सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

पुस २९ देखि माघ ४ गतेसम्म भरतपुर–१४, सुन्दरवस्तीमा दोस्रो बेलोध खिचरा महोत्सव हुने

"थारु जातीको कला, धर्म, रितिरिवाज र संस्कृतिको जगेर्ना गर्ने उद्देश्य "

  •    न्युजभित्तो/१५ पुष २०७६, मंगलवार २०:३१ 
  •    संगिता बानिया

    चितवन । थारु कल्याणकारिणी सभा क्षेत्र नम्वर ५,बेलोध प्रगन्ना, चितवनको आयोजनामा पुस २९ देखि माघ ४ गतेसम्म ‘दोस्रो बेलोध खिचरा महोत्सव–२०७६’ हुने भएको छ । महोत्सव भरतपुर महानगरपालिका–१४, पटिहानीको सुन्दरवस्ती फुटवल खेल मैदानमा हुने आयोजकले जनाएको छ ।

    थारु जातीको कला, धर्म, रितिरिवाज र संस्कृतिको जगेर्ना गर्ने उद्देश्यले महोत्सव आयोजना गर्न लागिएको थारु कल्याणकारिणी सभा क्षेत्र नम्वर ५ का अध्यक्ष एवम् महोत्सव संयोजक ठगाई महतोले जानकारी दिनुभएको छ । पाँच दिनसम्म सञ्चालन हुने महोत्सवमा जातीय खानाका परिकार, साँस्कृतिक पहिरन, नमूना थारु घरलगायतका आकर्षण रहने संयोजक महतोले बताउनुभयो ।

    ‘थारु साँस्कृतिक पर्व खिचरा र आदिवासी जनजाती थारुहरुको पहिचान, पटिहानीको शान’ भन्ने मूल नाराका साथ महोत्सव गर्न लागिएको हो । महोत्सवका संयोजक महतोका अनुसार पर्यटन वर्ष २०२० लाई लक्षित गरी पटिहानी र आसपासका क्षेत्रमा रहेका पर्यटकीय गन्तव्यहरुको प्रचारप्रसार एवम् पर्यावरणको संरक्षण गरी मानव र वन्यजन्तुबीचको द्वन्द्व न्यूनिकरण गर्ने महोत्सवको थप उद्देश्य रहेको छ । साथै दिगो जिविकोपार्जनका लागि महोत्सवबाट थप टेवा पुग्ने विश्वास लिइएको कार्यक्रम संयोजक महतोले बताउनुभयो ।

    महोत्सवको करिब २० हजार मानिसले अवलोकन गर्ने र १५ लाख रुपैयाँ बराबरको आर्थिक कारोबार हुने आयोजकको अनुमान छ । महोत्सव भव्य र सभ्य रुपमा सम्पन्न गर्न ५ सय १ सदस्यीय मूल आयोजक समिति गठन गरिएको छ ।

    बेलोध खिचरा महोत्सवमा फरक–फरक विधाका एक सय भन्दा बढी स्टलहरु रहने बताईएको छ । भरतपुर महानगरपालिकाको एक मात्र खिचरा महोत्सव भएकोले यस महोत्सवप्रति सबैको ध्यान केन्द्रित हुने आयोजकले दावी गरेको छ । खिचरा महोत्सवमा राप्ती नदीको माछाका परिकार, चिचर, घोँगी, हाँसको मासुको परिकारले प्राथमिकता पाउने महोत्सव संयोजक ठगाई महतोले जानकारी दिनुभयो । महोत्सवलाई थप रोमाञ्चक बनाउन स्थानीय तथा राष्ट्रिय कलाकारहरुको प्रस्तुति रहने छ । त्यस्तै, बालबालिकाका लागि मनोरञ्जन पार्क पनि रहने संयोजक महतोले बताउनुभयो ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.