रवि लामिछाने, युवराज कँडेल र रुकु कार्कीको थुनछेक बहस सुरु, हेर्नुस् क–कसले गर्दैछन् बहस

चितवन । पत्रकार शालिकराम पुडासैनीको मृत्यु प्रकरणमा आत्महत्या दुरुत्साहनमा मुद्धा दर्ता गरिएका सञ्चारकर्मी रवि लामिछाने, युवराज कँडेल र अस्मिता भनिने रुकु कार्कीको थुनछेक बहस शुरु भएको छ ।

चितवन जिल्ला अदालतमा उनीहरु तिनैजनाको बयान लिने काम सकिएपछि अहिले थुनछेक बहस शुरु भएको अदालतका श्रेष्तेदार रुद्रमणी गिरीले जानकारी दिनुभएको छ । बादीका पक्षबाट तीन जना सरकारी वकिल, जाहेरवालाका तर्फबाट पाँच जना र प्रतिवादीहरुका तर्फबाट पाँच जनाले बहस गर्ने जानकारी आफुलाई प्राप्त भएको श्रेष्तेदार गिरीले बताउनुभएको छ ।

बादीका तर्फबाट सरकारी वकिल यदु शर्मा, सानोबाबु श्रेष्ठ र प्रकाश थापाले बहस गर्नुहुने छ । त्यसैगरी जाहेरवालाको तर्फबाट अधिवक्ताहरु राजकुमार श्रेष्ठ, गोपीलाल देवकोटा, स्वागत नेपाल, रामचन्द्र देवकोटा र दीपक भट्टराईले बहस गर्ने बताइएको छ । प्रतिवादीहरुको तर्फबाट बरिष्ठ अधिवक्ताद्वय सुशिलराज पन्त, सुनिल पोखरेल, चुडामणी सापकोटालगायतले बहस गर्ने तयारी छ ।