भरतमोहन अधिकारीको बैंक खातामा रहेको रकमबाट अक्षयकोष स्थापना गरिने
न्युजभित्तो/९ कार्तिक २०७६, शनिबार २०:३२
काठमाडौँ । दिवङ्गत वरिष्ठ वामपन्थी नेता भरतमोहन अधिकारीको स्मृतिमा अक्षयकोष स्थापना गरिने भएको छ । उहाँ पूर्वउपप्रधान एवं अर्थमन्त्रीसमेत हुनुहुन्थ्यो ।
अधिकारीको प्रथम वार्षिकीको अवसर पारेर आगामी १८ फागुनमा अक्षयकोषको घोषणा गरिने ‘भरतमोहन अधिकारी फाउण्डेशन’ले जनाएको छ । फाउण्डेशनको आज बसेको तेस्रो बैठकले अधिकारीको व्यक्तित्व र कृतित्वलाई जनताबीच जीवितै राख्ने उद्देश्यका साथ अक्षयकोष स्थापना गर्ने निर्णय गरेको हो ।
फाउण्डेशनका महासचिव पद्म खतिवडाले रु २५ लाखबाट कोष शुरु गरिने जानकारी दिनुभयो । दिवङ्गत हुनुअघि अधिकारीले पारिवारिक सदस्यलाई आफ्नो बैंक खातामा रहेको रु २५ लाखको अक्षयकोष स्थापना गरिदिन भनेकाले उहाँको चाहना पूरा गर्न सो निर्णय गरिएको खतिवडाले बताउनुभयो ।
अक्षयकोषमा भरतमोहनका पारिवारिक नातेदारदेखि उहाँले राजनीतिक जीवनमा सहकार्य गरेका शुभेच्छुकलाई ऐच्छिकरुपमा रकम दानका लागि अपिल गरिने फाउण्डेशनले जनाएको छ । कोषबाट प्राप्त हुने ब्याजबाट हरेक वर्ष राजनीतिक, सामाजिक, आर्थिक, सांस्कृतिक तथा सहकारीको क्षेत्रमा विशेष योगदान गर्ने एक जनालाई क्रमशः पुरस्कृत गरिने जनाइएको छ ।
फाउण्डेशनले स्व. अधिकारीको पहिलो वार्षिकी पारेर ‘हाम्रो नजरमा भरतमोहन’ नामका स्मृति ग्रन्थ (पुस्तक) समेत सार्वजनिक गर्ने भएको छ । पुस्तकमा अधिकारीका बालसखादेखि राजनीतिक जीवनका विभिन्न मोड र कालखण्डमा सहकार्य गरेका नेता÷कार्यकर्ता, पूर्वअर्थमन्त्री रामशरण महत, महेश आचार्य, बाबुराम भट्टराई, वर्षमान पुन, सुरेन्द्र पाण्डे र वर्तमान अर्थमन्त्री डा युवराज खतिवडासम्मका आलेख समावेश गरिनेछ । यस्तै पुस्तकमा अधिकारी उपप्रधान र अर्थमन्त्री रहँदा विभिन्न मञ्चमा व्यक्त गरेका विचारसमेत समेटिनेछन् ।
वि.सं.२०५१मा एमाले नेतृत्वको नौ महिने अल्पमत सरकारका अर्थमन्त्री रहेका बेला ‘आफ्नो गाउँ आफैँ बनाऔँ’ कार्यक्रम शुरु गरेर जनतामाझ लोकप्रिय छवि बनाउनुभएका अधिकारीको ८२ वर्षको उमेरमा गत फागुन १८ गते निधन भएको थियो ।
काठमाडौँ । दिवङ्गत वरिष्ठ वामपन्थी नेता भरतमोहन अधिकारीको स्मृतिमा अक्षयकोष स्थापना गरिने भएको छ । उहाँ पूर्वउपप्रधान एवं अर्थमन्त्रीसमेत हुनुहुन्थ्यो ।
अधिकारीको प्रथम वार्षिकीको अवसर पारेर आगामी १८ फागुनमा अक्षयकोषको घोषणा गरिने ‘भरतमोहन अधिकारी फाउण्डेशन’ले जनाएको छ । फाउण्डेशनको आज बसेको तेस्रो बैठकले अधिकारीको व्यक्तित्व र कृतित्वलाई जनताबीच जीवितै राख्ने उद्देश्यका साथ अक्षयकोष स्थापना गर्ने निर्णय गरेको हो ।
फाउण्डेशनका महासचिव पद्म खतिवडाले रु २५ लाखबाट कोष शुरु गरिने जानकारी दिनुभयो । दिवङ्गत हुनुअघि अधिकारीले पारिवारिक सदस्यलाई आफ्नो बैंक खातामा रहेको रु २५ लाखको अक्षयकोष स्थापना गरिदिन भनेकाले उहाँको चाहना पूरा गर्न सो निर्णय गरिएको खतिवडाले बताउनुभयो ।
अक्षयकोषमा भरतमोहनका पारिवारिक नातेदारदेखि उहाँले राजनीतिक जीवनमा सहकार्य गरेका शुभेच्छुकलाई ऐच्छिकरुपमा रकम दानका लागि अपिल गरिने फाउण्डेशनले जनाएको छ । कोषबाट प्राप्त हुने ब्याजबाट हरेक वर्ष राजनीतिक, सामाजिक, आर्थिक, सांस्कृतिक तथा सहकारीको क्षेत्रमा विशेष योगदान गर्ने एक जनालाई क्रमशः पुरस्कृत गरिने जनाइएको छ ।
फाउण्डेशनले स्व. अधिकारीको पहिलो वार्षिकी पारेर ‘हाम्रो नजरमा भरतमोहन’ नामका स्मृति ग्रन्थ (पुस्तक) समेत सार्वजनिक गर्ने भएको छ । पुस्तकमा अधिकारीका बालसखादेखि राजनीतिक जीवनका विभिन्न मोड र कालखण्डमा सहकार्य गरेका नेता÷कार्यकर्ता, पूर्वअर्थमन्त्री रामशरण महत, महेश आचार्य, बाबुराम भट्टराई, वर्षमान पुन, सुरेन्द्र पाण्डे र वर्तमान अर्थमन्त्री डा युवराज खतिवडासम्मका आलेख समावेश गरिनेछ । यस्तै पुस्तकमा अधिकारी उपप्रधान र अर्थमन्त्री रहँदा विभिन्न मञ्चमा व्यक्त गरेका विचारसमेत समेटिनेछन् ।
वि.सं.२०५१मा एमाले नेतृत्वको नौ महिने अल्पमत सरकारका अर्थमन्त्री रहेका बेला ‘आफ्नो गाउँ आफैँ बनाऔँ’ कार्यक्रम शुरु गरेर जनतामाझ लोकप्रिय छवि बनाउनुभएका अधिकारीको ८२ वर्षको उमेरमा गत फागुन १८ गते निधन भएको थियो ।