पत्रकार होमनाथ सापकोटालाई पर्यटन पत्रकारिता पुरस्कार

सौराहा (चितवन) । क्षेत्रीय होटल संघ चितवन सौराहाले पत्रकार होमनाथ सापकोटालाई पर्यटन पत्रकारिता पुरस्कार प्रदान गरेको छ । संघको १८ औं बार्षिक साधारण सभा तथा आठौंं अधिवेशनका अवसरमा शनिबार सापकोटालाई नगद सहित पुरस्कृत गरिएको हो ।

पत्रकारिताको माध्यमबाट चितवनको पर्यटन विकासमा योगदान पु¥याएको भन्दै सापकोटालाई पुरस्कृत गरिएको संघले जनाएको छ । कार्यक्रमका प्रमुख अतिथि प्रदेश सभा सांसद कृष्णप्रसाद खनाल, रत्ननगर नगरपालिकाका प्रमुख नारायण वन र संघका अध्यक्ष सुमन घिमिरेले दोसल्ला, सम्मानपत्र र नगद सहित सापकोटालाईए पुरस्कृत गर्नुभएको हो ।

विगत १७ बर्षदेखि पत्रकारितामा क्रियाशील पत्रकार सापकोटा पूर्वी चितवन पत्रकार संघका अध्यक्ष तथा चितवन पोष्ट दैनिकका संवाददाता हुनुहुन्छ । पूर्वी चितवनलाई कार्यक्षेत्र बनाएर पत्रकारिता गर्दै आउनु भएका सापकोटाले संरक्षण र पर्यापर्यटनका विषयलाई महत्व दिएर कलम चलाउँदै आउनु भएको छ ।