सुनको भाउ फेरि रेकर्ड नजिक, प्रतितोला कति पुग्यो ?

काठमाडौं, १७ साउन । नेपाली बजारमा बिहीबार सुनको मूल्य फेरि रेकर्ड नजिक पुगेको छ। आज सुनको भाउ अघिल्लो दिनको तुलनामा प्रतितोला एक हजार छ सय रूपैयाँ बढेर रेकर्ड नजिक पुगेको छ।

यसअघि गत साउन २ गते सुनको भाउ प्रतितोला एक लाख ४९ हजार आठ सय रूपैयाँ पुगेर ऐतिहासिक रेकर्ड बनाएको थियो। आज सुन प्रतितोला एक लाख ४९ हजार चार सय रूपैयाँ पुगेको छ। यो मूल्य पछिल्लो रेकर्डभन्दा प्रतितोला चार सय रूपैयाँ कम हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४९ हजार चार सय रूपैयाँमा कारोबार भइरहेको छ।

बुधबार छापावाल सुन प्रतितोला एक लाख ४७ हजार आठ सय रूपैयाँ र तेजाबी सुन प्रतितोला एक लाख ४७ हजार एक सय रूपैयाँमा कारोबार भएको थियो।

त्यसैगरी, बिहीबार चाँदीको मूल्य पनि घटेको छ। आज चाँदी प्रतितोला १८ सय रूपैयाँमा कारोबार भइरहेको छ।

बुधबार चाँदी प्रतितोला १७ सय ८० रूपैयाँमा कारोबार भएको थियो। बुधबारको तुलनामा बिहीबार चाँदी प्रतितोला २० रूपैयाँ बढेको हो।

आज अन्तर्राष्ट्रिय बजारमा भने सुन प्रतिऔंस २४ सय ४८ अमेरिकी डलरमा कारोबार भइरहेको छ।