रवि लामिछाने समर्थक प्रदर्शनकारी र प्रहरीबीच झडप, पाँच प्रहरी घाइते, दश राउण्ड अश्रुग्यास प्रहार
/३१ श्रावण २०७६, शुक्रबार १९:२७
चितवन । रवि लामिछाने समर्थक प्रदर्शनकारी र प्रहरीबीच आज साँझ जिल्ला प्रहरी कार्यालय चितवनको मूलगेट अगाडि झडप भएको छ । झडपछि प्रहरीले दश राउण्ड अश्रुग्यास प्रहार गरी प्रदर्शनकारीलाई त्यहाँबाट तितरवितर पारेको छ ।
प्रहरी नायव उपरीक्षक दिपेन्द्र श्रेष्ठले प्रदर्शनकारीले प्रहरी कार्यालयभित्रै ढुङ्गामुढा प्रहार गरेका र स्थितिलाई नियन्त्रणमा लिन अश्रुग्यास प्रहार गर्नुपरेको बताउनुभयो । उहाँले प्रदर्शनकारीको ढुङ्गा प्रहारबाट पाँच प्रहरी घाइते भएका पनि बताउनुभयो ।
टेलिभिजन कार्यक्रम प्रस्तोता रवि लामिछानेसहित तीन जनालाई आजै जिल्ला अदालत चितवनबाट पाँच दिनको म्याद थप भएको छ । जिल्ला प्रहरी कार्यालय चितवनले म्याद थपका लागि तीन जनालाई शुक्रबार अदालत पेश गरेको थियो ।
कार्यालयका प्रमुख एसपी दानबहादुर मल्लका अनुसार साउन ३० गतेदेखि लागू हुने गरी पाँच दिनको म्याद थप गरिएको हो ।
रवि लामिछाने सहित युवराज कँडेल र रुकू भन्ने अस्मिता कार्कीलाई प्रहरीले बिहीबार काठमाडौंबाट पक्राउ गरेको थियो । तीनै जनालाई शुक्रबार अदालत पेश गरिएको हो । एसपी मल्लका अनुसार बिहीबार एक दिनको थुनुवा पुर्जी दिएर पक्राउ गरिएकोले थप अनुसन्धानका लागि शुक्रबार पुनः अदालत पेश गरिएको हो ।
चितवन जिल्ला अदालतका न्यायधिश विनोदकुमार गौतमको ईजलासले उक्त निर्णय गरेको अदालतका श्रेस्तेदार रुद्रमणि गिरीले बताउनुभयो ।
अदालतमा प्रतिवादी रवि सहित तीन जनाको तर्फबाट अधिवक्ता चुडामणि सापकोटा, सुनिल कुमार पोखरेल र तीर्थ पौडेलले बहस गर्नुभएको थियो भने वादी नेपाल सरकारका तर्फबाट सरकारी वकिल यदुनाथ शर्माले बहस गर्नुभएको थियो ।
लामिछाने र कँडेलले न्युज २४ टेलिभिजनमा सिधा कुरा जनतासँग कार्यक्रम सञ्चालन गर्दै आएका थिए भने कार्की स्टाफनर्स हुन् ।
साउन २० गते चितवनको नारायणगढस्थित कंगारु होटलमा झुण्डिएको अवस्थामा मृत फेला परेका पत्रकार शालिकराम पुडासैनीको मृत्युको विषयमा अनुसन्धान गर्न प्रहरीले उनीहरुलाई पक्राउ गरेको हो ।
माउन्टेन टीभीमा कार्यरत पुडासैनीले मृत्यु हुनु अगाडि आफ्नै मोबाईलमा रेकर्ड गराएको भिडियोमा लामिछाने, कँडेल र कार्कीले आफूलाई मर्न बाध्य पारेको उल्लेख छ । उक्त भिडियोको डिजिटल फरेन्सीक ल्याब टेष्ट (डिएफएल) गराईएको एसपी मल्लले बताउनुभयो । उक्त परीक्षणबाट उक्त भिडियो पुरासैनीको आफ्नै मोबाईलमा आफ्नै स्वरमा आफैले रेकर्ड गरेको पुष्टि भएको मल्ले जानकारी दिनुभयो ।
ल्याबबाट प्रमाणित सोही भिडियोलाई आधार मानी आत्महत्या दुरुत्साहन अन्तर्गत तीन जनालाई पक्राउ गरिएको उहाँले बताउनुभयो । शव पोष्टमार्टमको रिपोर्ट भने आउन बाँकी रहेको छ ।
चितवन । रवि लामिछाने समर्थक प्रदर्शनकारी र प्रहरीबीच आज साँझ जिल्ला प्रहरी कार्यालय चितवनको मूलगेट अगाडि झडप भएको छ । झडपछि प्रहरीले दश राउण्ड अश्रुग्यास प्रहार गरी प्रदर्शनकारीलाई त्यहाँबाट तितरवितर पारेको छ ।
प्रहरी नायव उपरीक्षक दिपेन्द्र श्रेष्ठले प्रदर्शनकारीले प्रहरी कार्यालयभित्रै ढुङ्गामुढा प्रहार गरेका र स्थितिलाई नियन्त्रणमा लिन अश्रुग्यास प्रहार गर्नुपरेको बताउनुभयो । उहाँले प्रदर्शनकारीको ढुङ्गा प्रहारबाट पाँच प्रहरी घाइते भएका पनि बताउनुभयो ।
टेलिभिजन कार्यक्रम प्रस्तोता रवि लामिछानेसहित तीन जनालाई आजै जिल्ला अदालत चितवनबाट पाँच दिनको म्याद थप भएको छ । जिल्ला प्रहरी कार्यालय चितवनले म्याद थपका लागि तीन जनालाई शुक्रबार अदालत पेश गरेको थियो ।
कार्यालयका प्रमुख एसपी दानबहादुर मल्लका अनुसार साउन ३० गतेदेखि लागू हुने गरी पाँच दिनको म्याद थप गरिएको हो ।
रवि लामिछाने सहित युवराज कँडेल र रुकू भन्ने अस्मिता कार्कीलाई प्रहरीले बिहीबार काठमाडौंबाट पक्राउ गरेको थियो । तीनै जनालाई शुक्रबार अदालत पेश गरिएको हो । एसपी मल्लका अनुसार बिहीबार एक दिनको थुनुवा पुर्जी दिएर पक्राउ गरिएकोले थप अनुसन्धानका लागि शुक्रबार पुनः अदालत पेश गरिएको हो ।
चितवन जिल्ला अदालतका न्यायधिश विनोदकुमार गौतमको ईजलासले उक्त निर्णय गरेको अदालतका श्रेस्तेदार रुद्रमणि गिरीले बताउनुभयो ।
अदालतमा प्रतिवादी रवि सहित तीन जनाको तर्फबाट अधिवक्ता चुडामणि सापकोटा, सुनिल कुमार पोखरेल र तीर्थ पौडेलले बहस गर्नुभएको थियो भने वादी नेपाल सरकारका तर्फबाट सरकारी वकिल यदुनाथ शर्माले बहस गर्नुभएको थियो ।
लामिछाने र कँडेलले न्युज २४ टेलिभिजनमा सिधा कुरा जनतासँग कार्यक्रम सञ्चालन गर्दै आएका थिए भने कार्की स्टाफनर्स हुन् ।
साउन २० गते चितवनको नारायणगढस्थित कंगारु होटलमा झुण्डिएको अवस्थामा मृत फेला परेका पत्रकार शालिकराम पुडासैनीको मृत्युको विषयमा अनुसन्धान गर्न प्रहरीले उनीहरुलाई पक्राउ गरेको हो ।
माउन्टेन टीभीमा कार्यरत पुडासैनीले मृत्यु हुनु अगाडि आफ्नै मोबाईलमा रेकर्ड गराएको भिडियोमा लामिछाने, कँडेल र कार्कीले आफूलाई मर्न बाध्य पारेको उल्लेख छ । उक्त भिडियोको डिजिटल फरेन्सीक ल्याब टेष्ट (डिएफएल) गराईएको एसपी मल्लले बताउनुभयो । उक्त परीक्षणबाट उक्त भिडियो पुरासैनीको आफ्नै मोबाईलमा आफ्नै स्वरमा आफैले रेकर्ड गरेको पुष्टि भएको मल्ले जानकारी दिनुभयो ।
ल्याबबाट प्रमाणित सोही भिडियोलाई आधार मानी आत्महत्या दुरुत्साहन अन्तर्गत तीन जनालाई पक्राउ गरिएको उहाँले बताउनुभयो । शव पोष्टमार्टमको रिपोर्ट भने आउन बाँकी रहेको छ ।