चितवनमै पहिलो पटक बिरालोमैत्री कार्यक्रम सम्पन्न

भरतपुर, कार्तिक १३ । चितवनमा पहिलोपटक क्याट स्टेरिलिजेसन क्याम्प २०२१ सम्पन्न भएको छ । रोट्रयाक क्लव अफ नारायणगढ, क्याट एनिमल हस्पिटल, क्याट अफ नेपाल र एनिमल हेभन भेटेनरी केयरको संयुक्त आयोजनामा जेसिज भवन नारायणगढमा भएको कार्यक्रममा विभिन्न बिरालोसंग सम्बन्धित ब्यक्ति तथा संस्थाहरुको सहभागिता रहेको थियो ।

प्राचिन कालदेखि नै मानिसको अभिन्न मित्रको रुपमा रहेको घरपालुवा जनावर बिरालोलाइ पनि माया र उपचारको आवश्यकताको महसुस गरि बिरालोसँग सम्बन्धित क्याम्प चलाइएको आयोजक मध्यको एक रोट्रयाक क्लव अफ नारायणगढका अध्यक्ष प्रयास श्रेष्ठले बताउनु भयो । आफुहरुले बिरालो सम्बन्धी चितवनमै पहिलोपटक कार्यक्रम गरियको भन्दै श्रेष्ठले सबैजनाले बिरालोलाइ माया गर्न आग्रह गर्नुभयो । क्याम्पमा ९ ओटा बिरालोको उपचार गरियको थियो ।