काठमाडौं । नवनियुक्त मन्त्री तथा राज्यमन्त्रीहरूले आज विहान पद तथा गोपनीयताको शपथ ग्रहण गरेका छन् । राष्ट्रपति कार्यालय, शीतलनिवासमा आयोजित समारोहमा राष्ट्रपति विद्यादेवी भण्डारीले नवनियुक्त ६ जना मन्त्रीलाई शपथ गराउनुभयो ।
राज्य मन्त्रीहरू तीन जनालाई भने प्रधानमन्त्री केपी शर्मा ओलीले शपथ गराउनुभएको छ । नवनियुक्त मन्त्रीहरूलाई राष्ट्रपतिले र राज्यमन्त्रीलाई प्रधानमन्त्रीले शपथ गराउने संवैधानिक व्यवस्था छ ।
प्रधानमन्त्रीको सिफारिसमा राष्ट्रपति विद्यादेवी भण्डारीले हिजो साँझ मन्त्रिपरिषद् पुनर्गठन गर्नुभएको थियो । शपथ ग्रहण समारोहमा उपराष्ट्रपति नन्दबहादुर पुन, राष्ट्रिय सभाका अध्यक्ष गणेशप्रसाद तिमिल्सिनालगायतको उपस्थिति थियो ।
नवनियुक्त मन्त्रीहरूमा घनश्याम भुसाललाई कृषि मन्त्रालय, वसन्त नेम्वाङलाई भौतिक पूर्वाधार तथा यातायात मन्त्रालय, हृदयेश त्रिपाठीलाई संघीय मामिला तथा सामान्य प्रशासन मन्त्रालय, पार्वत गुरुङलाई महिला बालबालिका तथा जेष्ठ नागरिक मन्त्रालय, लेखराज भट्टलाई उद्योग मन्त्रालय र रामेश्वर राय यादवलाई श्रम मन्त्रालयको जिम्मेवारी दिइएको छ । त्यसैगरी, नवनियुक्त राज्यमन्त्रीहरुमा मोतीलाल दुगड (उद्योग, वाणिज्य तथा आपूर्ति राज्यमन्त्री), नवराज रावत (स्वास्थ्य तथा जनसङ्ख्या राज्यमन्त्री) र रामवीर मानन्धर (शहरी विकास राज्यमन्त्री) हुनुहुन्छ ।
मन्त्रीमण्डल पुनर्गठनसँगै भौतिक पूर्वाधार मन्त्री रघुवीर महासेठ, संघीय मामिलामन्त्री लालबाबु पण्डित, श्रममन्त्री गोकर्ण विष्ट, महिला बालबालिका तथा जेष्ठ नागरिकमन्त्री थममाया थापा, कृषिमन्त्री चक्रपाणि खनाल, उद्योगमन्त्री मात्रिका यादव तथा पर्यटन राज्यमन्त्री धनबहादुर बुढा र कृषि राज्यमन्त्री रामकुमारी चौधरीलाई विदा दिइएको छ ।
काठमाडौं । नवनियुक्त मन्त्री तथा राज्यमन्त्रीहरूले आज विहान पद तथा गोपनीयताको शपथ ग्रहण गरेका छन् । राष्ट्रपति कार्यालय, शीतलनिवासमा आयोजित समारोहमा राष्ट्रपति विद्यादेवी भण्डारीले नवनियुक्त ६ जना मन्त्रीलाई शपथ गराउनुभयो ।
राज्य मन्त्रीहरू तीन जनालाई भने प्रधानमन्त्री केपी शर्मा ओलीले शपथ गराउनुभएको छ । नवनियुक्त मन्त्रीहरूलाई राष्ट्रपतिले र राज्यमन्त्रीलाई प्रधानमन्त्रीले शपथ गराउने संवैधानिक व्यवस्था छ ।
प्रधानमन्त्रीको सिफारिसमा राष्ट्रपति विद्यादेवी भण्डारीले हिजो साँझ मन्त्रिपरिषद् पुनर्गठन गर्नुभएको थियो । शपथ ग्रहण समारोहमा उपराष्ट्रपति नन्दबहादुर पुन, राष्ट्रिय सभाका अध्यक्ष गणेशप्रसाद तिमिल्सिनालगायतको उपस्थिति थियो ।
नवनियुक्त मन्त्रीहरूमा घनश्याम भुसाललाई कृषि मन्त्रालय, वसन्त नेम्वाङलाई भौतिक पूर्वाधार तथा यातायात मन्त्रालय, हृदयेश त्रिपाठीलाई संघीय मामिला तथा सामान्य प्रशासन मन्त्रालय, पार्वत गुरुङलाई महिला बालबालिका तथा जेष्ठ नागरिक मन्त्रालय, लेखराज भट्टलाई उद्योग मन्त्रालय र रामेश्वर राय यादवलाई श्रम मन्त्रालयको जिम्मेवारी दिइएको छ । त्यसैगरी, नवनियुक्त राज्यमन्त्रीहरुमा मोतीलाल दुगड (उद्योग, वाणिज्य तथा आपूर्ति राज्यमन्त्री), नवराज रावत (स्वास्थ्य तथा जनसङ्ख्या राज्यमन्त्री) र रामवीर मानन्धर (शहरी विकास राज्यमन्त्री) हुनुहुन्छ ।
मन्त्रीमण्डल पुनर्गठनसँगै भौतिक पूर्वाधार मन्त्री रघुवीर महासेठ, संघीय मामिलामन्त्री लालबाबु पण्डित, श्रममन्त्री गोकर्ण विष्ट, महिला बालबालिका तथा जेष्ठ नागरिकमन्त्री थममाया थापा, कृषिमन्त्री चक्रपाणि खनाल, उद्योगमन्त्री मात्रिका यादव तथा पर्यटन राज्यमन्त्री धनबहादुर बुढा र कृषि राज्यमन्त्री रामकुमारी चौधरीलाई विदा दिइएको छ ।