माडीको रातमाटेमा कवि पाठकको ‘मरुभूमिमा वासन्ती याम’ लोकार्पण
न्युजभित्तो/१६ भाद्र २०८१, आईतवार ११:११
माडी (चितवन), १६ भदौ । कवि विपिन पाठकको पहिलो कविता संग्रह ‘मरूभूमिमा वासन्ती याम’ लोकार्पण गरिएको छ । माडी नगरपालिकाको पर्यटकीय स्थल रातमाटे डाँडामा एक कार्यक्रमको आयोजना गरी कविता संग्रहको लोकार्पण गरिएको हो।
चितवन, मकवानपुर र नवलपरासीका साहित्यकार तथा प्राज्ञिक व्यक्तिहरुको उपस्थितिमा शुक्रबार साँझ गरिएको कार्यक्रममा माडी नगरपालिकाका प्रमुख ताराकुमारी काजी महतो, कवि पाठकका बाबुआमा बालकृष्ण पाठक, पार्वती पाठक, कवि भूपिनलगायतले संयुक्त रुपमा कविता संग्रह लोकार्पण गर्नुभयो ।
माडी साहित्य परिवारको आयोजनामा गरिएको कार्यक्रममा कवि पाठकको व्यक्तित्व एवं कृतिबारे डा. धनेश्वर भट्टराईले चर्चा गर्नुभएको थियो भने प्रेम रिमाल, रामप्रसाद न्यौपाने, प्रकाश चापागाईं, पुरुषोत्तम आचार्यलगायतले पुस्तकका बारेमा चर्चा गर्नुभएको थियो ।
कवितामार्फत समाजमा चेतना तथा परिवर्तनका केही सन्देश दिने प्रयास गरेको कवि पाठकले सो अवसरमा बताउनुभयो । कवि पाठकले कवितामा समाजका सामान्य कुरा समेटिएको भन्दै सीमान्तकृतको आवाज, असमानताप्रतिको विद्रोह, कर्मीवर्गप्रतिको विशेष प्रेम, राजनीतिक विचलन, सुशासनका लागि खबरदारी, प्रकृति र वातावरण संरक्षणलगायतका विषय कवितामार्फत समेटेको बताउनुभयो । सामाजिक तथा समाज रुपान्तरणसम्बन्धी ४० वटा कविता समेटिएको संग्रहको प्रकाशन इन्डिगो इन्क प्रालि काठमाडौंले गरेको हो ।
माडी (चितवन), १६ भदौ । कवि विपिन पाठकको पहिलो कविता संग्रह ‘मरूभूमिमा वासन्ती याम’ लोकार्पण गरिएको छ । माडी नगरपालिकाको पर्यटकीय स्थल रातमाटे डाँडामा एक कार्यक्रमको आयोजना गरी कविता संग्रहको लोकार्पण गरिएको हो।
चितवन, मकवानपुर र नवलपरासीका साहित्यकार तथा प्राज्ञिक व्यक्तिहरुको उपस्थितिमा शुक्रबार साँझ गरिएको कार्यक्रममा माडी नगरपालिकाका प्रमुख ताराकुमारी काजी महतो, कवि पाठकका बाबुआमा बालकृष्ण पाठक, पार्वती पाठक, कवि भूपिनलगायतले संयुक्त रुपमा कविता संग्रह लोकार्पण गर्नुभयो ।
माडी साहित्य परिवारको आयोजनामा गरिएको कार्यक्रममा कवि पाठकको व्यक्तित्व एवं कृतिबारे डा. धनेश्वर भट्टराईले चर्चा गर्नुभएको थियो भने प्रेम रिमाल, रामप्रसाद न्यौपाने, प्रकाश चापागाईं, पुरुषोत्तम आचार्यलगायतले पुस्तकका बारेमा चर्चा गर्नुभएको थियो ।
कवितामार्फत समाजमा चेतना तथा परिवर्तनका केही सन्देश दिने प्रयास गरेको कवि पाठकले सो अवसरमा बताउनुभयो । कवि पाठकले कवितामा समाजका सामान्य कुरा समेटिएको भन्दै सीमान्तकृतको आवाज, असमानताप्रतिको विद्रोह, कर्मीवर्गप्रतिको विशेष प्रेम, राजनीतिक विचलन, सुशासनका लागि खबरदारी, प्रकृति र वातावरण संरक्षणलगायतका विषय कवितामार्फत समेटेको बताउनुभयो । सामाजिक तथा समाज रुपान्तरणसम्बन्धी ४० वटा कविता समेटिएको संग्रहको प्रकाशन इन्डिगो इन्क प्रालि काठमाडौंले गरेको हो ।