पपुलर युनिसेक्स सैलुनको चाडपर्व अफर, सेवा र तालिममा ५० प्रतिशतसम्म छुट

चितवन, १५ भदौ । चितवन र छिमेकी जिल्लामा शैलुन र पार्लर सम्बन्धी सेवामा परिचित पपुलर युनिसेक्स सैलुनले चाडपर्व अफर ल्याएको छ । भरतपुरको सिजि ल्याण्डमार्कमा रहेको सैलुनले यस अफर अन्तर्गत सेवा र तालिममा ५० प्रतिशतसम्म छुट दिएको हो ।

सैलुनका सञ्चालक सुलभ सिग्देलका अनुसार पहिले रु. ३ हजार ५०० रुपैयाँ लिईदै आएको हातखुट्टाको नङ्ग बनाउने मेनि केयर र पेडी केयर रु.२ हजारमा गर्न थालिएको छ । हेयर कलरमा रु.२ हजारबाट शुरु गरिएको छ । यस अघि रु. ३ हजारबाट यो सेवा दिंदै आएको थियो ।

फेसियल रु.२ हजार ५०० बाट रु. १ हजार ५०० मा झारिएको छ । सबै खालका कपाल कटाईमा २० प्रतिशत छुट दिईएको छ । सिग्देलका अनुसार पार्लर सम्बन्धी सेवामा २० देखि ५० प्रतिशतसम्म छुट दिईएको छ भने तालिममा ५० प्रतिशत छुट दिईएको छ । २५ हजार लिईदै आएको तालिममा अहिले रु. १२ हजार ५०० लिईन्छ ।

सिग्देलले भन्नुभयो “चाडपर्वभर विशेष छुटमा सेवा दिईरहेका छौं ।” यो सेवा छठसम्म रहने उहाँले जानकारी दिनुभयो ।

सिजी ल्याण्डमार्कको तेस्रो तलामा रहेको सैलुनमा चितवन र छिमेकी जिल्लाबाट सेवा लिन आउने गर्दछन् । सिग्देलले भन्नुभयो “कतिपय मेरा सेवाग्राही काठमाण्डौंबाट पनि आउनुहुन्छ ।” विगत ११ वर्षदेखि सेवा दिंदै आएको छ । यस क्रममा यहाँ तालिम लिएर जिल्ला र देशका विभिन्न भागसँगै विदेशमा समेत यस सम्बन्धी काम धेरैले गर्दै आएको उहाँले जानकारी दिनुभयो ।

गत वर्षबाट उहाँले आफ्नो जन्मदिनको अवसर पारेर ३० जनालाई निःशुल्क तालिम दिंदै आउनु भएको छ । यससँगै स्थानीय तह र अन्य निकायहरुसँग मिलेर उहाँले तालिम दिने गर्नुहुन्छ । विदेशबाट स्वदेशमै केही गरौं भन्ने अभिप्रायले फर्किनु भएका सिग्देल छोटो समयमा सैलुन पेशमा निकै प्रख्यात हुनु भएको छ ।