काठमाडौँ । भोलि सोमबार नेपाल कम्युनिष्ट पार्टी स्थापनाको ७० वर्ष पुग्दैछ । वि.सं. २००६ बैशाख १० गते (२२अप्रिल) का दिन नेकपाको स्थापना भएको थियो ।
एक वर्षअघि नेपालका दुई ठूला कम्युनिष्ट पार्टी एमाले र माओवादी केन्द्रबीच एकीकरण भएर बनेको नेपाल कम्युनिष्ट पार्टी (नेकपा) ले स्थापना दिवस भव्य रुपमा मनाउने र पार्टीको तल्लो तहको एकीकरण प्रक्रिया टुङ्ग्याउने कसरत गरिरहेको छ । पार्टी एकताको घोषणा भएको वर्षदिन भइसक्दा पनि तल्लो तहसम्म एकता प्रक्रिया टुङ्ग्याउन नसकेको भनेर नेतृत्वको आलोचना भइरहेको समयमा जिल्ला तहमा तत्कालीन एमाले र माओवादी केन्द्रका नेताहरूलाई क्रमशः ६०/४० को अनुपातमा जिम्मेवारी दिने तयारी भइरहेको पार्टी स्रोतले जानकारी दिएको छ ।
नेकपाका अध्यक्ष एवम् प्रधानमन्त्री केपी ओली, अर्का अध्यक्ष पुष्पकमल दाहाल ‘प्रचण्ड’, वरिष्ठ नेता माधवकुमार नेपाल र महासचिव विष्णु पौडेलबीच शुक्रबार र शनिबार भएका बैठकहरूमा समायोजनको विषय वैशाख ९ गतेभित्र टुङ्ग्याउने सहमति भएको हो । शीर्ष नेताहरूले आफू निकटका नेताहरूलाई व्यवस्थापन गर्न समायोजनमा ढिलाइ गरेको आरोप लाग्दै आएको छ । सहमति जुटाउने मापदण्डका सन्दर्भमा विभिन्न विकल्पमा चारै नेताले लचिलो बनेर खुला छलफल गरेका बताइएको छ ।
नेताहरूबीच भएको सैद्धान्तिक सहमतिलाई अन्तिम रुप दिन आइतबार पनि शीर्ष नेताहरू सक्रिय रहेका छन् । शीर्ष नेताहरूबीचको छलफलले सकारात्मक निष्कर्ष निकालेमा तत्कालै केन्द्रीय सचिवालय बैठक बसेर निष्कर्षलाई मूर्तरुप दिने छ । बैठकले कम्तीमा पनि पार्टीको पोलिटब्यूरो सदस्य र सबै जिल्ला कमिटीका अध्यक्ष र सचिवको छिनोफानो गर्ने गरी तयारी भइरहेको छ ।
यसैबीच, नेकपाको ७०औँ स्थापना दिवस कार्यक्रम दिउँसो १२ बजे काठमाडौंको कमलादीस्थित प्रज्ञाभवनमा आयोजना गरिएको नेकपाका नेता युवराज कार्कीले जानकारी दिनुभएको छ । कार्यक्रमलाई नेकपाका अध्यक्ष समेत रहेका प्रधानमन्त्री केपी ओली, अध्यक्ष पुष्पकमल दाहाल ‘प्रचण्ड’सहितका शीर्ष नेताहरूले सम्बोधन गर्नुहुने छ ।
काठमाडौँ । भोलि सोमबार नेपाल कम्युनिष्ट पार्टी स्थापनाको ७० वर्ष पुग्दैछ । वि.सं. २००६ बैशाख १० गते (२२अप्रिल) का दिन नेकपाको स्थापना भएको थियो ।
एक वर्षअघि नेपालका दुई ठूला कम्युनिष्ट पार्टी एमाले र माओवादी केन्द्रबीच एकीकरण भएर बनेको नेपाल कम्युनिष्ट पार्टी (नेकपा) ले स्थापना दिवस भव्य रुपमा मनाउने र पार्टीको तल्लो तहको एकीकरण प्रक्रिया टुङ्ग्याउने कसरत गरिरहेको छ । पार्टी एकताको घोषणा भएको वर्षदिन भइसक्दा पनि तल्लो तहसम्म एकता प्रक्रिया टुङ्ग्याउन नसकेको भनेर नेतृत्वको आलोचना भइरहेको समयमा जिल्ला तहमा तत्कालीन एमाले र माओवादी केन्द्रका नेताहरूलाई क्रमशः ६०/४० को अनुपातमा जिम्मेवारी दिने तयारी भइरहेको पार्टी स्रोतले जानकारी दिएको छ ।
नेकपाका अध्यक्ष एवम् प्रधानमन्त्री केपी ओली, अर्का अध्यक्ष पुष्पकमल दाहाल ‘प्रचण्ड’, वरिष्ठ नेता माधवकुमार नेपाल र महासचिव विष्णु पौडेलबीच शुक्रबार र शनिबार भएका बैठकहरूमा समायोजनको विषय वैशाख ९ गतेभित्र टुङ्ग्याउने सहमति भएको हो । शीर्ष नेताहरूले आफू निकटका नेताहरूलाई व्यवस्थापन गर्न समायोजनमा ढिलाइ गरेको आरोप लाग्दै आएको छ । सहमति जुटाउने मापदण्डका सन्दर्भमा विभिन्न विकल्पमा चारै नेताले लचिलो बनेर खुला छलफल गरेका बताइएको छ ।
नेताहरूबीच भएको सैद्धान्तिक सहमतिलाई अन्तिम रुप दिन आइतबार पनि शीर्ष नेताहरू सक्रिय रहेका छन् । शीर्ष नेताहरूबीचको छलफलले सकारात्मक निष्कर्ष निकालेमा तत्कालै केन्द्रीय सचिवालय बैठक बसेर निष्कर्षलाई मूर्तरुप दिने छ । बैठकले कम्तीमा पनि पार्टीको पोलिटब्यूरो सदस्य र सबै जिल्ला कमिटीका अध्यक्ष र सचिवको छिनोफानो गर्ने गरी तयारी भइरहेको छ ।
यसैबीच, नेकपाको ७०औँ स्थापना दिवस कार्यक्रम दिउँसो १२ बजे काठमाडौंको कमलादीस्थित प्रज्ञाभवनमा आयोजना गरिएको नेकपाका नेता युवराज कार्कीले जानकारी दिनुभएको छ । कार्यक्रमलाई नेकपाका अध्यक्ष समेत रहेका प्रधानमन्त्री केपी ओली, अध्यक्ष पुष्पकमल दाहाल ‘प्रचण्ड’सहितका शीर्ष नेताहरूले सम्बोधन गर्नुहुने छ ।