पपुलर युनिसेक्स शैलुनले दिएको ४५ दिने निःशुल्क तालिम सम्पन्न

चितवन, ११ असोज । भरतपुरको सिटी ल्याण्डमार्कमा रहेको पपुल युनिसेक्स शैलुनको ११ औं वार्षिकोत्सवको अवसरमा आयोजित निःशुल्क कपाल काट्ने तालिम आज समापन भएको छ । ३० जना युवायुवतीलाई दिइएको ४५ दिने निःशुल्क तालिम असमापन भएको हो ।

जिल्ला समन्वय समिति चितवनका प्रमुख नारायणप्रसाद अधिकारीले तालिमको समापन गर्नुभयो । सो अवसरमा उहाँले सीप आफैमा धन भएको भन्दै सीपको उच्चतम प्रयोग गरेर धनआर्जन गर्न सकिने बताउनुभयो । उहाँले भन्नुभयो “स्वदेशमै स्वरोजगारमूलक व्यवसाय गर्न यो तालिम महत्वपूर्ण छ ।” यति खर्चिलो तालिम निःशुल्क गराएकोमा उहाँले धन्यवाद दिनुभयो ।

युवाहरुलाई ४५ दिनको अवधिमा जेन्स तथा लेडिजको कपाल काट्ने, नुहाउने र कपाल बनाउने लगायतका सीप सिकाइएको थियो । तालिम लिएका युवाहरुले विभिन्न सरकारी विद्यालयमा गएर यो अवधिमा सयौं विद्यार्थीको निःशुल्क कपाल काटिदिएको शैलुनका संचालक सुलभ सिग्देलले जानकारी दिनुभयो । उहाँले तालिम लिएका युवाहरु आफै स्वरोजगार बन्न पसल संचालनको तयारीमा रहेको उहाँले बताउनुभयो ।

समापन कार्यक्रममा पत्रकार महांसघ चितवनका अध्यक्ष नारायण अधिकारी, प्रशिक्षार्थी सुनिता पोखरेल लगायतले बोल्नु भएको थियो । समापन समारोहमा सहभागीहरुलाई प्रमाणपत्र वितरण गरिएको थियो ।

सैलुनका प्रबन्ध निर्देशक सुस्मिता चालिसेले गत वर्ष पनि आफूहरुले ३० जनालाई निःशुल्क तालिम दिएको बताउँदै आगामी वर्षहरुमा पनि यो कार्यक्रमलाई निरन्तरता दिने बताउनुभयो । पपुलरको भरतपुरको सिटी मलको तेस्रो तलामा सैलुन रहेको छ । जहाँ नियमित तालिम दिने गरिन्छ । सैलुनले चाडपर्वको अवसरमा अहिले २५ प्रतिशत छुटमा सेवा दिईरहेको छ । महिला र पुरुष दुवैको कपाल र सौन्दर्यका सम्पूर्ण काम गर्दै आएको छ ।