सत्ताको आडमा दमन र कुटपिट : कांग्रेस चितवन

चितवन । नेपाली कांग्रेस चितवनले ज्ञानेन्द्र शाहीमाथि सत्ता र शक्तिको आडमा कुटपिट र दमन भएको जनाएको छ । नेपाली कांग्रेस चितवनका सभापति जीतनारायण श्रेष्ठले शनिबार जारी गर्नुभएको विज्ञप्तिमा शान्तिपूर्णरुपमा आफ्नो असहमति राख्न पाइने संविधान प्रदत्त अधिकार हुँदाहुँदै पनि संविधानिक अधिकार कुण्ठित हुने गरी शाहीमाथि नेकपाका कार्यकर्ताहरुद्वारा कुटपिट भएको भन्दै घटनाको भत्सर्ना गरिएको छ ।

विज्ञप्तिमा हरेक व्यक्तिको विचारमाथि सहमति र असहमति दुवै राख्न पाइने संवैधानिक व्यवस्था हुँदाहुँदै सत्ता र शक्तिको आडमा विचारलाई दबाउन खोज्नु लोकतन्त्रमाथिको आक्रमण भएको जनाईएको छ । यस्ता अराजक गतिविधि बन्द गर्न पनि कांग्रेस चितवनले माग गरेको छ ।