प्रभाकुमार जोशीको “राज्यको भलो होस्” कविता संग्रह विमोचन

नारायणगढ, २२ चैत । बरिष्ठ कवि गीतकार एवम् साहित्यकार प्रभातकुमार जोशीद्वारा लिखित “राज्यको भलो होस्” नामक कविता संग्रह विमोचन गरिएको छ । नारायणगढको नारायणी कला मन्दिरमा आज आयोजित एक कार्यक्रममा पुस्तकको विमोचन गरिएको हो ।

कार्यक्रमका प्रमुख अतिथि प्रज्ञा प्रतिष्ठानका उपकुलपति इन्द्रप्रसाद रेग्मीले पुस्तकको विमोचन गर्नुभएको हो । नारायणी कला मन्दिरका अध्यक्ष सुधिर श्रेष्ठको अध्यक्षतामा भएको विमोचन कार्यक्रममा साहित्यकारहरु प्रेम विनोद नन्दन, गोविन्दराज बिनोदी, बालकृष्ण थपलिया, कपिल अज्ञात, सिर्जन अविरल, दुर्गालक्ष्मी जोशी, कृष्णकुमारी पियालगायतको उपस्थिति थियो ।

सरला जोशीले सञ्चालन गर्नुभएको कार्यक्रममा कपिल अज्ञात र सिर्जन अविरलले कृतिका बारेमा समीक्षा गर्नुभएको थियो भने सुधा जोशीले स्वागत गर्नुभयो ।  भरतपुर महानगर प्रज्ञा प्रतिष्ठानले प्रकाशन गरेको पुस्तकको वितरक सम्पूर्ण किताब नारायणगढ रहेको छ ।