म्यानमार र थाइल्याण्डपछि पाकिस्तान र अफगानिस्तानमा भूकम्प
न्युजभित्तो/१९ चैत्र २०८१, बुधबार ११:२०
काठमाडौं, २० चैत । पाकिस्तान र अफगानिस्तानमा बुधबार बिहान भूकम्पका झट्का महसुस गरिएको छ। राष्ट्रिय भूकम्प विज्ञान केन्द्र (एनसीएस)ले दिएको जानकारी अनुसार पाकिस्तानमा ४.३ र अफगानिस्तानमा ४.७ म्याग्निच्युडको भूकम्प मापन गरिएको हो ।
पाकिस्तानमा आएको भूकम्पको केन्द्र जमिनको १२० किलोमिटर गहिराइमा रहेको थियो। अफगानिस्तानमा आएको भूकम्पको केन्द्र भने जमिनको १९३ किलोमिटर गहिराइमा रहेको थियो।
थाईल्यान्ड र म्यानमारमा गत शुक्रबार शक्तिशाली भूकम्प गएको थियो । ती देशहरूमा भूकम्पले ठूलो क्षति पुर्याएको थियो।
भूकम्प प्रभावित थाईल्यान्ड र म्यानमारमा अहिले पनि उद्दार अभियान जारी रहेको छ।
२०५६ जनाको मृत्यु, ३९०० घाइते
समाचार संस्था एएफपीका अनुसार म्यानमार भूकम्पका कारण अहिलेसम्म दुई हजार ५६ जनाको मृत्यु भइसकेको छ भने तीन हजार ९०० भन्दा बढी घाइते भएका छन् ।
चार दिन बितिसक्दा पनि उद्धार टोलीहरू राहत सामग्री वितरण गर्न सङ्घर्ष गरिरहेका छन् । सञ्चार सेवा अवरुद्ध भएका कारण धेरै प्रभावित क्षेत्रहरूमा अझै सम्पर्क स्थापित हुन सकेको छैन ।
यद्यपि, संयुक्त राष्ट्रसङ्घीय मानवीय सहायता संयोजक मार्कोलुइजी कोर्सीले भने, ‘हामीले हालसम्म कुनै सहायता अवरोधको अनुभव गरेका छैनौं । वितरण कार्य जारी छ ।’
म्यान्मारमा भइरहेको गृहयुद्धका कारण उद्धार तथा राहत कार्य थप जटिल बनेको छ । सैनिक प्रशासनले सहायता वितरणमा अवरोध पुर्याएको भन्ने आरोपहरू आए पनि संयुक्त राष्ट्रसङ्घले हालसम्म कुनै ठोस प्रमाण नदेखिएको जनाएको छ ।
‘विनाश ठूलो छ, आवश्यकताहरू तीव्र गतिमा बढिरहेका छन्,’ संयुक्त राष्ट्रसङ्घीय बाल कोष (युनिसेप) का उपप्रतिनिधि जुलिया रिसले भने । ‘स्वच्छ पानी, खाद्य सामग्री र औषधिको चरम अभाव छ । राहत नपुगे धेरैको जीवन सङ्कटमा पर्नेछ,’ उनले भने ।
संयुक्त राष्ट्रसङ्घीय शरणार्थी एजेन्सी (युएनएचसीआर) का प्रवक्ता बाबर बलोचले उद्धार टोलीहरूले सबैभन्दा जोखिममा रहेका समुदाय पहिचान गरिरहेको बताए । उनले भूकम्प प्रभावित क्षेत्रमा रहेका विस्फोटक पदार्थहरूको खतरा पनि रहेको बताए ।
गर्मीले उद्धार प्रभावित
यसैबीच, अन्तर्राष्ट्रिय रेडक्रस संस्था (आइआरएफसी)ले तापक्रम ४० डिग्री सेल्सियससम्म पुगेका कारण उद्धार कार्य झन् कठिन बनेको उल्लेख गरेको छ । आइआरएफसीले झन्डै एक लाख प्रभावित व्यक्तिलाई सहयोग गर्न १०० मिलियन स्विस फ्र्याङ्क ९११३ मिलियन डलर०सहयोग सङ्कलन अभियान थालेको छ ।
संयुक्त राष्ट्रसङ्घका अनुसार, भूकम्पअघि नै म्यान्मारमा २० लाख मानिसलाई मानवीय सहायता आवश्यक थियो, जसमा ६।५ लाखभन्दा बढी बालबालिका थिए । अहिले यो सङ्ख्या पाँच लाखभन्दा बढीले बढ्न सक्ने अनुमान गरिएको छ ।
संयुक्त राष्ट्रसङ्घका अधिकारीहरूले भूकम्पको बेलामा पनि जारी रहेको सैन्य आक्रमणप्रति चिन्ता व्यक्त गरेका छन् । संयुक्त राष्ट्रसङ्घीय विशेष प्रतिवेदक टम एन्ड्रयूजले म्यानमारका सैनिकलाई आक्रमण तुरुन्त रोक्न आग्रह गरेका छन् ।
संयुक्त राष्ट्रसङ्घले मानवीय सहायता कार्यक्रमका लागि यस वर्ष १.१ अर्ब डलरको अनुरोध गरेको थियो, तर हालसम्म जम्मा पाँच प्रतिशत मात्र प्राप्त भएको छ । राहत सङ्कलन अभावका कारण उद्धार कार्य सुस्त भइरहेको अधिकारीहरूले बताएका छन् । फाइल तस्बिर
काठमाडौं, २० चैत । पाकिस्तान र अफगानिस्तानमा बुधबार बिहान भूकम्पका झट्का महसुस गरिएको छ। राष्ट्रिय भूकम्प विज्ञान केन्द्र (एनसीएस)ले दिएको जानकारी अनुसार पाकिस्तानमा ४.३ र अफगानिस्तानमा ४.७ म्याग्निच्युडको भूकम्प मापन गरिएको हो ।
पाकिस्तानमा आएको भूकम्पको केन्द्र जमिनको १२० किलोमिटर गहिराइमा रहेको थियो। अफगानिस्तानमा आएको भूकम्पको केन्द्र भने जमिनको १९३ किलोमिटर गहिराइमा रहेको थियो।
थाईल्यान्ड र म्यानमारमा गत शुक्रबार शक्तिशाली भूकम्प गएको थियो । ती देशहरूमा भूकम्पले ठूलो क्षति पुर्याएको थियो।
भूकम्प प्रभावित थाईल्यान्ड र म्यानमारमा अहिले पनि उद्दार अभियान जारी रहेको छ।
२०५६ जनाको मृत्यु, ३९०० घाइते
समाचार संस्था एएफपीका अनुसार म्यानमार भूकम्पका कारण अहिलेसम्म दुई हजार ५६ जनाको मृत्यु भइसकेको छ भने तीन हजार ९०० भन्दा बढी घाइते भएका छन् ।
चार दिन बितिसक्दा पनि उद्धार टोलीहरू राहत सामग्री वितरण गर्न सङ्घर्ष गरिरहेका छन् । सञ्चार सेवा अवरुद्ध भएका कारण धेरै प्रभावित क्षेत्रहरूमा अझै सम्पर्क स्थापित हुन सकेको छैन ।
यद्यपि, संयुक्त राष्ट्रसङ्घीय मानवीय सहायता संयोजक मार्कोलुइजी कोर्सीले भने, ‘हामीले हालसम्म कुनै सहायता अवरोधको अनुभव गरेका छैनौं । वितरण कार्य जारी छ ।’
म्यान्मारमा भइरहेको गृहयुद्धका कारण उद्धार तथा राहत कार्य थप जटिल बनेको छ । सैनिक प्रशासनले सहायता वितरणमा अवरोध पुर्याएको भन्ने आरोपहरू आए पनि संयुक्त राष्ट्रसङ्घले हालसम्म कुनै ठोस प्रमाण नदेखिएको जनाएको छ ।
‘विनाश ठूलो छ, आवश्यकताहरू तीव्र गतिमा बढिरहेका छन्,’ संयुक्त राष्ट्रसङ्घीय बाल कोष (युनिसेप) का उपप्रतिनिधि जुलिया रिसले भने । ‘स्वच्छ पानी, खाद्य सामग्री र औषधिको चरम अभाव छ । राहत नपुगे धेरैको जीवन सङ्कटमा पर्नेछ,’ उनले भने ।
संयुक्त राष्ट्रसङ्घीय शरणार्थी एजेन्सी (युएनएचसीआर) का प्रवक्ता बाबर बलोचले उद्धार टोलीहरूले सबैभन्दा जोखिममा रहेका समुदाय पहिचान गरिरहेको बताए । उनले भूकम्प प्रभावित क्षेत्रमा रहेका विस्फोटक पदार्थहरूको खतरा पनि रहेको बताए ।
गर्मीले उद्धार प्रभावित
यसैबीच, अन्तर्राष्ट्रिय रेडक्रस संस्था (आइआरएफसी)ले तापक्रम ४० डिग्री सेल्सियससम्म पुगेका कारण उद्धार कार्य झन् कठिन बनेको उल्लेख गरेको छ । आइआरएफसीले झन्डै एक लाख प्रभावित व्यक्तिलाई सहयोग गर्न १०० मिलियन स्विस फ्र्याङ्क ९११३ मिलियन डलर०सहयोग सङ्कलन अभियान थालेको छ ।
संयुक्त राष्ट्रसङ्घका अनुसार, भूकम्पअघि नै म्यान्मारमा २० लाख मानिसलाई मानवीय सहायता आवश्यक थियो, जसमा ६।५ लाखभन्दा बढी बालबालिका थिए । अहिले यो सङ्ख्या पाँच लाखभन्दा बढीले बढ्न सक्ने अनुमान गरिएको छ ।
संयुक्त राष्ट्रसङ्घका अधिकारीहरूले भूकम्पको बेलामा पनि जारी रहेको सैन्य आक्रमणप्रति चिन्ता व्यक्त गरेका छन् । संयुक्त राष्ट्रसङ्घीय विशेष प्रतिवेदक टम एन्ड्रयूजले म्यानमारका सैनिकलाई आक्रमण तुरुन्त रोक्न आग्रह गरेका छन् ।
संयुक्त राष्ट्रसङ्घले मानवीय सहायता कार्यक्रमका लागि यस वर्ष १.१ अर्ब डलरको अनुरोध गरेको थियो, तर हालसम्म जम्मा पाँच प्रतिशत मात्र प्राप्त भएको छ । राहत सङ्कलन अभावका कारण उद्धार कार्य सुस्त भइरहेको अधिकारीहरूले बताएका छन् । फाइल तस्बिर
एजेन्सीहरूको सहयोगमा