पार्टी एकीकरण प्रक्रिया अन्तिम चरणमा पुग्यो : दाहाल
/१९ भाद्र २०७६, बिहीबार २१:५४
काठमाडौँ । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले पार्टी एकीकरण प्रक्रिया अन्तिम चरणमा पुगेको बताउनुभएको छ ।
आज नेकपाको विदेश मामिला विभागको पद हस्तान्तरण कार्यक्रममा उहाँले पार्टी एकता केही ढिला भए पनि अब बस्ने बैठकले पार्टी एकतालाई सम्पन्न गर्ने बताउनुभयो । सो अवसरमा तत्कालीन नेकपा (माओवादी केन्द्र) का विदेश विभाग प्रमुख नारायणकाजी श्रेष्ठले नेकपाका विदेश मामिला प्रमुख माधवकुमार नेपाललाई पद हस्तान्तरण गर्नुभयो ।
पार्टी एकताका केही बाँकी काम रहेकाले पनि केहीले सङ्घीय लोकतान्त्रिक गणतन्त्रमाथि प्रश्न उठाउने दुष्साहस गरेको उल्लेख गर्दै उहाँले पार्टी एकता प्रक्रियालाई अन्तिम रुप दिएर जनतामाझ जाने बताउनुभयो ।
“पार्टी एकता सकाएर पार्टीका नीति, योजना, कार्यक्रम विचार प्रशिक्षण अभियानको रुपमा चलाउने छौँ”, उहाँले भन्नुभयो, “कस्ता कस्ता जटिल र अप्ठारा परिस्थितिलाई चिरेर यहाँसम्म पुर्याएका छौँ । एकताबद्ध भएर अभियानमा गयौँ भने अबको परिस्थिति सामान्य नै हुन्छ । एकपछि अर्को विजय हासिल गर्दै अगाडि बढ्ने छौँ ।” उहाँले कसैको दया नभई थुप्रै चुनौतीलाई पार गरेर अहिलेको कम्युनिष्ट आन्दोलन यहाँसम्म आएको बताउनुभयो ।
“पार्टी एकता भएपछि जुन तदारुकता र तीव्रताका साथ तीन महीनाभित्र सकेर तुरुन्तै जनताको बीचमा जाने कमिटीको बैठक गर्ने, स्थानीयदेखि प्रादेशिक तह, सङ्घीय सरकारसम्मलाई निर्देशित गर्ने सरकारलाई प्रभावकारी बनाउनुपर्ने, गल्ती भयो भने त्यसलाई खबरदारी गर्नुपर्ने थियो । हामीले त्यसो गर्न सकेनौँ”, उहाँले भन्नुभयो, “त्यो थोरै हाम्रो कमीकमजोरीले प्रतिक्रियावादीले अतिरञ्जीत ढङ्गले प्रचार गर्ने र प्रतिक्रियावादीले टाउको उठाउने जमर्को गरेको हामीले देख्ने सुन्ने गरेको छौँ ।”
उहाँले अहिले कम्युनिष्ट पार्टीको बहुमतलाई कुनै न कुनै रुपमा देख्न नचाहनेहरुले सानोतिनो कमजोरीमात्र भेटियो भने त्यसलाई तिललाई पहाड बनाएर कम्युनिष्टलाई पार्टी र नेतालाई बदनाम गर्ने प्रयास भइरहेको बताउनुभयो । पूर्वप्रधानमन्त्री दाहालले कम्युनिष्टको सरकार गठन गरे पनि निकै अवसर र चुनौतीको रहेको भन्दै ती चुनौतीलाई पार गरेर लैजानुपर्ने पर्ने बताउनुभयो । उहाँले जनताका अपेक्षाअनुसार काम गर्न नसके चुनौती आउने बताउनुभयो ।
“अब जनताको अपेक्षा र राष्ट्रको आवश्यकताअनुसार हामीले सेवा प्रवाह गर्न सकेनौँ, परिणाम दिन सकेनौँ, राष्ट्रिय एकता र स्वाधीनतालाई सुदृढ गर्न र जनभावनाअनुसार विकास र समृद्धिको यात्रा अगाडि बढाउन सकेनौँ । कम्युनिष्ट पार्टीको नेतृत्व हुनुको नाताले सामाजिक न्याय र समाजवाद चरित्रतिर जाँदैछौँ भन्ने विश्वास जनतालाई दिन सकेनौँ भने यो आफैँमा एउटा ठूलो चुनौती बनेर आउने स्थिति छ”, उहाँले भन्नुभयो ।
जनताका वर्ग सङ्घर्ष, विभिन्न सामाजिक न्यायको मुद्दाको सङ्घर्षमा लागेर तानाशाही, निरङ्कुशतन्त्र, समान्तवादको लडाइँमा हामीले विजय हासिल नगरेको भए अहिलेको परिस्थिति नबन्ने उहाँले बताउनुभयो । उहाँले निकै लामो बहस त्याग बलिदान, आन्दोलन र सङ्घर्षको बीचबाट खारिएका नेताको कारणले अहिले मुलुकमा कम्युनिष्ट आन्दोलन सफल भएकोसमेत बताउनुभयो ।
कार्यक्रममा विदेश विभागका प्रमुख नेपालले विभागले पार्टी र देशको अन्तरराष्ट्रिय सम्बन्ध सुदृढ गरी राष्ट्रिय हितमा काम गर्ने बताउनुभयो । उहाँले स्वाभिमान जोगाउँदै छिमेकीसँगको सम्बन्ध राम्रो बनाई कसरी अघि बढ्दा नेपाल र नेपाली जनताको हितमा काम गर्न सकिन्छ भन्ने आफूहरु लाग्ने बताउनुभयो ।
नेकपा प्रवक्ता नारायणकाजी श्रेष्ठले प्रधानमन्त्री तथा पार्टी अध्यक्ष केपी शर्मा ओली सिङ्गापुरबाट स्वदेश फर्केपछि पार्टीका एकताका बाँकी काम टुङ्ग्याउने बताउनुभयो । उहाँले देशको सार्वभौमसत्ता, स्वाधीनताको रक्षा गर्नका लागि कूटनीतिक पहल पहिलो भएको भन्दै राष्ट्रिय रक्षा गर्न पार्टीलाई विदेश नीतिमा पृष्ठपोषणको काम विभागले गर्ने बताउनुभयो । सोही अवसरमा विभागका उपप्रमुख राम कार्की र विष्णु रिजालले पार्टीको नीति, योजनालाई अन्तरराष्ट्रियस्तरमा पुर्याई सम्बन्धलाई राम्रो बनाउने बताउनुभयो ।
काठमाडौँ । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले पार्टी एकीकरण प्रक्रिया अन्तिम चरणमा पुगेको बताउनुभएको छ ।
आज नेकपाको विदेश मामिला विभागको पद हस्तान्तरण कार्यक्रममा उहाँले पार्टी एकता केही ढिला भए पनि अब बस्ने बैठकले पार्टी एकतालाई सम्पन्न गर्ने बताउनुभयो । सो अवसरमा तत्कालीन नेकपा (माओवादी केन्द्र) का विदेश विभाग प्रमुख नारायणकाजी श्रेष्ठले नेकपाका विदेश मामिला प्रमुख माधवकुमार नेपाललाई पद हस्तान्तरण गर्नुभयो ।
पार्टी एकताका केही बाँकी काम रहेकाले पनि केहीले सङ्घीय लोकतान्त्रिक गणतन्त्रमाथि प्रश्न उठाउने दुष्साहस गरेको उल्लेख गर्दै उहाँले पार्टी एकता प्रक्रियालाई अन्तिम रुप दिएर जनतामाझ जाने बताउनुभयो ।
“पार्टी एकता सकाएर पार्टीका नीति, योजना, कार्यक्रम विचार प्रशिक्षण अभियानको रुपमा चलाउने छौँ”, उहाँले भन्नुभयो, “कस्ता कस्ता जटिल र अप्ठारा परिस्थितिलाई चिरेर यहाँसम्म पुर्याएका छौँ । एकताबद्ध भएर अभियानमा गयौँ भने अबको परिस्थिति सामान्य नै हुन्छ । एकपछि अर्को विजय हासिल गर्दै अगाडि बढ्ने छौँ ।” उहाँले कसैको दया नभई थुप्रै चुनौतीलाई पार गरेर अहिलेको कम्युनिष्ट आन्दोलन यहाँसम्म आएको बताउनुभयो ।
“पार्टी एकता भएपछि जुन तदारुकता र तीव्रताका साथ तीन महीनाभित्र सकेर तुरुन्तै जनताको बीचमा जाने कमिटीको बैठक गर्ने, स्थानीयदेखि प्रादेशिक तह, सङ्घीय सरकारसम्मलाई निर्देशित गर्ने सरकारलाई प्रभावकारी बनाउनुपर्ने, गल्ती भयो भने त्यसलाई खबरदारी गर्नुपर्ने थियो । हामीले त्यसो गर्न सकेनौँ”, उहाँले भन्नुभयो, “त्यो थोरै हाम्रो कमीकमजोरीले प्रतिक्रियावादीले अतिरञ्जीत ढङ्गले प्रचार गर्ने र प्रतिक्रियावादीले टाउको उठाउने जमर्को गरेको हामीले देख्ने सुन्ने गरेको छौँ ।”
उहाँले अहिले कम्युनिष्ट पार्टीको बहुमतलाई कुनै न कुनै रुपमा देख्न नचाहनेहरुले सानोतिनो कमजोरीमात्र भेटियो भने त्यसलाई तिललाई पहाड बनाएर कम्युनिष्टलाई पार्टी र नेतालाई बदनाम गर्ने प्रयास भइरहेको बताउनुभयो । पूर्वप्रधानमन्त्री दाहालले कम्युनिष्टको सरकार गठन गरे पनि निकै अवसर र चुनौतीको रहेको भन्दै ती चुनौतीलाई पार गरेर लैजानुपर्ने पर्ने बताउनुभयो । उहाँले जनताका अपेक्षाअनुसार काम गर्न नसके चुनौती आउने बताउनुभयो ।
“अब जनताको अपेक्षा र राष्ट्रको आवश्यकताअनुसार हामीले सेवा प्रवाह गर्न सकेनौँ, परिणाम दिन सकेनौँ, राष्ट्रिय एकता र स्वाधीनतालाई सुदृढ गर्न र जनभावनाअनुसार विकास र समृद्धिको यात्रा अगाडि बढाउन सकेनौँ । कम्युनिष्ट पार्टीको नेतृत्व हुनुको नाताले सामाजिक न्याय र समाजवाद चरित्रतिर जाँदैछौँ भन्ने विश्वास जनतालाई दिन सकेनौँ भने यो आफैँमा एउटा ठूलो चुनौती बनेर आउने स्थिति छ”, उहाँले भन्नुभयो ।
जनताका वर्ग सङ्घर्ष, विभिन्न सामाजिक न्यायको मुद्दाको सङ्घर्षमा लागेर तानाशाही, निरङ्कुशतन्त्र, समान्तवादको लडाइँमा हामीले विजय हासिल नगरेको भए अहिलेको परिस्थिति नबन्ने उहाँले बताउनुभयो । उहाँले निकै लामो बहस त्याग बलिदान, आन्दोलन र सङ्घर्षको बीचबाट खारिएका नेताको कारणले अहिले मुलुकमा कम्युनिष्ट आन्दोलन सफल भएकोसमेत बताउनुभयो ।
कार्यक्रममा विदेश विभागका प्रमुख नेपालले विभागले पार्टी र देशको अन्तरराष्ट्रिय सम्बन्ध सुदृढ गरी राष्ट्रिय हितमा काम गर्ने बताउनुभयो । उहाँले स्वाभिमान जोगाउँदै छिमेकीसँगको सम्बन्ध राम्रो बनाई कसरी अघि बढ्दा नेपाल र नेपाली जनताको हितमा काम गर्न सकिन्छ भन्ने आफूहरु लाग्ने बताउनुभयो ।
नेकपा प्रवक्ता नारायणकाजी श्रेष्ठले प्रधानमन्त्री तथा पार्टी अध्यक्ष केपी शर्मा ओली सिङ्गापुरबाट स्वदेश फर्केपछि पार्टीका एकताका बाँकी काम टुङ्ग्याउने बताउनुभयो । उहाँले देशको सार्वभौमसत्ता, स्वाधीनताको रक्षा गर्नका लागि कूटनीतिक पहल पहिलो भएको भन्दै राष्ट्रिय रक्षा गर्न पार्टीलाई विदेश नीतिमा पृष्ठपोषणको काम विभागले गर्ने बताउनुभयो । सोही अवसरमा विभागका उपप्रमुख राम कार्की र विष्णु रिजालले पार्टीको नीति, योजनालाई अन्तरराष्ट्रियस्तरमा पुर्याई सम्बन्धलाई राम्रो बनाउने बताउनुभयो ।