पोल्ट्रीजन्य वस्तु अवैध रुपमा भित्रिन नदिन प्रजिअ र प्रहरी प्रमुखसँग भेट

बारा, १९ फागुन । भारतीय सीमाकाबाट अवैध रुपमा पोल्ट्रीजन्य वस्तु भित्रिन नदिन पोल्ट्री व्यवसायीले बाराका प्रमुख जिल्ला अधिकारी र प्रहरी प्रमुखसँग भेट गरेका छन् । भारतीय सीमा नाकाबाट अबैध रूपमा अण्डा, कुखुरा , तयारी मासु, चल्ला भित्रिएपछि नेपाल लेयर्स कुखुरापालक सघले बारा जिल्लाका प्रमुख जिल्ला अधिकारी वसन्त अधिकारी र प्रहरी उपरीक्षक सन्तोष तमाङलाई गरेको हो ।

भेटका क्रममा अवैध सामग्री नियन्त्रणका लागि आवश्यक सहयोग गरिदिन अनुरोध गरिएको छ । प्रमुख जिल्ला अधिकारी अधिकारी र प्रहरी उपरीक्षक तामाङले आजैदेखि सुरक्षा निकायलाइ कडा निर्देशन दिने बिषयमा आश्वास्त पार्नु भएको छ ।

भेटघाट कार्यक्रममा नेपाल लेयर्स कुखुरापालक संघका अध्यक्ष बिनोद पोखरेल, नेपाल भेटेरिनरी एशोसियशन केन्द्रीय समितिका निवर्तमान अध्यक्ष डा सितलकाजी श्रेष्ठ, सघका महासचिव भेषराज अर्याल र सदस्य अमोद खनाल सहभागी हुनुहुन्थ्यो ।

व्यवसायीहरुले गृहमन्त्री रमेश लेखकलाई पनि यस अघि नै भेट गरी अवैध रुपमा पोल्ट्रीजन्य सामग्री भित्रिन नदिने आग्रह गरेका थिए भने विभिन्न जिल्लामा पुगेर प्रशासन र सुरक्षा निकायका प्रमुखहरुसँग पनि यस विषयमा छलफल गरिरहेका छन् ।