सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

नेकपाको जिल्ला एकता : घटुवा भएका नेतालाई सकस, मन्त्रीसमेत जिल्ला सचिव !


  •    /९ बैशाख २०७६, सोमबार १६:५२ 
  • काठमाडौँ ।
    नेपाल कम्युनिष्ट पार्टी (नेकपा)ले पार्टी एकीकरणको एक वर्षपछि आफ्नो स्थापना दिवसको अवसर पारेर सवै ७७ जिल्लाका अध्यक्ष र सचिवको नामावली घोषणा गरेको छ । जसमध्ये ४४ जिल्लामा तत्कालीन नेकपा (एमाले) र ३३ जिल्लामा तत्कालीन नेकपा (माओवादी केन्द्र) का नेताहरुले जिल्ला अध्यक्षको जिम्मेवारी पाएका छन् ।

    जिल्ला तहको मुख्य नेतृत्वमा नेकपाले एकता प्रक्रियाको टुङ्गो लगाएसँगै केही नेता घटुवामा परेपछि उनीहरुलाई पद लिने कि छोड्ने भन्ने सकस परेको छ । एकतामा विगतमा जिल्लाको इन्चार्ज तथा अध्यक्ष रहेका कतिपय प्रभावशाली नेताहरु सचिव बनेका छन् । राजनीतिक रुपमा आफुभन्दा ‘जुनियर’ नेता अध्यक्ष बनेपछि उनीहरुलाई सचिव पद ‘खाउँ कि छोडौँ’ जस्तै भएको छ ।

    विगतमा माओवादी केन्द्रको जिल्लाको प्रमुख नेतृत्वमा रहेका नेताहरु जो सचिवमा झर्नुपरेको छ, त्यसमा बहालवाला मन्त्रीसमेत छन् । प्रदेश नम्वर ३ का आन्तरिक मामिला तथा कानुन मन्त्री शालिकराम जमरकट्टेल माओवादी केन्द्र धादिङका तत्कालीन इन्चार्ज थिए । पार्टी एकतामा उनी धादिङको सचिव बनेका छन् ।

    त्यसरी केन्द्रीय सदस्य रहेकै अवस्थामा जिल्ला सचिव हुने अन्यमा काठमाडौँका हिमाल शर्मा रुपन्देहीका दधिराम न्यौपाने, सर्लाहीका डाचाराज वाग्ले, रौतहटका युवराज भट्टराई, सिन्धुपाल्चोकका दावा तामाङ, धनुषाका श्रवण यादव र मोरङका गोपी अछामी रहेका छन् । मोरङमा भने एमालेका केन्द्रीय सदस्यसमेत रहेका विनोद ढकाल जिल्ला अध्यक्ष भएकाले अछामीलाई राहत मिलेको छ ।

    चितवनमा तत्कालीन माओवादी केन्द्रका जिल्ला सेक्रेटरी यमबहादुर परियार जिल्ला अध्यक्ष बनेका छन् भने एमालेका तत्कालीन जिल्ला अध्यक्ष कृष्णभक्त पोखरेल सचिव बनेका छन् । प्रतिनिधि सभाका साँसद रहेका पोखरेल प्रतिनिधि सभाको १० वटा विषयगत समिति मध्येको कानुन, न्याय तथा मानव अधिकार समितिको सभापतिसमेत हुन् । यसअघि पार्टीको प्रदेश कमिटीले अध्यक्षमा यमबहादुर परियार र सचिवमा तत्कालीन एमालेका जिल्ला उपाध्यक्ष तेजेन्द्र खड्कालाई सिफारिस गरेपछि उनीहरु आन्तरिक रुपमा सोही भूमिकामा क्रियाशील थिए । चितवनमा पनि पोखरेलले अब के गर्छन् भन्ने राजनीतिक वृत्तमा उत्सुकता छ ।

    तत्कालीन माओवादी केन्द्रबाट केन्द्रीय सदस्य बनेका नेताहरु, जो पार्टीको जिल्ला प्रमुख थिए, एकतामा घटुवा भएर सचिव बनेपछि उनीहरुलाई सबैभन्दा तनाब भएको छ । एकता प्रक्रियामा एमालेले नेतृत्व पाएको जिल्लामा एमालेका तत्कालीन जिल्ला अध्यक्षहरुलाई नै फेरि पनि अध्यक्ष नै बनाउने सहमति भएपछि ४४ जिल्लामा तत्कालीन माओवादी केन्द्रका जिल्ला प्रमुख रहेका नेताहरु सचिव बनेका छन् । ती मध्ये आठ जना केन्द्रीय सदस्य रहेका छन् ।

    केन्द्रीय सदस्यसमेत रहेका जिल्ला इन्चार्जहरु जिल्लाको हकमा सचिवमा घटुवा भएपछि उनीहरुको विषयमा अब पार्टीले के गर्छ र स्वयम् उनीहरु के गर्छन् भन्ने चर्चा नेकपा वृत्तभित्र व्यापक बनेको छ । नेकपा स्रोतका अनुसार त्यसरी एकतामा घटुवा भएर जिल्ला सचिव भएका नेताहरुले जिल्ला सचिव पद छोडेर तत्कालीन अवस्थाको आफ्नो पार्टी तर्फकै नेतालाई सचिव बनाउने सम्भावना पनि रहेको छ ।

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.