले बोल्नु भएको थियो । उहाँहरुले बैंकले गरेको सामाजिक कार्यको सह्राना गर्नुभयो ।
बैंकका प्रदेश म्यानेजर पुरीले देशभरका १६३ शाखाबाट बैंकले सेवा दिईरहेको बताउँदै चितवनमा मात्रै सात वटा शाखाबाट सेवा दिएको जानकारी दिनुभयो । आईएसओ मान्यता प्राप्त नेपालको एकमात्र बैंक एनएमबी रहेको बताउँदै उहाँले बैंकले नकारात्मक क्षेत्रमा लगानी नगर्ने बताउनुभयो । उहाँले भन्नुभयो “मदिरा, सूर्तीजन्य पदार्थ जस्ता वस्तुको उत्पादन र व्यापारका लागि बैंकले लगानी गर्दैन ।”
न्यून आय भएका परिवारका बालबालिका अध्ययन गर्ने उक्त विद्यालयमा बैंकले गरेको सहयोगको वक्ताहरुले प्रशंसा गरेका थिए । बैंकको नारायणगढ शाखाले यस अघि भरतपुर २ आपटारीको भूमिहिन वस्तीमा निःशुल्क स्वास्थ्य शिविर आयोजना गरेको थियो ।
रत्ननगर (चितवन) । एनएमबी बैंकले विद्यार्थीलाई झोला र स्वेटर वितरण गरेको छ । बैंकको सामाजिक उत्तरदायित्व अन्तर्गत रत्ननगर नगरपालिका वडा नं. ३ मा रहेको श्री आधारभूत विद्यालय (१–८) बेल्सिीका विद्यार्थीलाई झोला र स्वेटर वितरण गरेको हो ।
बैंकको नारायणगढ शाखाले बिहीबार विद्यालय प्राङ्गणमा आयोजना गरेको कार्यक्रममा बैंकका प्रदेश नं. ३ का म्यानेजर दुर्गाराम पुरी, नारायणगढ शाखा प्रमुख विष्णु पौडेल, प्रमुख अतिथि रत्ननगर नगर शिक्षा अधिकारी बद्रीनारायण शर्मालगायतले विद्यार्थीलाई झोला र स्वेटर वितरण गर्नुभएको थियो । सो अवसरमा विद्यालयमा रहेका १४२ विद्यार्थीलाई एक/एक थान झोला र स्वेटर वितरण गरिएको थियो ।
बैंकले दलित, आदिवासी र न्यून आय भएका विद्यार्थीहरु अध्ययन गर्ने उक्त विद्यालयको छनोट गरी सामग्री हस्तान्तरण गरेको हो । कार्यक्रममा उपस्थित अधिकांश विद्यार्थीहरु एकसरो सर्ट (कमिज) मा उपस्थित थिए । पुसको जाडोमा पनि विद्यार्थीहरुको पहिरनले उनीहरुको आर्थिक अवस्था झल्काईरहेको थियो ।
विद्यालयका प्रधानाध्यापक शालिग्राम ढकालको अध्यक्षतामा भएको कार्यक्रममा प्रमुख अतिथि शर्मा, नगरपालिकाका सामाजिक विकास समिति संयोजक केशव आचार्य, विद्यालय व्यवस्थापन समितिका अध्यक्ष एवं वडा अध्यक्ष गुप्तनाथ भट्टराईलगायतले बोल्नु भएको थियो । उहाँहरुले बैंकले गरेको सामाजिक कार्यको सह्राना गर्नुभयो ।
बैंकका प्रदेश म्यानेजर पुरीले देशभरका १६३ शाखाबाट बैंकले सेवा दिईरहेको बताउँदै चितवनमा मात्रै सात वटा शाखाबाट सेवा दिएको जानकारी दिनुभयो । आईएसओ मान्यता प्राप्त नेपालको एकमात्र बैंक एनएमबी रहेको बताउँदै उहाँले बैंकले नकारात्मक क्षेत्रमा लगानी नगर्ने बताउनुभयो । उहाँले भन्नुभयो “मदिरा, सूर्तीजन्य पदार्थ जस्ता वस्तुको उत्पादन र व्यापारका लागि बैंकले लगानी गर्दैन ।”
न्यून आय भएका परिवारका बालबालिका अध्ययन गर्ने उक्त विद्यालयमा बैंकले गरेको सहयोगको वक्ताहरुले प्रशंसा गरेका थिए । बैंकको नारायणगढ शाखाले यस अघि भरतपुर २ आपटारीको भूमिहिन वस्तीमा निःशुल्क स्वास्थ्य शिविर आयोजना गरेको थियो ।