भरतपुरको बसन्तचोकमा ट्रकको ठक्करबाट बच्चाको मृत्यु, ट्रकमा आगजनी, राजमार्ग अवरुद्ध

भरतपुर, २ पुस । पूर्व–पश्चिम राजमार्गको भरतपुरस्थित वसन्त चोकमा ट्रकको ठक्करबाट एक बच्चाको मृत्यु भएको छ । भरतपुरबाट पूर्वतर्फ बालुवा बोकेर जाँदै गरेको बा ३ ख १३०५६ नम्बरको ट्रकले अन्दाजी दुई वर्षको बच्चालाई ठक्कर दिंदा मृत्यु भएको हो ।

जिल्ला प्रहरी कार्यालय चितवनका अनुसार मृत्यु हुने बच्चाको नाम, थर, वतन र लिङ्ग खुलेको छैन । घटनापछि स्थानीयले ट्रकमा आगजनी गरेका छन् । आगो निभाउन पुगेको दमकलाई समेत स्थानीयले ढुंगा प्रहार गरेको बताईएको छ । घटनापछि पूर्वपश्चिम राजमार्ग अवरुद्ध भएको छ । आगो निभाउने र राजमार्ग खुलाउने प्रयास भईरहेको प्रहरीको भनाई छ ।