सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

डेँगु नियन्त्रण गर्न सडकमा


  •    /१४ भाद्र २०७६, शनिबार १४:४३ 
  • भरतपुर । चितवनमा डेँगु फैलिने क्रम तीब्र भएपछि भरतपुर महानगरपालिका सडकमा ओर्लिएको छ । महानगरको आयोजनामा शनिबार सचेतना ¥याली आयोजना गरिएको हो ।

    जनचेतना अभियानअन्तर्गत महानगर कार्यालय परिसरबाट बृहत् जनचेतनामूलक प्रभातफेरी निकालिएको छ । प्रभातफेरी, शहीदचोक, कमलनगर, न्युरोड हुँदै पुलचोक र त्यहाँबाट पोखराबसपार्कमा पुगी कार्यक्रममा परिणत भएको थियो ।

    कार्यक्रममा भरतपुर अस्पतालका फिजिसियन डा. भोजराज अधिकारीले डेँगु नियन्त्रणको लागि सबैभन्दा सजिलो उपाय नै हरेक नागरिक सचेत हुनुपर्ने बताउनुभयो । उहाँले घर, टोल, छिमेकमा पानी जम्न दिन नहुने र यसको केही लक्षण देखा परे तुरुन्त स्वास्थ्य संस्थामा गई परीक्षण गर्न सुझाव दिनुभयो ।

    प्रमुख जिल्ला अधिकारी जितेन्द्र बस्नेतले डेँगु नियन्त्रण र रोकथाममा सबै नागरिकको बराबरी दायित्व रहेको बताउँदै यसको रोकथामका लागि खोज र नष्ट अभियान थाल्ने बताउनुभयो ।

    भरतपुर महानगरपालिका प्रमुख रेनु दाहालले सबै नगरवासीको साथ र सहकार्य भए यसलाई महामारीको रुपमा फैलिन नदिईने बताउनुभयो । डेँगुको न्यूनीकरणमा महानगर निकै चनाखो रहेको उहाँले बताउनुभयो । उहाँले हरेक घरघर टोलटोललाई सक्रिय बनाएर यो अभियानमा सबैलाई सहभागी बनाएर यसलाई रोकथाम गरिछाड्ने प्रतिबद्धता व्यक्त गर्नुभयो ।
    कार्यक्रममा नेपाल प्रहरी, सशस्त्र प्रहरी, नेपाली सेना, जनप्रतिनिधि, सर्वसाधारण नगरवासीको सहभागिता रहेको थियो ।

    चितवनमा डेँगु र स्क्रबटाइफसका कारण तीन जनाको मृत्यु भइसकेको छ । जिल्ला स्वास्थ्य कार्यालय चितवनले दिएको जानकारी अनुसार मृत्यु हुनेमा दुई जना चितवन र एक जना रौतहटका छन् । कार्यालयका अनुसार साउन यता डेँगुको संक्रमणका कारण एक वृद्धको मृत्यु भएको छ भने स्क्रबटाइफसका कारण एक युवाको मृत्यु भएको छ । डेंगु र स्क्रबटाइफस दुवैको संक्रमणबाट एक किशोरीको मृत्यु भएको छ ।

    चालु आर्थिक वर्षमा एक हजार ३५६ जनाको रक्त परीक्षण गरिएकोमा ४५० जनामा डेँगुको संक्रमण देखिएको हो ।

    तपाईको प्रतिक्रिया

    ताजा अपडेट

    धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    • सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.