नेपाल कम्युनिष्ट पार्टीले टुङ्ग्यायो ६ महानगरको अध्यक्ष, भरतपुरमा युवा नेता न्यौपाने

भरतपुर । नेपाल कम्युनिस्ट पार्टी (नेकपा)ले देशभरका ६ वटा महानगरपालिकाको अध्यक्ष र सचिवको टुंगो लगाएको छ । शनिबार प्रधानमन्त्री निवास बालुवाटारमा बसेको बैठकले महानगरका अध्यक्ष र सचिव टुंगो लगाएको हो ।

बैठकले भरतपुर महानगर कमिटीको अध्यक्षमा तत्कालिन एमालेका युवा नेता रामप्रसाद न्यौपाने र सचिवमा तत्कालिन माओवादीका युवा नेता इश्वर सापकोटा ‘सुमन’ लाई चयन गरेको छ । यस्तै काठमाडौं महागरपालिकाको अध्यक्षमा निर्मल देउवा र सचिव रविन्द्र श्रेष्ठ चयन हुनु भएको छ ।

ललितपुरको अध्यक्षमा मञ्जरी कायश्थ र सचिव ज्ञानेन्द्र शाक्य तथा पोखराको अध्यक्षमा दिपक कोइराला सचिव विश्वप्रकाश लामिछाने चयन हुनु भएको छ । वीरगञ्जको अध्यक्षमा रहबर अन्सारी र सचिव विश्वम्भर शर्मा तथा विराटनगर महानगरको अध्यक्षमा सागर थापा र सचिवमा हेम कार्की चयन हुनु भएको छ ।

भरतपुरको अध्यक्ष को हुने भन्ने विषयमा निकै चासो पूर्वक हेरिएको थियो ।