पहिरोले अवरुद्ध नारायणगढ –मुग्लिन सडक र पृथ्वी राजमार्ग सञ्चालनमा

चितवन, २६ जेठ । पहिरोका कारण अबरुद्ध नारायणगढ मुग्लिन सडक र पृथ्वी राजमार्ग सञ्चालनमा आएको छ । जिल्ला ट्राफिक प्रहरी कार्यालय चितवनका अनुसार मध्यान्ह १२ बजेबाट सडक सञ्चालनमा आएको हो ।

इच्छाकामना गाउँपालिका वडा नं. ५ स्थित पृथ्वी राजमार्गको नाग्दी खोलामा खसेको पहिरो पन्छाएर सडक सञ्चालनमा ल्याईएको हो । बुधबार राती ११ः१५ बजेदेखि अवरुद्ध सडक मध्यान्ह १२ः०५ बजेबाट सञ्चालनमा आएको हो ।

यस्तै नारायणगढ–मुग्लिन सडक खण्डको इच्छाकामना गाउँपालिका वडा नम्बर ६ को तोपेखोला स्थित नाम्सी पुलमा बिहान ४ बजेको समयमा खसेको पहिरो बिहान ११ः५० बजे पन्छाईएको हो । रातीदेखि अवरुद्ध भएको सडकमा सवारीको लामो लाईन लागेको छ ।