काठमाडौं, २४ असोज । पोल्ट्रीको राजधानीका रूपमा रहेको चितवनमा पोल्ट्री व्यवसाय धरासायी बन्दै गएको गुनासो व्यवसायीहरूले गरेका छन्।
विश्व अण्डा दिवसका विषयमा जानकारी दिन मंगलबार चितवनमा आयोजित पत्रकार सम्मेलनमा उनीहरूले कोरोना महामारीका साथै दानाको मूल्य वृद्धि र बैकको चर्को ब्याजका कारण पोल्ट्री व्यवसाय ओरालो लाग्ने क्रममा रहेको बताएका हुन्।
अण्डा लगायत पोल्ट्रीजन्य उत्पादनले उत्पादन लागत पनि नपाउने गरेको नेपाल लेयर्स कुखुरा पालक संघका अध्यक्ष बिनोद पोखरेलले बताए। चितवनमा रहेका कुखुरा पालक किसान ह्याचरी उद्योगहरू आधाभन्दा बढी बन्द भइसकेको उनले बताए।
पोल्ट्री क्षेत्रले देशको कुल ग्राहस्थ उत्पादनको करिब ४ प्रतिशत योगदानका साथै ५ लाख व्यक्तिलाई रोजगार प्रदान गरेको संघले जनाएको छ। कोभिडअघि दैनिक ५० देखि ५५ लाख अण्डा उत्पादन हुने गरेकोमा अहिले घटेर ३० लाख गोटामा झरेको छ। चितवन र यसको आसपासको क्षेत्रमा हाल करिब १६ लाख लियर्स कुखुरा रहेको र १ सय ५० किसान आबद्ध रहेका छन्।
पोल्ट्री व्यवसाय प्रति सरकारको नीतिगत कारणले गर्दा पोल्ट्री व्यवसायीहरू समस्यामा परेको नेपाल ह्याचरी महासंघका अध्यक्ष गुणचन्द विष्टले बताए।
पोल्ट्री व्यवसायको अवस्था नाजुक रहकै अवस्थामा असोज २६ गते विश्व अण्डा दिवस मनाउन लागिएको उनीहरूले जनाएका छन्।
काठमाडौं, २४ असोज । पोल्ट्रीको राजधानीका रूपमा रहेको चितवनमा पोल्ट्री व्यवसाय धरासायी बन्दै गएको गुनासो व्यवसायीहरूले गरेका छन्।
विश्व अण्डा दिवसका विषयमा जानकारी दिन मंगलबार चितवनमा आयोजित पत्रकार सम्मेलनमा उनीहरूले कोरोना महामारीका साथै दानाको मूल्य वृद्धि र बैकको चर्को ब्याजका कारण पोल्ट्री व्यवसाय ओरालो लाग्ने क्रममा रहेको बताएका हुन्।
अण्डा लगायत पोल्ट्रीजन्य उत्पादनले उत्पादन लागत पनि नपाउने गरेको नेपाल लेयर्स कुखुरा पालक संघका अध्यक्ष बिनोद पोखरेलले बताए। चितवनमा रहेका कुखुरा पालक किसान ह्याचरी उद्योगहरू आधाभन्दा बढी बन्द भइसकेको उनले बताए।
पोल्ट्री क्षेत्रले देशको कुल ग्राहस्थ उत्पादनको करिब ४ प्रतिशत योगदानका साथै ५ लाख व्यक्तिलाई रोजगार प्रदान गरेको संघले जनाएको छ। कोभिडअघि दैनिक ५० देखि ५५ लाख अण्डा उत्पादन हुने गरेकोमा अहिले घटेर ३० लाख गोटामा झरेको छ। चितवन र यसको आसपासको क्षेत्रमा हाल करिब १६ लाख लियर्स कुखुरा रहेको र १ सय ५० किसान आबद्ध रहेका छन्।
पोल्ट्री व्यवसाय प्रति सरकारको नीतिगत कारणले गर्दा पोल्ट्री व्यवसायीहरू समस्यामा परेको नेपाल ह्याचरी महासंघका अध्यक्ष गुणचन्द विष्टले बताए।
पोल्ट्री व्यवसायको अवस्था नाजुक रहकै अवस्थामा असोज २६ गते विश्व अण्डा दिवस मनाउन लागिएको उनीहरूले जनाएका छन्।