चितवन । सुरुआती अवस्थामा दर्शकको न्यून उपस्थिति रहेको भएपनि पछिल्लो समय दर्शकको चाप बढ्दै गएपछि नारायणी महोत्सवको समय पाँच दिन थप गरिएको छ । आयोजक संस्था रेविका बाल प्रतिष्ठानका व्यवस्थापक एवम् महोत्सवका संयोजक रोशन राजकर्णिकारका अनुसार दर्शकहरुको उपस्थितिलाई मध्यनजर गर्दै महोत्सव पाँच दिन थप गरिएको हो ।
अपाङ्गता भएका बालबालिकाहरुको सहयोगार्थ नारायणी नदी किनारमा सञ्चालन गरिएको महोत्सवमा सोमबार समेत १२ हजार भन्दा बढी दर्शकहरुले अवलोकन गरेका राजकर्णिकारले बताउनुभयो । शुक्रबारदेखि महोत्सवमा दर्शकहरुको उपस्थिति बढ्दै जाँदा र महोत्सव भित्रका व्यवसायीहरुको चाहनाका कारण समेत महोत्सव पाँच दिन थप गरिएको राजकर्णिकारले जानकारी दिनुभयो ।
महोत्सवको समय थप गरिएसँगै महोत्सवको सांगीतिक कार्यक्रममा आउने कलाकार समेत थप गरिएको छ । पाँच दिन थप गरिएको महोत्सवमा काउली बुढी, कमल खत्री, दुर्गेश थापा, कमला घिमिरे तथा पशुपति शर्मा आउने सहआयोजक संस्था रवि एण्ड उषा मिडिया प्रालिका अध्यक्ष रवि अधिकारीले बताउनुभयो । मंगलबार भने काउली बुढीको प्रस्तुति रहने अधिकारीले बताउनुभयो ।
सोमबारको सांस्कृतिक कार्यक्रममा ज्योति मगर र मिलन लामाले प्रत्यक्ष दोहोरीमा दर्शकहरुलाई नचाएका थिए । कात्तिक १५ देखि सञ्चालन गरिएको महोत्सवको आम्दानीबाट अपाङ्गता भएका बालबालिकाहरुको लागि खर्च गरिने आयोजक संस्था रेविका बाल प्रतिष्ठानकी अध्यक्ष रुवी थापाले बताउनुभयो । प्रतिष्ठानमा हाल २५ जना अपाङ्गता भएका बालबालिकाहरुले शिक्षादीक्षासँगै निशुल्क रुपमा औषधिउपचार समेत पाउँदै आइरहेका छन् ।
विभिन्न व्यावसायिक स्टलहरुका साथै बाल उद्यान समेत राखिएको महोत्सवमा ¥याफ्टिङ गर्ने सुविधा समेत रहेको छ । महोत्सवको सहयोगीमा भरतपुर महानगरपालिका, संयुक्त पाँच टोल विकास संस्था र केटिभी एड्भरटाइजिङ एजेन्सी रहेका छन् ।
चितवन । सुरुआती अवस्थामा दर्शकको न्यून उपस्थिति रहेको भएपनि पछिल्लो समय दर्शकको चाप बढ्दै गएपछि नारायणी महोत्सवको समय पाँच दिन थप गरिएको छ । आयोजक संस्था रेविका बाल प्रतिष्ठानका व्यवस्थापक एवम् महोत्सवका संयोजक रोशन राजकर्णिकारका अनुसार दर्शकहरुको उपस्थितिलाई मध्यनजर गर्दै महोत्सव पाँच दिन थप गरिएको हो ।
अपाङ्गता भएका बालबालिकाहरुको सहयोगार्थ नारायणी नदी किनारमा सञ्चालन गरिएको महोत्सवमा सोमबार समेत १२ हजार भन्दा बढी दर्शकहरुले अवलोकन गरेका राजकर्णिकारले बताउनुभयो । शुक्रबारदेखि महोत्सवमा दर्शकहरुको उपस्थिति बढ्दै जाँदा र महोत्सव भित्रका व्यवसायीहरुको चाहनाका कारण समेत महोत्सव पाँच दिन थप गरिएको राजकर्णिकारले जानकारी दिनुभयो ।
महोत्सवको समय थप गरिएसँगै महोत्सवको सांगीतिक कार्यक्रममा आउने कलाकार समेत थप गरिएको छ । पाँच दिन थप गरिएको महोत्सवमा काउली बुढी, कमल खत्री, दुर्गेश थापा, कमला घिमिरे तथा पशुपति शर्मा आउने सहआयोजक संस्था रवि एण्ड उषा मिडिया प्रालिका अध्यक्ष रवि अधिकारीले बताउनुभयो । मंगलबार भने काउली बुढीको प्रस्तुति रहने अधिकारीले बताउनुभयो ।
सोमबारको सांस्कृतिक कार्यक्रममा ज्योति मगर र मिलन लामाले प्रत्यक्ष दोहोरीमा दर्शकहरुलाई नचाएका थिए । कात्तिक १५ देखि सञ्चालन गरिएको महोत्सवको आम्दानीबाट अपाङ्गता भएका बालबालिकाहरुको लागि खर्च गरिने आयोजक संस्था रेविका बाल प्रतिष्ठानकी अध्यक्ष रुवी थापाले बताउनुभयो । प्रतिष्ठानमा हाल २५ जना अपाङ्गता भएका बालबालिकाहरुले शिक्षादीक्षासँगै निशुल्क रुपमा औषधिउपचार समेत पाउँदै आइरहेका छन् ।
विभिन्न व्यावसायिक स्टलहरुका साथै बाल उद्यान समेत राखिएको महोत्सवमा ¥याफ्टिङ गर्ने सुविधा समेत रहेको छ । महोत्सवको सहयोगीमा भरतपुर महानगरपालिका, संयुक्त पाँच टोल विकास संस्था र केटिभी एड्भरटाइजिङ एजेन्सी रहेका छन् ।