हुम्ला । हुम्लाको ताँजाकोट गाउँपालिकामा थाहा हुन नसकेको रोगले आठ जनाको ज्यान लिएको छ भने कम्तीमा १२ जना बिरामी परेका छन् ।
मैला स्वास्थ्य चौकीका अहेब मोतीलाल जैशीका अनुसार एक सातासम्म फैलिएको उक्त रोगबाट शुक्रबारसम्म आठजनाले ज्यान गुमाएका छन् । बिरामीको उचित उपचार र रोगको पहिचान नभएका कारण रोग फैलिँदै गएको छ । रोगबाट उक्त गाउँपालिकाका मैला, मदानलगायतका गाउँका मानिस बिरामी परेका स्थानीय बासिन्दाले बताएका छन् । शुरुमा टाउको दुख्ने, वाकवाकी लाग्ने, छाती दुख्ने, ज्वरो आउने र अन्त्यमा विरामीको मृत्यु हुने गरेको छ ।
स्थानीयका अनुसार ग्रामीण भेगमा रहेका स्वास्थ्य संस्थामा औषधि नहुनुका साथै स्वास्थ्यकर्मी नबस्नुकै कारण उपचारमा समस्या हुँदै आएको स्थानीयवासीले बताएका छन् । एक हप्ताअघि पानी परेसँगै रोग फैलिएको हो । मृत्यु हुनेमा ताँजाकोट गाउँपालिका–१ का ७० वर्षीय कुशुमा रिठाल र ६० वर्षीय सुरजित खड्का छन् । त्यसैगरी ज्यान गुमाउने अन्यमा वडा नं २ का ५५ वर्षीय रङ्गे कोली र पाँच वर्षकी सुनकेसा सुनार, वडा नं ३ का ७० वर्षीय अम्मकली मल्ल, ७५ वर्षीय बज्जीरे सुनार, ५५ वर्षीय लक्ष्य सुनार र १० महीनाका बालक सञ्जिव थापा रहेका मैला स्वास्थ्य चौकीका अहेब मोतीलाल जैशीले जानकारी दिनुभयो ।
स्वास्थ्यचौकीमा पर्याप्त मात्रामा औषधि नभएको र स्वास्थ्यकर्मी नबसेकाले बिरामीको सङ्ख्या बढेको गाउँपालिका अध्यक्ष बागचल छत्याल मल्लले बताउनुभयो । मृत्यु हुनेको श्वासप्रश्वास र दमसम्बन्धी समस्या रहेको उहाँको भनाइ छ ।
घटनास्थल सदरमुकाम सिमकोटदेखि ४५ कोश टाढा भएकाले के रोगका कारणले ज्यान गएको हो भन्ने जानकारी नभएको प्रमुख जिल्ला अधिकारी धोलकराज ढकालले बताउनुभयो ।
औषधि र स्वास्थ्यकर्मीको अभाव हुन नदिन र उक्त रोगको रोगथामका लागि प्रदेश सरकार सामाजिक विकास मन्त्रालयबाट औषधिसहित स्वास्थ्यकर्मीको टोली घटनास्थलमा जाने तयारी भइरहेको गाउँपालिकाका अध्यक्ष मल्लले बताउनुभयो । अहिले रोग सङ्क्रमित गाउँमा शिविर सञ्चालन भइरहेको र कुनै पनि स्वास्थ्य संस्थाका कर्मचारीलाई कार्यक्षेत्र नछाड्न पनि निर्देशन दिएको अध्यक्ष मल्लले बताउनुभयो ।
हुम्ला । हुम्लाको ताँजाकोट गाउँपालिकामा थाहा हुन नसकेको रोगले आठ जनाको ज्यान लिएको छ भने कम्तीमा १२ जना बिरामी परेका छन् ।
मैला स्वास्थ्य चौकीका अहेब मोतीलाल जैशीका अनुसार एक सातासम्म फैलिएको उक्त रोगबाट शुक्रबारसम्म आठजनाले ज्यान गुमाएका छन् । बिरामीको उचित उपचार र रोगको पहिचान नभएका कारण रोग फैलिँदै गएको छ । रोगबाट उक्त गाउँपालिकाका मैला, मदानलगायतका गाउँका मानिस बिरामी परेका स्थानीय बासिन्दाले बताएका छन् । शुरुमा टाउको दुख्ने, वाकवाकी लाग्ने, छाती दुख्ने, ज्वरो आउने र अन्त्यमा विरामीको मृत्यु हुने गरेको छ ।
स्थानीयका अनुसार ग्रामीण भेगमा रहेका स्वास्थ्य संस्थामा औषधि नहुनुका साथै स्वास्थ्यकर्मी नबस्नुकै कारण उपचारमा समस्या हुँदै आएको स्थानीयवासीले बताएका छन् । एक हप्ताअघि पानी परेसँगै रोग फैलिएको हो । मृत्यु हुनेमा ताँजाकोट गाउँपालिका–१ का ७० वर्षीय कुशुमा रिठाल र ६० वर्षीय सुरजित खड्का छन् । त्यसैगरी ज्यान गुमाउने अन्यमा वडा नं २ का ५५ वर्षीय रङ्गे कोली र पाँच वर्षकी सुनकेसा सुनार, वडा नं ३ का ७० वर्षीय अम्मकली मल्ल, ७५ वर्षीय बज्जीरे सुनार, ५५ वर्षीय लक्ष्य सुनार र १० महीनाका बालक सञ्जिव थापा रहेका मैला स्वास्थ्य चौकीका अहेब मोतीलाल जैशीले जानकारी दिनुभयो ।
स्वास्थ्यचौकीमा पर्याप्त मात्रामा औषधि नभएको र स्वास्थ्यकर्मी नबसेकाले बिरामीको सङ्ख्या बढेको गाउँपालिका अध्यक्ष बागचल छत्याल मल्लले बताउनुभयो । मृत्यु हुनेको श्वासप्रश्वास र दमसम्बन्धी समस्या रहेको उहाँको भनाइ छ ।
घटनास्थल सदरमुकाम सिमकोटदेखि ४५ कोश टाढा भएकाले के रोगका कारणले ज्यान गएको हो भन्ने जानकारी नभएको प्रमुख जिल्ला अधिकारी धोलकराज ढकालले बताउनुभयो ।
औषधि र स्वास्थ्यकर्मीको अभाव हुन नदिन र उक्त रोगको रोगथामका लागि प्रदेश सरकार सामाजिक विकास मन्त्रालयबाट औषधिसहित स्वास्थ्यकर्मीको टोली घटनास्थलमा जाने तयारी भइरहेको गाउँपालिकाका अध्यक्ष मल्लले बताउनुभयो । अहिले रोग सङ्क्रमित गाउँमा शिविर सञ्चालन भइरहेको र कुनै पनि स्वास्थ्य संस्थाका कर्मचारीलाई कार्यक्षेत्र नछाड्न पनि निर्देशन दिएको अध्यक्ष मल्लले बताउनुभयो ।