कविलास रिसोर्टको अध्यक्षमा पुनः ई. बाबुराम उपाध्याय

चितवन । कविलास रिसोर्टको सातौं साधारण सभा तथा तेस्रो अधिवेशनले पुनः ई. बाबुराम उपाध्यायलाई अध्यक्षमा सर्वसम्त चयन गरेको छ । रिसोर्टको आज सम्पन्न अधिवेशनबाट सञ्चालकमा चुडामणी खनाल, विष्णु कुँवर, विष्णु ढकाल, विष्णु अधिकारी, वामदेव गौली र डा. नेत्रप्रसाद चटौत चयन हुनु भएको छ ।

भरतपुर महानगरपालिका वडा नम्वर २९ मा रहेको कविलास रिसोर्ट चितवन जिल्लाको उच्च भागमा आधुनिक प्रविधिवाट निर्माण गरिएको रिसोर्ट हो । यहाँ ५० वटा कोठा सहितका सातवटा भिल्लाहरु रहेका अध्यक्ष उपाध्यायले जानकारी दिनुभयो ।

२२ विगाहा जमिनमा फैलिएको रिसोर्टमा पानी र सुख्खा खेलहरु समावेश गरिएको छुट्टै पार्कसमेत रहेको छ । अध्यक्ष उपाध्यायका अनुसार रिसोर्टमा जिपलाईनिङ् समेत निर्माण भईरहेको छ ।

नारायणगढ मुग्लिन सडक खण्डको दासढुङ्गाबाट एक दशमलव आठ किलोमिट माथि रिसोर्ट रहेको छ । १८ करोड रुपैयाँको लागतमा बनेको रिसोर्टमा ७५ जना शेयरधनि रहेका छन् । आन्तरिक र वाह्य पर्यटकलाई लक्षित गरि बनाईएको यो रिसोर्ट जिल्लाको उच्च भागमा रहेको सुविधा सम्पन्न रिसोर्ट मानिन्छ ।