बैशाख १२ को अघिल्लो दिन काठमाडौंमा दुई पटक भूकम्प, केन्द्रविन्दु धादिङको नौबिसे

काठमाडौं ।

बि.सं. २०७२ साल बैशाख १२ गते गएको बिनासकारी भूकम्पको ४ वर्ष पूरा हुनु एक दिन अघि बुधबार बिहान धादिङको नौबिसेलाई केन्द्रविन्दु बनाएर विहानै भूकम्प गएको छ । भूकम्पको धक्का काठमाडौं उपत्यका लगायत आसपासका क्षेत्रमा महसुस गरिएको छ ।

भूकम्प मापन केन्द्रकाअनुसार बिहान ६ बजेर २९ मिनेटमा ५.२ रेक्टरस्केलको भूकम्प गएको हो । त्यसको ११ मिनेटपछि ४.३ रेक्टर स्केलको अर्काे पराकम्प गएको छ ।

चार वर्ष अघि १२ वैशाखमा विनाशकारी भूकम्प गएको थियो । वैशाख १२ को अघिल्लो दिन भूकम्पले हल्लाउँदा काठमाण्डौंका धेरै मानिस बाहिरै निस्किएका थिए । भूकम्प मापन केन्द्रले भने यो दुबै पराकम्प नै भएको जनाएको छ ।