उपत्यकापछि पहिलोपटक टीभीएस रोनिन र अपाचीको विशेष संस्करण चितवनमा सार्वजनिक

भरतपुर,२८ माघ । दुईपांग्रे तथा तीनपांग्रे सवारीसाधन निर्माता टिभिएस मोटर कम्पनीका उत्पादनको रोनिन २२५ सिसी र टीभीएस अपाची ‘आरटीआर १६० भी फोर एफआई’ को विशेष संस्करणको भरतपुरमा सार्वजनिक गरिएको छ  । टीभीएसको आधिकारिक बिक्रेता भरतपुरको लाइन्सचोकमा रहेको मालाश्री मोटर्स कम्पनीले आइतबार एक कार्यक्रम गर्दै उपत्यका बाहिर पहिलोपल्ट चितवनमा टीभीएस रोनिन र अपाचीको विशेष संस्करण सार्वजनिक गरेको हो ।

मोटरसाइकल सार्वजनिक कार्यक्रममा बोल्दै मालाश्रीका प्रोपाइटर सरोज अर्यालले २०६५ सालदेखि हालसम्म टिभीएसका विभीन्न मोडलका मोटरसाइकल विक्री गर्दै आएको उल्लेख गर्दै हाल ‘प्रीमियम सेगमेन्ट’को मोटरसाइकल लिएर आएको बताउनुभयो । ‘टिभएस मनपराउने सबैजनाको लागि यो एउटा राम्रो विकल्प हुन सक्छ । ’ उहाँले भन्नुभयो ।

यस्तै मोटरसाइकलबारे जानकारी दिर्दै जगदम्बा मोर्टस प्रालीका प्रशान्तराज भण्डारीले टिभिएस रोनिन अपाचीको विशेष संस्करण स्टाइल, प्रविधि र सवारी अनुभवलाई ध्यानमा राखेर निर्माण गरिएको बताउनुभयो  । रोनिनको दुई सय २५ सिसीको मोटरसाइकलको तौल एक सय ६० केजी रहेको र यसले यसले २०.४ पिएस पावर उत्पादन गर्नुका साथै १९.९३ एनएम टर्कले मोटरसाइकल वर्गमा सबैभन्दा राम्रो पावर–टु–वेट रेसियो बनाउने उल्लेख गर्नुभयो  ।दुवै बाइकमा क्लासिक डिजाइन प्याकेजमा, मोटरसाइकललाई रेन र अर्बन एबिएस मोड, ग्लाइड टेक्नोलोजी (जिटिटी) र भ्वाइस र राइड सहायतासहितको स्मार्ट ब्लुटुथ कम्युनिकेसनजस्ता प्राविधिक सुविधा रहेको उहाँको भनाइ छ ।

टिभिएस रोनिन नेपाली बजारमा मूल्य चार लाख ९९ हजार नौ सय रुपैयाँ तोकिएको समेत उहाँको भनाइ थिया । मोटरसाइकल सार्वजनिक कार्यक्रममा चितवन अटोमोबाइल्स डिलर्स एशोसिएशनका अध्यक्ष राजन पिया, चितवन अटोमोबाइल्स रिकण्डीसन चितवनका अध्यक्ष दिपक खड्का लगायतको उपस्थिती रहेको थियो ।