स्कुटीलाई ठक्कर दिएर भागेको बोलेरोको ठक्करबाट मोटरसाइकल चालकको मृत्यु
/१६ भाद्र २०७६, सोमबार २३:२३
चितवन । भरतपुरमा स्कुटीलाई ठक्कर दिई भागेको बोलेरो जीपको ठक्करबाट सोमबार बेलुकी एक मोटरसाईकल चालकको मृत्यु भएको छ । ना ३ च ९११९ नम्वरको बोलेरो जीपको ठक्करबाट ना ४५ प ३४७ नम्वरको मोटरसाईकललाई ठक्कर दिँदा भरतपुर–१७, गाजिपुरका ४५ वर्षीय पाल्सिङ तामाङको मृत्यु भएको हो ।
जिल्ला प्रहरी कार्यालय, चितवनका प्रवक्ता डिएसपी एकनारायण कोइरालाका अनुसार भरतपुर–१९, सौगात चोकमा बोलेरो जीपको ठक्करबाट गम्भीर घाइते भएका तामाङलाई उपचारका लागि चितवन मेडिकल कलेज पठाइएकोमा उपचारको क्रममा उनको बेलुकी ७ बजेर ४० मिनेटमा मृत्यु भएको थियो ।
प्रवक्ता कोइरालाका अनुसार रामपुरतर्फ जाँदै गरेको उक्त जीपले भरतपुर–१०, त्रिचोकमा विपरित दिशाबाट आइरहेको ना ५५ प ९३३७ नम्वरको स्कुटीलाई बेलुकी ७ बजे ठक्कर दिएर भागेको थियो । बोलेरो जीपको ठक्करबाट भरतपुर–१० कि १८ वर्षीया बिपिसा न्यौपाने घाइते भएकी छिन् । प्रहरीका अनुसार उनको अवस्था सामान्य रहेको छ । सबै सवारी साधन र बलेरो चालक नियन्त्रणमा रहेको प्रहरीले जनाएको छ ।
त्यसैगरी, भरतपुर–२६, नमस्ते चोकमा सोमबार बेलुकी साढे ६ बजे मोटरसाईकलको ठक्करबाट एक जना पैदल यात्री गम्भीर घाइते भएका छन् । मोटरसाईकलको ठक्करबाट गम्भीर घाइते ६७ वर्षीय मुक्तिनाथ अधिकारीको चितवन मेडिकल कलेजमा उपचार भइरहेको छ ।
चनौलीबाट ज्योतीनगरतर्फ जाँदै गरेको ना ३५ प ६२०४ नम्वरको मोटरसाइकलले अधिकारीलाई ठक्कर दिएको थियो । मोटरसाइकल आफ्नो नियन्त्रणमा रहेको र फरार रहेका चालकको खोजी भइरहेको जिल्ला प्रहरी कार्यालय, चितवनले जनाएको छ ।
त्यस्तै, सोमबार बेलुकी साढे ९ बजे बाईपास रोडबाट हाइवेतर्फ जाँदै गरेको ना २ ह १२४८ नम्वरको अटो भरतपुर–१०, सप्तगण्डकी चोकमा आफै अनियन्त्रित भई पल्टिदा अटो चालकसहित दुई जना घाइते भएका छन् । दुर्घटनामा अटोका यात्रु अन्दाजी ३५ वर्षिय भरत बि.क.को अवस्था गम्भीर रहेको र अटो चालक राप्ती नगरपालिका–५ का ३० वर्षिय हिराबहादुर बि.क. को अवस्था मध्यम रहेको प्रहरीले बताएको छ । दुवै घाइतेलाई उपचारका लागि पुरानो मेडिकल कलेज भरतपुरमा पठाइएको जिल्ला प्रहरी कार्यालय, चितवनले जानकारी दिएको छ ।
चितवन । भरतपुरमा स्कुटीलाई ठक्कर दिई भागेको बोलेरो जीपको ठक्करबाट सोमबार बेलुकी एक मोटरसाईकल चालकको मृत्यु भएको छ । ना ३ च ९११९ नम्वरको बोलेरो जीपको ठक्करबाट ना ४५ प ३४७ नम्वरको मोटरसाईकललाई ठक्कर दिँदा भरतपुर–१७, गाजिपुरका ४५ वर्षीय पाल्सिङ तामाङको मृत्यु भएको हो ।
जिल्ला प्रहरी कार्यालय, चितवनका प्रवक्ता डिएसपी एकनारायण कोइरालाका अनुसार भरतपुर–१९, सौगात चोकमा बोलेरो जीपको ठक्करबाट गम्भीर घाइते भएका तामाङलाई उपचारका लागि चितवन मेडिकल कलेज पठाइएकोमा उपचारको क्रममा उनको बेलुकी ७ बजेर ४० मिनेटमा मृत्यु भएको थियो ।
प्रवक्ता कोइरालाका अनुसार रामपुरतर्फ जाँदै गरेको उक्त जीपले भरतपुर–१०, त्रिचोकमा विपरित दिशाबाट आइरहेको ना ५५ प ९३३७ नम्वरको स्कुटीलाई बेलुकी ७ बजे ठक्कर दिएर भागेको थियो । बोलेरो जीपको ठक्करबाट भरतपुर–१० कि १८ वर्षीया बिपिसा न्यौपाने घाइते भएकी छिन् । प्रहरीका अनुसार उनको अवस्था सामान्य रहेको छ । सबै सवारी साधन र बलेरो चालक नियन्त्रणमा रहेको प्रहरीले जनाएको छ ।
त्यसैगरी, भरतपुर–२६, नमस्ते चोकमा सोमबार बेलुकी साढे ६ बजे मोटरसाईकलको ठक्करबाट एक जना पैदल यात्री गम्भीर घाइते भएका छन् । मोटरसाईकलको ठक्करबाट गम्भीर घाइते ६७ वर्षीय मुक्तिनाथ अधिकारीको चितवन मेडिकल कलेजमा उपचार भइरहेको छ ।
चनौलीबाट ज्योतीनगरतर्फ जाँदै गरेको ना ३५ प ६२०४ नम्वरको मोटरसाइकलले अधिकारीलाई ठक्कर दिएको थियो । मोटरसाइकल आफ्नो नियन्त्रणमा रहेको र फरार रहेका चालकको खोजी भइरहेको जिल्ला प्रहरी कार्यालय, चितवनले जनाएको छ ।
त्यस्तै, सोमबार बेलुकी साढे ९ बजे बाईपास रोडबाट हाइवेतर्फ जाँदै गरेको ना २ ह १२४८ नम्वरको अटो भरतपुर–१०, सप्तगण्डकी चोकमा आफै अनियन्त्रित भई पल्टिदा अटो चालकसहित दुई जना घाइते भएका छन् । दुर्घटनामा अटोका यात्रु अन्दाजी ३५ वर्षिय भरत बि.क.को अवस्था गम्भीर रहेको र अटो चालक राप्ती नगरपालिका–५ का ३० वर्षिय हिराबहादुर बि.क. को अवस्था मध्यम रहेको प्रहरीले बताएको छ । दुवै घाइतेलाई उपचारका लागि पुरानो मेडिकल कलेज भरतपुरमा पठाइएको जिल्ला प्रहरी कार्यालय, चितवनले जानकारी दिएको छ ।