चितवन पुराना कम्युनिष्ट नेता दुर्गा बहादुर केसी (डिबी सिंह) को शनिवार चितवनको भरतपुरमा निधन भएको छ । २००३ सालमा प्यूठानको लुङमा जन्मनुभएका सिंहको ७३ वर्षको उमेरमा शनिबार साँझ ६ बजे उपचारका क्रममा भरतपुरको पुरानो मेडिकल कलेजमा निधन भएको हो । पूर्वी नवलपरासीको गैंडाकोटमा बस्दै आउनुभएका सिंह मुटु र दम रोगले ग्रसित हुनुहुन्थ्यो । स्वर्गीय सिंहको आज नारायणी नदीमा अन्तिम दाहसंस्कार गरिएको छ । उहाँका श्रीमती, दुई छोरा र एक छोरी हुनुहुन्छ ।
वि.सं. २०१३ सालमा कम्युनिष्ट आन्दोलनमा प्रवेश गर्नुभएका सिंहले २०१९ सालमा कम्युनिष्ट पार्टीको सदस्यता लिनुभएको थियो । स्वर्गीय नेता सिंह २०१५ सालमा मोहन विक्रम सिंह उम्मेदवार हुँद उहाँलाई सहयोग गर्न कम्युनिष्ट पार्टीमा लाग्नु भएको थियो । उहाँ २०३२ सालमा सर्वाहारावादी क्रान्तिकारी कम्युनिष्ट संगठनमा आवद्ध हुनुभयो । २०३८ सालमा उहाँले केशव बडाललगायतका नेतालाई लिएर मजदुर किसान संगठनको नेतृत्व गर्नुभयो ।
मजदुर किसान संगठन तत्कालिन नेकपा मालेमा एकीकरण भएपछि सिंह केन्द्रिय सदस्य बन्नुभएको थियो । नेपालमा ‘ट्राटस्कीपन्थी’का रूपमा चिनिएर पछि आरके सर्राफद्वारा प्रभावित उहाँ २०३९ सालमा कुन्दनको नामले नेकपा(माले) को केन्द्रीय सदस्य र छोटो समय लुम्बिनी क्षेत्रको ईन्चार्जसमेत हुनुभएको थियो ।
उहाँ फरक विचार राखेर २०४५/४६ सालपछि तत्कालिन मालेबाट अलग हुनुभयो । राजनीतिसँगै उहाँ पछिल्लो समय पर्यावरण संरक्षणको अभियानमा क्रियाशिल हुुनुहुन्थ्यो । नेता केसीको निधनले नेपालको कम्युनिष्ट आन्दोलनमा जुझारु, लगनशील र क्रियाशील नेता गुमाउनु परेको नेकपाका केन्द्रिय सदस्य देवी ज्ञवालीले बताउनुभयो । उहाँको उर्वर समय र जीवन नेपालको राजनीतिमा समर्पित भएको ज्ञवालीले जानकारी दिनुभयो ।
नेपाल कम्युनिष्ट पार्टी (नेकपा) का नेताहरु काशिनाथ अधिकारी, देवी ज्ञवालीलगायतले स्वर्गीय सिंहलाई अन्तिम श्रद्धाञ्जलि अर्पण गर्नुभएको थियो ।
चितवन
पुराना कम्युनिष्ट नेता दुर्गा बहादुर केसी (डिबी सिंह) को शनिवार चितवनको भरतपुरमा निधन भएको छ । २००३ सालमा प्यूठानको लुङमा जन्मनुभएका सिंहको ७३ वर्षको उमेरमा शनिबार साँझ ६ बजे उपचारका क्रममा भरतपुरको पुरानो मेडिकल कलेजमा निधन भएको हो ।
पूर्वी नवलपरासीको गैंडाकोटमा बस्दै आउनुभएका सिंह मुटु र दम रोगले ग्रसित हुनुहुन्थ्यो । स्वर्गीय सिंहको आज नारायणी नदीमा अन्तिम दाहसंस्कार गरिएको छ । उहाँका श्रीमती, दुई छोरा र एक छोरी हुनुहुन्छ ।
वि.सं. २०१३ सालमा कम्युनिष्ट आन्दोलनमा प्रवेश गर्नुभएका सिंहले २०१९ सालमा कम्युनिष्ट पार्टीको सदस्यता लिनुभएको थियो । स्वर्गीय नेता सिंह २०१५ सालमा मोहन विक्रम सिंह उम्मेदवार हुँद उहाँलाई सहयोग गर्न कम्युनिष्ट पार्टीमा लाग्नु भएको थियो । उहाँ २०३२ सालमा सर्वाहारावादी क्रान्तिकारी कम्युनिष्ट संगठनमा आवद्ध हुनुभयो । २०३८ सालमा उहाँले केशव बडाललगायतका नेतालाई लिएर मजदुर किसान संगठनको नेतृत्व गर्नुभयो ।
मजदुर किसान संगठन तत्कालिन नेकपा मालेमा एकीकरण भएपछि सिंह केन्द्रिय सदस्य बन्नुभएको थियो । नेपालमा ‘ट्राटस्कीपन्थी’का रूपमा चिनिएर पछि आरके सर्राफद्वारा प्रभावित उहाँ २०३९ सालमा कुन्दनको नामले नेकपा(माले) को केन्द्रीय सदस्य र छोटो समय लुम्बिनी क्षेत्रको ईन्चार्जसमेत हुनुभएको थियो ।
उहाँ फरक विचार राखेर २०४५/४६ सालपछि तत्कालिन मालेबाट अलग हुनुभयो । राजनीतिसँगै उहाँ पछिल्लो समय पर्यावरण संरक्षणको अभियानमा क्रियाशिल हुुनुहुन्थ्यो । नेता केसीको निधनले नेपालको कम्युनिष्ट आन्दोलनमा जुझारु, लगनशील र क्रियाशील नेता गुमाउनु परेको नेकपाका केन्द्रिय सदस्य देवी ज्ञवालीले बताउनुभयो । उहाँको उर्वर समय र जीवन नेपालको राजनीतिमा समर्पित भएको ज्ञवालीले जानकारी दिनुभयो ।
नेपाल कम्युनिष्ट पार्टी (नेकपा) का नेताहरु काशिनाथ अधिकारी, देवी ज्ञवालीलगायतले स्वर्गीय सिंहलाई अन्तिम श्रद्धाञ्जलि अर्पण गर्नुभएको थियो ।