सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

चितवन राष्ट्रिय निकुञ्ज घुम्ने विदेशी पर्यटक घटे


  •    न्युजभित्तो/१७ मंसिर २०७६, मंगलवार १४:५४ 
  • तिलकराम रिमाल

    चितवन । भ्रमण वर्षको पुर्वसन्ध्यामा चितवन राष्ट्रिय निकुञ्ज घुम्न आउने विदेशी पर्यटकको संख्यामा कमी आएको छ । सरकार र निजी क्षेत्रले पर्यटकको संख्या बढाउन निकै खर्च गरे पनि यहाँ भने संख्या घटेको हो ।

    निकुञ्जका सहायक संरक्षण अधिकृत एवं सूचना अधिकारी गोपाल घिमिरेका अनुसार गत आर्थिक वर्षको पहिलो चौमासिकको तुलनामा यस वर्ष विदेशी पर्यटकको संख्या घटेको छ । गतवर्षको साउनदेखि कात्तिकसम्म ३९ हजार ४३६ जना विदेशी पर्यटकले निकुञ्ज भ्रमण गरेकोमा यस वर्ष यो संख्या घटेर ३८ हजार ३३० मा झरेको छ । यसरी हेर्दा गतवर्षको चार महिनाको तुलनामा यस वर्षको चार महिनामा १ हजार १०७ जना विदेशी पर्यटक घटेको देखिन्छ ।

    तर नेपाली र सार्क मुलुकका पर्यटक भने यो अवधिमा बढेको तथ्यांकले देखाएका छ । समग्र पर्यटकको संख्या हेर्ने हो भने यस अवधिमा २६.८५ प्रतिशतले बढेको घिमिरेले बताउनुभयो ।
    तथ्यांक अनुसार गत वर्षको साउनदेखि कात्तिकसम्म ५४ हजार ६२३ पर्यटकले निकुञ्ज घुमेका थिए । यस वर्ष यो संख्या १४ हजार ६६९ ले बढेर ६९ हजार २९२ पुगेको छ ।

    बृद्धि भएको पर्यटकमध्ये नेपालीको संख्या बढी छ । गत वर्षको यस अवधिमा नेपाली ९ हजार ८५५, सार्क मुलुकका ५ हजार ३३१ र विदेशी ३९ हजार ४३७ जना रहेका थिए । यस वर्ष नेपालीको संख्या २४ हजार ४३५, सार्क मुलुकका ६ हजार ५२७ र विदेशी ३८ हजार ३३० रहेका छन् । जसमध्ये नेपालीको संख्या गत वर्षभन्दा १४ हजार ५८० ले बृद्धि भएको छ ।

    विदेशीको संख्या १ हजार १०७ घटेको छ भने सार्क मुलुकका पर्यटक १ हजार १९६ ले बढेको छ । समग्र तथ्यांकलाई केलाउँदा नेपालीको संख्या बढे पनि विदेशी पर्यटक भने बढ्न सकेको छैन । गत आर्थिक वर्ष भरिमा १ लाख ७८ हजार १०९ पर्यटकले निकुञ्ज घुमेका थिए ।

    यस अघि भूकम्प र नाकाबन्दीपछि पर्यटकको संख्या निकै गिरावट आएको थियो । आर्थिक वर्ष २०७१/०७२ मा १ लाख ७८ हजार २५७ जना पर्यटकले निकुञ्ज घुमेका थिए । यो निकुञ्जको इतिहासमा उच्च संख्या हो । २०७२ सालको भूकम्पका कारण आव २०७२/०७३ मा ८७ हजार ३२१ पर्यटकले मात्रै निकुञ्ज भ्रमण गरेका थिए । त्यसपछिका वर्षहरुमा भने क्रमशः बृद्धि हुँदै आएको छ । आ.व. २०७३/७४ मा १ लाख ३९ हजार १२५, आ.व. ०७४/०७४ मा १ लाख ५२ हजार ६७१ र ०७५/०७६ मा १ लाख ७८ हजार १०९ पर्यटकले निकुञ्ज घुमेका थिए ।

    चितवनमा मुख्य रुपमा निकुञ्जभित्र रहेका दुर्लभ वन्यजन्तु बाघ, गैंडा जस्ता जनावर हेर्न, राप्ती नदीमा डुंगा सयर र थारु संस्कृति हेर्न पर्यटक आउने गर्दछन् ।

    पर्यटकहरु हात्ती, जीप, पैदल, डुंगाबाट निकुञ्ज र मध्यवर्ती क्षेत्रमा घुम्ने गर्दछन् । यसरी घुम्न पर्यटकले टिकट काट्नु पर्दछ । उक्त टिकटलाई आधार मानेर पर्यटकको संख्या निकाल्ने गरिन्छ । जिल्लाका पर्यटकीय ठाउँमा आएर पनि निकुञ्ज नजाने पर्यटकको संख्या पनि ठूलो रहने गरेको छ । तर त्यसको कुनै पनि निकायले तथ्यांक लिने गरेको पाईदैन । जिल्लाको सौराहा, मेघौली, पटिहानी, माडी, देवघाट, सिराईचुली लगायतका स्थानमा स्वदेशी तथा विदेशी पर्यटक आउने गर्दछन् ।

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.