पहिरोले पुरिदा तीन जनाको मृत्यु, ज्यान गुमाउने आमाछोरी

जाजरकोट । जाजरकोटको भेरी नगरपालिका–२, तिमिलेमा पहिरोले पुरिदा तीन जनाको ज्यान गएको छ । तिमिलेका दलबहादुर वलीको घर पहिरोले पुरिदा उनका श्रीमतीसहित दुई छोरीको मृत्यु भएको हो।

आज बिहान पौने २ बजे आएको पहिरोले घर पुरिदा ३२ वर्षीया पार्वती वली, नौ वर्षीया मोतीकला वली र तीन वर्षीया धनसरा वलीको घरभित्र नै पुरिएर मृत्यु भएको जाजरकोटका प्रमुख जिल्ला अधिकारी ललितकुमार बस्नेतले जानकारी दिनुभएको छ । पार्वतीका श्रीमान् बलबहादुर घर बाहिर सुतेका कारण बाँच्न सफल भएका जाजरकोटका प्रहरी नायब उपरीक्षक श्याम खत्रीले जानकारी दिनुभयो ।

डिएसपी खत्रीका अनुसार उद्धारका लागि जिल्ला प्रहरी कार्यालय, जाजरकोट र सशस्त्र प्रहरीको टोली खटिएको छ।