सरकार जनताको समस्या समाधान गर्न उदासीन : काँग्रेस नेता खाँड
/७ आश्विन २०७६, मंगलवार १८:४९
चितवन । नेपाली काङ्ग्रेसका केन्द्रिय सदस्य बालकृष्ण खाँडले सरकार जनताको समस्या समाधान गर्न उदासिन बनेको आरोप लगाउनु भएको छ । नेपाली काँग्रेस चितवनले आज आयोजना गरेको दोस्रो चरणको जागरण अभियान समापन समारोहमा नेता खाँडले सरकारले जनताको काम भन्दा पनि देशको संविधान मिच्ने काम बढी गरेको टीप्पणी गर्नुभयो ।
काँग्रेस नेता खाँडले सरकारले संविधान मिच्दै कम्युनिष्ट शासन लाद्ने प्रयास गरेको आरोपसमेत लगाउनुभयो। उहाँले भन्नुभयो “देश लोकतान्त्रिक, संविधान लोकतान्त्रिक, शासन व्यवस्था लोकतान्त्रिक तर शासन गर्ने व्यक्ति अलोकतान्त्रिक भएका कारण राष्ट्रियतामाथि खतरा बढ्न थालेको छ ।”
उहाँले सरकार आफ्नै कारणले पूर्ण असफल भईसकेको विचार व्यक्त गर्नुभयो । खाँडको भनाई थियो– “हरेक विधेक र कानुन निर्माणका क्रममा संविधानको आधारशिला भत्काउने काम गरियो । जन अपेक्षा अनुसार काम हुन सकेन । भ्रष्टाचार निवारण गर्छु भन्ने प्रधानमन्त्री आफै भ्रष्टहरुको जंजालमा फस्ने काम भयो । अब तपाईँ आफै भन्नुस सरकार कति सफल भयो ।” निर्वाचनको समयमा जनतामाझ गरिएको बाचा अहिले पूरा हुन नसकेको पनि उहाँको भनाई थियो ।
जनताको मतको कदर नगर्ने शासकहरुलाई जनतालेनै तह लगाएको ईतिहास स्मरण गराउँदै उहाँले भन्नुभयो “जनता नमान्ने, जनप्रतिनिधि नमान्ने र अस्तित्व स्विकार गर्न नखोज्ने नेताको पालो अब आएको छ ।” राणा, पञ्चायत र राजाले जनताको आदेश नमानेका कारण आफै सिद्धिन पुगेका भन्दै उहाँले जनताको मतको कदर गर्न पनि प्रधानमन्त्रीलाई आग्रह गर्नुभयो ।
नेता खाँडले अब सरकारको विकल्पको रुपमा काँग्रेसलाई तयार गर्नु आवश्यक रहेको धारणा राख्नुभयो । दुई तिहाईको सरकारले जनताको अपेक्षा अनुसार काम गर्न नसकेको भन्दै उहाँले यो समयमा काङ्ग्रेसले आफ्नो शक्ति प्रयोग गरेर अहिलेको सरकारले गरेका जनताका हित विपरितको काम कारवाहिका विषयमा जनतामाझ पुर्याउन आवश्यक रहेको बताउनुभयो । नयाँ जोश र जाँगरका साथ काङ्ग्रेस लागेमा आगामी निर्वाचनमा काङ्ग्रेसलाई कसैले हराउन नसक्ने उहाँको भनाई थियो । उहाँले भन्नुभयो “जनतामा अहिले नैराश्यता छाएको छ । यसलाई काङ्ग्रेसले चिर्न जरुरी छ ।”
कार्यक्रममा नेपाली काङ्ग्रेका नेताहरु धनलक्ष्मी श्रेष्ठ, रामचन्द्र अर्याल माईकल, नेपाली काङ्ग्रेस चितवनका सभापति जीतनारायण श्रेष्ठ लगायतले आफ्ना भनाई राख्नुभएको थियो । सभा अघि भरतपुरको चौविसकोठी देखि पुलचोकसम्म विरोध प्रदर्शन गरिएको थियो ।
चितवन । नेपाली काङ्ग्रेसका केन्द्रिय सदस्य बालकृष्ण खाँडले सरकार जनताको समस्या समाधान गर्न उदासिन बनेको आरोप लगाउनु भएको छ । नेपाली काँग्रेस चितवनले आज आयोजना गरेको दोस्रो चरणको जागरण अभियान समापन समारोहमा नेता खाँडले सरकारले जनताको काम भन्दा पनि देशको संविधान मिच्ने काम बढी गरेको टीप्पणी गर्नुभयो ।
काँग्रेस नेता खाँडले सरकारले संविधान मिच्दै कम्युनिष्ट शासन लाद्ने प्रयास गरेको आरोपसमेत लगाउनुभयो। उहाँले भन्नुभयो “देश लोकतान्त्रिक, संविधान लोकतान्त्रिक, शासन व्यवस्था लोकतान्त्रिक तर शासन गर्ने व्यक्ति अलोकतान्त्रिक भएका कारण राष्ट्रियतामाथि खतरा बढ्न थालेको छ ।”
उहाँले सरकार आफ्नै कारणले पूर्ण असफल भईसकेको विचार व्यक्त गर्नुभयो । खाँडको भनाई थियो– “हरेक विधेक र कानुन निर्माणका क्रममा संविधानको आधारशिला भत्काउने काम गरियो । जन अपेक्षा अनुसार काम हुन सकेन । भ्रष्टाचार निवारण गर्छु भन्ने प्रधानमन्त्री आफै भ्रष्टहरुको जंजालमा फस्ने काम भयो । अब तपाईँ आफै भन्नुस सरकार कति सफल भयो ।” निर्वाचनको समयमा जनतामाझ गरिएको बाचा अहिले पूरा हुन नसकेको पनि उहाँको भनाई थियो ।
जनताको मतको कदर नगर्ने शासकहरुलाई जनतालेनै तह लगाएको ईतिहास स्मरण गराउँदै उहाँले भन्नुभयो “जनता नमान्ने, जनप्रतिनिधि नमान्ने र अस्तित्व स्विकार गर्न नखोज्ने नेताको पालो अब आएको छ ।” राणा, पञ्चायत र राजाले जनताको आदेश नमानेका कारण आफै सिद्धिन पुगेका भन्दै उहाँले जनताको मतको कदर गर्न पनि प्रधानमन्त्रीलाई आग्रह गर्नुभयो ।
नेता खाँडले अब सरकारको विकल्पको रुपमा काँग्रेसलाई तयार गर्नु आवश्यक रहेको धारणा राख्नुभयो । दुई तिहाईको सरकारले जनताको अपेक्षा अनुसार काम गर्न नसकेको भन्दै उहाँले यो समयमा काङ्ग्रेसले आफ्नो शक्ति प्रयोग गरेर अहिलेको सरकारले गरेका जनताका हित विपरितको काम कारवाहिका विषयमा जनतामाझ पुर्याउन आवश्यक रहेको बताउनुभयो । नयाँ जोश र जाँगरका साथ काङ्ग्रेस लागेमा आगामी निर्वाचनमा काङ्ग्रेसलाई कसैले हराउन नसक्ने उहाँको भनाई थियो । उहाँले भन्नुभयो “जनतामा अहिले नैराश्यता छाएको छ । यसलाई काङ्ग्रेसले चिर्न जरुरी छ ।”
कार्यक्रममा नेपाली काङ्ग्रेका नेताहरु धनलक्ष्मी श्रेष्ठ, रामचन्द्र अर्याल माईकल, नेपाली काङ्ग्रेस चितवनका सभापति जीतनारायण श्रेष्ठ लगायतले आफ्ना भनाई राख्नुभएको थियो । सभा अघि भरतपुरको चौविसकोठी देखि पुलचोकसम्म विरोध प्रदर्शन गरिएको थियो ।