चितवनमा डेँगु संक्रमितको संख्या दुई हजार ४६ पुग्यो, वर्षासँगै अझै बढ्ने चिन्ता
/३१ भाद्र २०७६, मंगलवार १५:३३
तिलकराम रिमाल
चितवन । जिल्लामा डेँगु रोगको संक्रमण बढ्दै गएर दुई हजार ४६ पुगेको छ । चालु आर्थिक वर्षको साउन र भदौ महिनामा यो संख्या पुगेको हो । सोमबार रातीबाट चितवनमा लगातार वर्षा भईरहेकाले पानी जमेर डेंगुको संक्रमण अझै बढ्ने खतरा देखिएको छ ।
स्वास्थ्य कार्यालय चितवनका भेक्टर कन्ट्रोल निरीक्षक राम केसीले ६ हजार ६ सय ३९ जनाको रगतको नमुना परीक्षण गरिएकोमा २ हजार ४६ जनामा संक्रमण देखिएको जानकारी दिनुभयो ।
साउन महिनामा भन्दा भदौ महिना लागेपछि संक्रमितको संख्या बढ्दै गएको छ । सरकारी र निजी अस्पतालहरु ज्वरोका बिरामीले भरिएका छन् । डेङ्गुको संक्रमण बढेसँगै जनचेतनामूलक कार्यक्रमहरु निरन्तर रुपमा भईरहेको केसीले बताउनुभयो ।
लामखुट्टेका लार्भा खोज र नष्ट गर अभियानसँगै जनचेतनामूलक कार्यक्रमहरु गरिंदै आएको उहाँले बताउनुभो । कार्यालयसँगै सामाजिक संघ संस्था, व्यवसायिक संघ संगठनहरुले पनि अभियान सञ्चालन गरिरहेका छन् ।
डेङ्गुका बिरामी थपिदैं जाँदा रगत परीक्षण गर्ने किट अभाव हुने गरेको छ । अभाव हुन नदिन स्थानीय निकायका साथै निजी क्षेत्रले पनि सहयोग गर्दै आएका छन् । उद्योग वाणिज्य संघ चितवनले मंगलबार भरतपुर अस्पताललाई पाँच सय वटा डेँगु परीक्षण किट उपलव्ध गराएको छ । संघका अध्यक्ष सहनलाल प्रधानले भरतपुर अस्पतालका निमित्त प्रमुख डा। प्रकाश खतिवडालाई किट हस्तान्तरण गर्नु भएको हो । यस अघि भरतपुर महानगरपालिकाले एक हजार वटा र रोटरी क्लवको अगुवाईमा पाँच सय वटा किट अस्पताललाई उपलव्ध गराईएको थियो ।
भरतपुर अस्पतालमा दैनिक चार सय भन्दा बढि ज्वरोका बिरामी आउने गरेको अस्पतालका सूचना अधिकारी लिलाधर पौडेलले जानकारी दिनुभयो । जस मध्ये १ सय ५० हाराहारीको डेङ्गु परीक्षण गरिने गरेको छ । अस्पतालमा निःशुल्क रुपमा डेँगु परीक्षण हुन्छ भने निजी अस्पताल र मेडिकल कलेजहरुमा महंगो शुल्क तिर्नु पर्ने बाध्यता रहेको छ ।
भरतपुर अस्पतालमा चालु आर्थिक वर्षमा २ हजार ५ सयभन्दा बढीको डेँगु परीक्षण गरिएको र ती मध्ये ६ सय जनामा डेँगु पोजेटिभ देखिएको पौडेलले जानकारी दिनुभयो । डेँगु देखिंदैमा अस्पताल भर्ना भएर उपचार गर्नु नपर्ने बताउँदै उहाँले कतिपयलाई घरमै बसेर औषधि खान र जटिल भएमा पुनः आउन सुझाएर पठाउने गरिएको बताउनुभयो ।
मुख्य रुपमा भरतपुरको बाक्लो बस्ती भएको र मुख्य शहरी क्षेत्रका वासिन्दामा डेंगुको संक्रमण बढी देखिएको छ । भेक्टर कन्ट्रोल निरीक्षक केसीका अनुसार भरतपुर महानगरपालिको मुख्य बजार क्षेत्रमा पर्ने वडा नं। १, २, ३, ४, १०, ११ र १२ डेंगुबाट बढी प्रभावित भएका छन् ।
चालु आर्थिक वर्षको साउन यता दुई जनाको मृत्यु भएको छ । एक जनाको डेंगुको कारण र अर्का एक जनाको डेंगु र स्क्रबटाईफस दुवैको संक्रमणका कारण मृत्यु भएको केसीले जानकारी दिनुभयो ।
डेंगु गराउने लामखुट्टेले जमेको सफा पानीमा अण्डा पार्छ । पाँच एमएल पानी जमे पनि त्यसमा एडिज जातको लामखुट्टले अण्डा पार्ने गर्दछ । डेँगुबाट संक्रमित सोही जातको लामखुट्टेले टोकेमा रोगको संक्रमण हुने गर्दछ । घर र घर वरीपरी कुनै पनि भाडा र जमिनमा पानी जम्न नदिन चिकित्सकहरुले सुझाएका छन् । वर्षापछि पानी जम्ने र जमेको पानीमा लामखुट्टेले फुल पारेर संख्या बढाउने गर्दछन् ।
यसैगरी जिल्लामा साउन र भदौ महिनामा ५५ जनामा स्क्रबटाईफसको संक्रमण देखिएको छ ।
तिलकराम रिमाल
चितवन । जिल्लामा डेँगु रोगको संक्रमण बढ्दै गएर दुई हजार ४६ पुगेको छ । चालु आर्थिक वर्षको साउन र भदौ महिनामा यो संख्या पुगेको हो । सोमबार रातीबाट चितवनमा लगातार वर्षा भईरहेकाले पानी जमेर डेंगुको संक्रमण अझै बढ्ने खतरा देखिएको छ ।
स्वास्थ्य कार्यालय चितवनका भेक्टर कन्ट्रोल निरीक्षक राम केसीले ६ हजार ६ सय ३९ जनाको रगतको नमुना परीक्षण गरिएकोमा २ हजार ४६ जनामा संक्रमण देखिएको जानकारी दिनुभयो ।
साउन महिनामा भन्दा भदौ महिना लागेपछि संक्रमितको संख्या बढ्दै गएको छ । सरकारी र निजी अस्पतालहरु ज्वरोका बिरामीले भरिएका छन् । डेङ्गुको संक्रमण बढेसँगै जनचेतनामूलक कार्यक्रमहरु निरन्तर रुपमा भईरहेको केसीले बताउनुभयो ।
लामखुट्टेका लार्भा खोज र नष्ट गर अभियानसँगै जनचेतनामूलक कार्यक्रमहरु गरिंदै आएको उहाँले बताउनुभो । कार्यालयसँगै सामाजिक संघ संस्था, व्यवसायिक संघ संगठनहरुले पनि अभियान सञ्चालन गरिरहेका छन् ।
डेङ्गुका बिरामी थपिदैं जाँदा रगत परीक्षण गर्ने किट अभाव हुने गरेको छ । अभाव हुन नदिन स्थानीय निकायका साथै निजी क्षेत्रले पनि सहयोग गर्दै आएका छन् । उद्योग वाणिज्य संघ चितवनले मंगलबार भरतपुर अस्पताललाई पाँच सय वटा डेँगु परीक्षण किट उपलव्ध गराएको छ । संघका अध्यक्ष सहनलाल प्रधानले भरतपुर अस्पतालका निमित्त प्रमुख डा। प्रकाश खतिवडालाई किट हस्तान्तरण गर्नु भएको हो । यस अघि भरतपुर महानगरपालिकाले एक हजार वटा र रोटरी क्लवको अगुवाईमा पाँच सय वटा किट अस्पताललाई उपलव्ध गराईएको थियो ।
भरतपुर अस्पतालमा दैनिक चार सय भन्दा बढि ज्वरोका बिरामी आउने गरेको अस्पतालका सूचना अधिकारी लिलाधर पौडेलले जानकारी दिनुभयो । जस मध्ये १ सय ५० हाराहारीको डेङ्गु परीक्षण गरिने गरेको छ । अस्पतालमा निःशुल्क रुपमा डेँगु परीक्षण हुन्छ भने निजी अस्पताल र मेडिकल कलेजहरुमा महंगो शुल्क तिर्नु पर्ने बाध्यता रहेको छ ।
भरतपुर अस्पतालमा चालु आर्थिक वर्षमा २ हजार ५ सयभन्दा बढीको डेँगु परीक्षण गरिएको र ती मध्ये ६ सय जनामा डेँगु पोजेटिभ देखिएको पौडेलले जानकारी दिनुभयो । डेँगु देखिंदैमा अस्पताल भर्ना भएर उपचार गर्नु नपर्ने बताउँदै उहाँले कतिपयलाई घरमै बसेर औषधि खान र जटिल भएमा पुनः आउन सुझाएर पठाउने गरिएको बताउनुभयो ।
मुख्य रुपमा भरतपुरको बाक्लो बस्ती भएको र मुख्य शहरी क्षेत्रका वासिन्दामा डेंगुको संक्रमण बढी देखिएको छ । भेक्टर कन्ट्रोल निरीक्षक केसीका अनुसार भरतपुर महानगरपालिको मुख्य बजार क्षेत्रमा पर्ने वडा नं। १, २, ३, ४, १०, ११ र १२ डेंगुबाट बढी प्रभावित भएका छन् ।
चालु आर्थिक वर्षको साउन यता दुई जनाको मृत्यु भएको छ । एक जनाको डेंगुको कारण र अर्का एक जनाको डेंगु र स्क्रबटाईफस दुवैको संक्रमणका कारण मृत्यु भएको केसीले जानकारी दिनुभयो ।
डेंगु गराउने लामखुट्टेले जमेको सफा पानीमा अण्डा पार्छ । पाँच एमएल पानी जमे पनि त्यसमा एडिज जातको लामखुट्टले अण्डा पार्ने गर्दछ । डेँगुबाट संक्रमित सोही जातको लामखुट्टेले टोकेमा रोगको संक्रमण हुने गर्दछ । घर र घर वरीपरी कुनै पनि भाडा र जमिनमा पानी जम्न नदिन चिकित्सकहरुले सुझाएका छन् । वर्षापछि पानी जम्ने र जमेको पानीमा लामखुट्टेले फुल पारेर संख्या बढाउने गर्दछन् ।
यसैगरी जिल्लामा साउन र भदौ महिनामा ५५ जनामा स्क्रबटाईफसको संक्रमण देखिएको छ ।