गैरकानूनी शुल्क फिर्ता गर्न माग गर्दै बृहत् प्रदर्शन

चितवन । चितवन मेडिकल कलेजमा गठन भएको चिकित्सा शिक्षा सङ्घर्ष समितिको अगुवाइमा आज बृहत् प्रदर्शन भएको छ । मेडिकल कलेजहरूले असुल गरेको गैरकानूनी शुल्क फिर्ता नभएको विरोधमा विद्यार्थी, अभिभावक तथा नागरिक समाजको अगुवाइमा प्रदर्शन गरिएको हो ।

वीरेन्द्र क्याम्पसबाट शुरु भएको प्रदर्शनले बजार परिक्रमा गरेको थियो । विरोध र्यालीपछि आयोजित कोणसभामा अभिभावक विष्णुप्रसाद ओली र विद्यार्थी मान्यता थापाले बढी शुल्क असुल गर्ने कलेजहरुलाई कडा कारवाही गरिनुपर्ने माग गर्नुभयो ।

मेडिकल कलेजलाई शिक्षा मन्त्रालयले बढी उठाएको शुल्क फिर्ता गर्न १५ दिनको समय दिएको थियो । त्यो समय सोमबार सकिँदैछ । विद्यार्थीका अनुसार अहिलेसम्म मेडिकल कलेजले बढी उठाएको शुल्क फिर्ता गरेको छैन । शिक्षा मन्त्रालयले १५ दिनभित्र गैरकानूनी शुल्क फिर्ता नलिए मेडिकल कलेजलाई कारवाही गर्ने जनाएको छ ।