सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

जिसस चितवन निर्वाचन : कांग्रेसलाई नेकपा एसबाट फ्लोरक्रसको चिन्ता


  •    न्युजभित्तो/३१ जेष्ठ २०७९, मंगलवार १२:१७ 
  • चितवन,३१ जेष्ठ – जिल्ला समन्वय समिति चितवनको नेतृत्व चयनका लागि आज मतदान हुँदैछ ।

    जिसस प्रमुखमा सत्ता गठबन्धनबाट नेपाली कांग्रेसका पूर्णबहादुर रानाभाट र एमालेका तर्फबाट नारायण प्रसाद अधिकारी प्रतिस्पर्धामा छन् । नेतृत्व चयनका लागि १४ जनाले मतदान गर्दैछन् ।

    मतदानको मुखैमा आएर कांग्रेसलाई गठबन्धनबाटै फ्लोरक्रसको चिन्ता बढेको छ । पाँच दलिय गठबन्धनमा रहेको नेकपा एकीकृत समाजवादीले फ्लोर क्रस गर्ने सम्भावना देखिएपछि यसले तरंग पैदा गरेको छ ।

    जिसस उप-प्रमुखमा एकीकृत समाजवादीबाट कल्पना काफ्ले सापकोटा निर्विरोध निर्वाचित भइसकेकी छन् । गठबन्धनले एकीकृत समाजवादीकी काफ्लेलाई उप-प्रमुखमा उठाउने निर्णय गर्दा एमालेले आफ्नो उम्मेदवार उठाएन ।

    एमालेले उप-प्रमुखमा एकीकृत समाजवादीकी उम्मेदवारलाई निर्विरोध निर्वाचित गर्न सहयोग गर्‍यो । एमालेले उप-प्रमुखमा एकीकृत समाजवादीलाई सहयोग गरेकोले प्रमुखमा एकीकृत समाजवादीले एमालेलाई सहयोग गर्ने चर्चा चलेको छ । दुबै पक्षले जिसस प्रमुखलाई प्रतिष्ठाको बिषय बनाउदा कांग्रेसलाई गठबन्धनबाट घात हुने डर बढेको छ ।

    जिससमा १४ मतदाता छन् । जसमा सत्ता गठबन्धन र एमालेका समान सात-सात जना छन् । एकीकृत समाजवादीबाट एक जना मात्रै मतदाता छन् । उनी राप्ती नगरपालिका प्रमुख शमशेर लामा हुन् । यो एक भोट मात्रै क्रस भए एमालेले जिसस प्रमुखमा बाजी मार्नेछ । यसर्थ एमालेले लामालाई फकाउन ठूलै कसरत गरेको बुझिन्छ । तर चर्चा चले जस्तो फ्लोर क्रस नभए बराबर मत आउनेछ र गोलपर्थाबाट विजेता घोषणा गरिनेछ ।

    बैशाख ३० मा सम्पन्न स्थानीय तह निर्वाचनमा चितवनका सात पालिकामा एमाले एमालेबाट प्रमुख र उप-प्रमुखमा गरी सात जना निर्वाचित भएका थिए । कांग्रेसबाट पाँच, नेकपा माओवादी केन्द्रका र एकीकृत समाजवादीका एक जना विजयी भएका थिए ।

    उनीहरुले नै जिसस निर्वाचनमा मतदात गर्नेछन् । जस अनुसार एमाले एक्लैसँग सात मतदाता छन् भने कांग्रेससँग पाँच तथा माओवादी केन्द्र र एकीकृत समाजवादीसँग एक-एक जना मतदाता छन् । जिसस प्रमुखमा विजयी हुन ८ मत चाहिन्छ ।

     

    तपाईको प्रतिक्रिया

    ताजा अपडेट

    यही मङ्सिर २५ देखि २७ सम्म भरतपुरमा ‘बिल्ड नेपाल एक्स्पो–२०२६’
    खलामा धान भर्दै स्थानीय सरकार
    भरतपुरमा छ स्थानमा खानेपानीका ‘ओभरहेड ट्याङ्की’ निर्माण गरिँदै
    • प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    • आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    • दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.