जुगेडीमा बसले बसलाई ठक्कर दिंदा १२ घाईते

चितवन । जिल्लाको भरतपुर महानगरपालिका वडा नं. २९ जुगेडीमा दुई बस एकआपसमा ठक्कर खाँदा १२ जना घाईते भएका छन् । जिल्ला प्रहरी कार्यालय चितवनका अनुसार धनगढीबाट काठमाडौँतर्फ आउँदै गरेको ना ५ ख ९४११ नं.को बसलाई नेपालगञ्जबाट काठमाडौतर्फ आइरहेको ना५ख ६६४७ नंको बसले बुधबार बिहान ५ः४० बजेको समयमा जुगेडीबजार नजिक पछाडिबाट ठक्कर दिँदा सोही बसमा सवार १२ यात्रु घाइते भएका हुन् ।

उक्त बसमा २९ यात्रु सवार रहेका थिए । नेपालगञ्जको बसमा सवार यात्रु भने सकुशल रहेका प्रहरीले जनाएको छ । घाइतेको पुरानो मेडिकल कलेज भरतपुरमा उपचार भइरहेको छ । बस र चालकलाई प्रहरीले नियन्त्रणमा लिएको छ ।