सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

चितवनमा नेपाल भ्रमण वर्ष शुभारम्भको रौनक


  •    न्युजभित्तो/१६ पुष २०७६, बुधबार २१:२७ 
  • चितवन । चितवनमा पनि नेपाल भ्रमण वर्ष २०२०को आज शुरुवात गरिएको छ । चितवनको सौराहा र पटिहानीमा आज नेपाल भ्रमण वर्षको शुरुवात गरिएको हो । त्यस्तै, भ्रमण वर्षको शुभारम्भको अवसरमा भरतपुरमा पर्यटकहरुलाई स्वागत गरिएको छ ।

    सौराहा

    चितवनको सौराहाबाट प्रदेश नं ३ सरकारले नेपाल भ्रमण वर्ष २०२०को औपचारिक शुभारम्भ गरेको छ । सौराहामा आयोजित कार्यक्रममा प्रदेशका सभामुख सानुकुमार श्रेष्ठ, पर्यटनमन्त्री अरुण नेपाल, आर्थिक मामिला तथा योजना मन्त्री कैलाश ढुंगेल र सामाजिक विकासमन्त्री युवराज दुलालले संयुक्त रुपमा प्रदेश नम्वर ३ मा भ्रमण वर्षको उद्घाटन गर्नुभयो । कार्यक्रममा जिल्ला समन्वय समिति चितवनका प्रमुख कृष्णकुमार डल्लाकोटी, रत्ननगर नगरपालिकाका मेयर नारायण वन, क्षेत्रीय होटल संघ चितवनका अध्यक्ष दीपक भट्टराई लगायतले मन्तव्य राख्नुभएको थियो ।

    पटिहानी

    नेपाल भ्रमण वर्ष २०२० सुरु भएसँगै चितवनको पर्यटकीय गन्तव्य भरतपुर–२२, पटिहानीको वडा कार्यालयले पनि भव्य कार्यक्रम आयोजना गरी पटिहानीमा भ्रमण वर्ष २०२० को शुभारम्भ गरेको छ । भ्रमण वर्ष शुभारम्भको अवसरमा पटिहानीका वासिन्दाले विदेशी पर्यटकलाई फूलमाला, स्थानीय झाँकी र संस्कृतिले स्वागत गरेका छन् । कार्यक्रमको शुभारम्भ गर्दै भरतपुर महानगरपालिका–२२ का वडा अध्यक्ष विष्णुराज महतोले पर्यटकको सुविधाका लागि आवश्यक व्यवस्था गरिएकोले यो वडा भरतपुर महानगरकै नमुना वडा रहेको बताउनुभयो ।

    भ्रमण वर्ष २०२० लाई लक्षित गर्दै आफ्नो वडाको गैँडाचोकमा नेपालकै नमूना खुला आकाशे सडक ‘अम्ब्रेला स्ट्रीट विथ सनसेट भ्यू प्वाइन्ट’ निर्माण गरिएको उहाँले बताउनुभयो । वडा कार्यालयबाट विभिन्न भेषभुषामा सजिएर निकालिको र्याली नगर परिक्रमा गरी पटिहानी टाउनमा पुगेर समापन भएको थियो ।

    बिमानस्थलमै पर्यटकको स्वागत

    नेपाल भ्रमण वर्ष २०२०को शुभारम्भको अवसरमा आज भरतपुर महानगरपालिकाका मेयर रेणु दाहालले भरतपुर विमानस्थलमा पर्यटकलाई फूलमालाले स्वागत र सम्मान गर्नुभएको छ । मेयर दाहालसहित उपमेयर पार्वती शाह तथा स्थानीय वासिन्दाले पर्यटकहरुलाई बाजागाजा सहित स्वागत गर्नुभएको थियो ।

    नेपाल भ्रमण वर्षको अवसरमा भरतपुर महानगरपालिकाले नारायणी नदि किनारमा आज बाघको आकृतिसहितको स्तम्भको शिलान्यास गरेको छ । भरतपुर महानगरपालिका प्रमुख रेणु दाहालले शिलान्यास गर्नुभएको सो स्तम्भ निर्माण गर्न ३ करोड ४० लाख रुपैयाँ लाग्ने अनुमान गरिएको छ । स्तम्भ निर्माणका लागि ५० प्रतिशत लगानी निजी क्षेत्रबाट हुने र उक्त स्तम्भलाई नमूना पार्कको रुपमा विकास गरिने स्तम्भ निर्माण समितिका संयोजक दिनेश कुमार चुकेले जानकारी दिनुभयो ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.