दोस्रो चरणको जागरण अभियानका लागि काँग्रेस चितवनको तयारी सुरु
/२२ भाद्र २०७६, आईतवार १९:४४
चितवन । नेपाली काँग्रेस चितवनले दोस्रो चरणको जागरण अभियानका लागि आफ्नो तयारी सुरु गरेको छ । काँग्रेस चितवनको आज बसेको बैठकले यहि भदौ २४ गते १ सय ६ औं वीपी जयन्तीको अवसरबाट हुन लागेको दोस्रो चरणको जागरण अभियानको तयारी अन्तर्गत प्रदेश स्तरीय निर्वाचन क्षेत्रका लागि पार्टीका जिल्ला नेताहरुलाई जिम्मेवारी तोक्ने, प्रचार प्रसार समिति गठन गर्ने र अभियानका क्रममा गरिने कार्यक्रम समेत तय गरेको पार्टीले जनाएको छ ।
नेपाली काँग्रेस चितवनका सचिव उत्तम जोशीका अनुसार असोज ७ गतेसम्म सञ्चालन हुने सो अभियानका लागि चितवन प्रतिनिधिसभा क्षेत्र नम्वर १ प्रदेश (क)मा जिल्ला सह–सचिव सूर्य अर्याल, (ख)मा जिल्ला सचिव राजिव न्यौपाने, प्रतिनिधिसभा क्षेत्र नम्वर २ प्रदेश (क)मा जिल्ला सचिव उत्तम जोशी, (ख)मा प्रवक्ता निता ढकाल, प्रतिनिधिसभा क्षेत्र नम्वर ३ प्रदेश (क)मा जिल्ला कोषाध्यक्ष शङ्कर कँडेल, (ख)मा जिल्ला उपसभापति कैलाश कोईरालालाई जिम्मेवारी तोकिएको छ ।
अभियानका क्रममा प्रदेश क्षेत्रमा तीन सय युवालाई अहिले सम्मका आन्दोलन र यसबाट प्राप्त उपलव्धि, वीपीको विचार लगायतका विषयमा जानकारी गराउने, नागरिक सम्वाद कार्यक्रम गर्ने, युवा केन्द्रित विशेष सम्वाद, अन्तरक्रिया, अग्रज, सहिद परिवार र द्वन्द्व पीडितहरुसँग घरदैलो, नयाँ सदस्यता वितरण, स्थानीय तहहरुको दुई वर्षको समीक्षा लगायतका कार्यक्रम रहेका जिल्ला सचिव जोशीले जानकारी दिनुभयो ।
जिल्ला सभापति जीतनारायण श्रेष्ठको अध्यक्षतामा बसेको बैठकले जागरण अभियानको प्रचार प्रसारका लागि काँग्रेस जिल्ला सदस्य डा. ईश्वरी लौडारीको संयोजकत्वमा पाँच सदस्यीय उपसमितिसमेत गठन गरेको छ । उपसमितिका सदस्यहरुमा नेपाल प्रेस युनियनका केन्द्रिय सदस्य सृजना अर्याल, जिल्ला अध्यक्ष अनिल ढकाल, शिक्षक संघका पूर्वा जिल्ला अध्यक्ष ध्रुव पोखरेल र पार्टी कार्यालयका मुख्य सचिव दुर्गा गैरे रहनु भएको छ ।
जागरण अभियान महङ्गी, भ्रष्टाचार, अलोकतान्त्रिक विधेयक, कम्युनिष्ट सरकारको कुशासन, बढ्दो महिला हिंसा, बलात्कार र हत्या लगायतका विषयमा केन्द्रित हुने जिल्ला सभापति श्रेष्ठले जानकारी दिनुभयो । जिल्ला स्तरमा स्थानीय तहहरुले गरेको कर वृद्धिदेखि विकास निर्माणका क्रममा भएका अनियमितताका विषयमा पनि छलफल हुने सचिव जोशीले जानकारी दिनुभयो ।
अभियान भदौ २४ गते जिल्लाका सवै प्रदेशका क्षेत्रहरुमा एकै पटक उद्घाटन हुने छ । एउटा क्षेत्रमा १ सय ६ वटा विरुवा रोपेर कार्यक्रमको उद्घाटन गर्ने तय भएको छ । अभियानको उद्घाटनअघि भोलि सोमबार जिल्लाका पूर्व पार्टी सभापति, पदाधिकारी, साँसद, पूर्व साँसदहरुसँग छलफल गर्ने कार्यक्रम रहेको छ । छलफल भावी कार्यक्रमलाई कसरी अगाडि बढाउन सकिन्छ भन्ने विषयमा केन्द्रित हुने जनाइएको छ । अभियानलाई सफल बनाउनका लागि काँग्रेस चितवनले जिल्लाका सवै नेताहरुलाई आ–आफ्नो क्षेत्रमा सक्रिय रुपमा सहभागी हुनका लागि समेत आहन गरेको छ ।
जिल्ला सभापति श्रेष्ठका अनुसार जिल्लामा अभियान समापनको दिन विरोध प्रदर्शन सहितको कार्यक्रम हुने छ । नेपाली काँग्रेसले पहिलो चरणको जागरण अभियान गत वैशाख २५ गते देखि जेठ २५ गते सम्म देशव्यापी रुपमा सम्पन्न गरेको थियो ।
चितवन । नेपाली काँग्रेस चितवनले दोस्रो चरणको जागरण अभियानका लागि आफ्नो तयारी सुरु गरेको छ । काँग्रेस चितवनको आज बसेको बैठकले यहि भदौ २४ गते १ सय ६ औं वीपी जयन्तीको अवसरबाट हुन लागेको दोस्रो चरणको जागरण अभियानको तयारी अन्तर्गत प्रदेश स्तरीय निर्वाचन क्षेत्रका लागि पार्टीका जिल्ला नेताहरुलाई जिम्मेवारी तोक्ने, प्रचार प्रसार समिति गठन गर्ने र अभियानका क्रममा गरिने कार्यक्रम समेत तय गरेको पार्टीले जनाएको छ ।
नेपाली काँग्रेस चितवनका सचिव उत्तम जोशीका अनुसार असोज ७ गतेसम्म सञ्चालन हुने सो अभियानका लागि चितवन प्रतिनिधिसभा क्षेत्र नम्वर १ प्रदेश (क)मा जिल्ला सह–सचिव सूर्य अर्याल, (ख)मा जिल्ला सचिव राजिव न्यौपाने, प्रतिनिधिसभा क्षेत्र नम्वर २ प्रदेश (क)मा जिल्ला सचिव उत्तम जोशी, (ख)मा प्रवक्ता निता ढकाल, प्रतिनिधिसभा क्षेत्र नम्वर ३ प्रदेश (क)मा जिल्ला कोषाध्यक्ष शङ्कर कँडेल, (ख)मा जिल्ला उपसभापति कैलाश कोईरालालाई जिम्मेवारी तोकिएको छ ।
अभियानका क्रममा प्रदेश क्षेत्रमा तीन सय युवालाई अहिले सम्मका आन्दोलन र यसबाट प्राप्त उपलव्धि, वीपीको विचार लगायतका विषयमा जानकारी गराउने, नागरिक सम्वाद कार्यक्रम गर्ने, युवा केन्द्रित विशेष सम्वाद, अन्तरक्रिया, अग्रज, सहिद परिवार र द्वन्द्व पीडितहरुसँग घरदैलो, नयाँ सदस्यता वितरण, स्थानीय तहहरुको दुई वर्षको समीक्षा लगायतका कार्यक्रम रहेका जिल्ला सचिव जोशीले जानकारी दिनुभयो ।
जिल्ला सभापति जीतनारायण श्रेष्ठको अध्यक्षतामा बसेको बैठकले जागरण अभियानको प्रचार प्रसारका लागि काँग्रेस जिल्ला सदस्य डा. ईश्वरी लौडारीको संयोजकत्वमा पाँच सदस्यीय उपसमितिसमेत गठन गरेको छ । उपसमितिका सदस्यहरुमा नेपाल प्रेस युनियनका केन्द्रिय सदस्य सृजना अर्याल, जिल्ला अध्यक्ष अनिल ढकाल, शिक्षक संघका पूर्वा जिल्ला अध्यक्ष ध्रुव पोखरेल र पार्टी कार्यालयका मुख्य सचिव दुर्गा गैरे रहनु भएको छ ।
जागरण अभियान महङ्गी, भ्रष्टाचार, अलोकतान्त्रिक विधेयक, कम्युनिष्ट सरकारको कुशासन, बढ्दो महिला हिंसा, बलात्कार र हत्या लगायतका विषयमा केन्द्रित हुने जिल्ला सभापति श्रेष्ठले जानकारी दिनुभयो । जिल्ला स्तरमा स्थानीय तहहरुले गरेको कर वृद्धिदेखि विकास निर्माणका क्रममा भएका अनियमितताका विषयमा पनि छलफल हुने सचिव जोशीले जानकारी दिनुभयो ।
अभियान भदौ २४ गते जिल्लाका सवै प्रदेशका क्षेत्रहरुमा एकै पटक उद्घाटन हुने छ । एउटा क्षेत्रमा १ सय ६ वटा विरुवा रोपेर कार्यक्रमको उद्घाटन गर्ने तय भएको छ । अभियानको उद्घाटनअघि भोलि सोमबार जिल्लाका पूर्व पार्टी सभापति, पदाधिकारी, साँसद, पूर्व साँसदहरुसँग छलफल गर्ने कार्यक्रम रहेको छ । छलफल भावी कार्यक्रमलाई कसरी अगाडि बढाउन सकिन्छ भन्ने विषयमा केन्द्रित हुने जनाइएको छ । अभियानलाई सफल बनाउनका लागि काँग्रेस चितवनले जिल्लाका सवै नेताहरुलाई आ–आफ्नो क्षेत्रमा सक्रिय रुपमा सहभागी हुनका लागि समेत आहन गरेको छ ।
जिल्ला सभापति श्रेष्ठका अनुसार जिल्लामा अभियान समापनको दिन विरोध प्रदर्शन सहितको कार्यक्रम हुने छ । नेपाली काँग्रेसले पहिलो चरणको जागरण अभियान गत वैशाख २५ गते देखि जेठ २५ गते सम्म देशव्यापी रुपमा सम्पन्न गरेको थियो ।