भरतपुर आँखा अस्ताललाई लायन्स क्लबद्वारा सामाग्री हस्तान्तरण

चितवन,१३ श्रावण । भरतपुर आँखा अस्पतालको सेवालाई बिशष्टिकृत सेवा दिनका लागि लायन्स क्लब ईन्टरनेस्नल फाउन्डेसनको सहयोगमा उपकरणहरु सहयोग गरेको छ । लायन्स क्लब अफ ३२५ बि टुको संयोजनमा सामाग्री हस्तान्तरण गरिएको हो ।

नेपाल नेत्रज्वती संघ चितवनका अध्यक्ष एवं भरतपुर आँखा अस्पतालका संञ्चालक समिति अध्यक्ष कृष्णराज धरललाई लायन्स क्लबअफ ३२५ आरका डिस्टक्ट गभर्नर सिद्वार्थलाल चुकेले हस्तान्तरण गर्नु भयो । रु २ करोड ५० लाखको लागतमा आयात गरिएका ओसिटि एन्ज्योगफि, अप्टिकल बायोमेट्रिक, अपरेटिङ् माईक्रोस्कोप, भिटेक्टोमेसीन, स्मल ईन्टुमेन्ट सामाग्री हस्तान्तरण गरिएको हो ।

कार्यक्रममा लायन्स क्लब अफ ३२५ बि टुका पूर्व गभर्नर रामप्रसाद भट्ट,कार्यक्रम संयोजक डा जयहरी आचार्य, लायन्स डिननाथ न्यौपाने लगाएतले बोल्नु भएको थियो । आँखा अस्पताललाई लायन्स क्लबले विभिन्न समयमा विभिन्न किसिमका उपकरणहरु सहयोग गर्दै आएको छ । कोरोना कहरको समयमा उपलब्ध सामानहरु तीन वर्ष पछि हस्तान्तरण गरिएको हो ।

अस्पतालका सूचना अधिकारी रमेश घिमिरेका अनुसार  अस्पतालमा शल्यक्रिया र परिक्षणका लागि प्राप्त सामाग्री उपयोगी बन्ने बताउनुभयो । सो अबसमा अस्पतालका अध्यक्ष धरेलले लायन्स क्लबद्वारा अस्पताललाई सधै सहयोग रहने गरेको भन्दै आउदाँ दिनमा समेत यस्तै सहयागको अपेक्षा गर्नुभयो ।