माडी ३१ असोज । माडी नगरपालिका वडा नं ६ हरिनगर निवासी कृष्णकान्त खनालको स्वर्गारोहण भएको नवौं दिनको पुण्यतिथिको अवसरमा आज आइतबार शोकसभा सम्पन्न भयो । नेकपा एमाले माडी नगर कमिटीको आयोजनामा शोकसभा सम्पन्न भएको हो ।
कार्यक्रममा प्रमुख अतिथि नेकपा एमालेका केन्द्रीय सदस्य देवी ज्ञावलीले कृष्णकान्त खनालको राजनीतिक, सामाजिक योगदानको चर्चा गर्दै उहाँले देखाएको बाटोमा अगाडि बढ्न सकेमा मात्र उहाँप्रति सच्चा श्रद्धाञ्जली हुने बताउनुभयो । पञ्चायती व्यवस्थाको प्रतिकूल समयमा पनि उहाँले गरेका कामको स्मरण गर्दै उहाँले समाजमा मैनबत्ती बनेर काम गर्नुभएकोले उहाँको कार्यशैलीलाई अनुकरण गर्नुपर्ने आवश्यकता औंल्याउँनुभयो ।
कार्यक्रममा नेकपा एमाले वाग्मती प्रदेश कमिटीका सदस्य एवम् भरतपुर महानगरपालिका अध्यक्ष रामप्रसाद न्यौपानेले नेकपा एमालेका अग्रज व्यक्तित्वको निधनले पार्टी र समाजलाई अपूरणीय क्षति पुगेको जनाउँदै उहाँ देखाएको बाटोमा अगाडि बढ्न सकेमा सामाजिक परिवर्तन गर्न सकिने बताउनुभयो । उहाँको भौतिक शरीर नरहेपनि उहाँले गरेका अनुकरणीय कार्यहरु जीवन्त रहिरहने चर्चा गर्दै उहाँले अगाडि सारेका कार्यहरु पुरा गर्नु हामी सबैको जिम्मेवारी रहेको न्यौपानेले बताउनुभयो ।
नेकपा एमाले माडी नगर कमिटीका सचिव नारायणप्रसाद कोइरालाको अध्यक्षतामा सम्पन्न कार्यक्रममा नेकपा एमाले क्षेत्रीय अध्यक्ष श्यामकुमार बिष्ट, माडी नगरपालिकाका उपप्रमुख ताराकाजी महत्तो, विभिन्न सामाजिक तथा राजनैतिक व्यक्तित्वहरु लगायतको उपस्थिति रहेको थियो ।
२०५४ सालको निर्वाचनमा साविक कल्याणपुर गाविसको अध्यक्षमा निर्वाचित भएर अनुकरणीय काम गर्नुभएका कृष्णकान्त खनालका श्रीमती, २ छोरा बुहारी, एक छोरी ज्वाईहरु विभिन्न सामाजिक काममा सक्रिय रहनुभएको छ ।
कार्यक्रममा स्वर्गीय कृष्णकान्त खनालका छोरा एवम् नेकपा एमाले माडी नगरपालिका ईञ्चार्ज सूर्यकान्त खनालले दुःखको समयमा घरमै आएर श्रद्धाञ्जली र समवेदना प्रकट गर्ने सम्पूर्ण महानुभावहरुप्रति धन्यवाद ज्ञापन गर्नुभएको थियो ।
माडी ३१ असोज । माडी नगरपालिका वडा नं ६ हरिनगर निवासी कृष्णकान्त खनालको स्वर्गारोहण भएको नवौं दिनको पुण्यतिथिको अवसरमा आज आइतबार शोकसभा सम्पन्न भयो । नेकपा एमाले माडी नगर कमिटीको आयोजनामा शोकसभा सम्पन्न भएको हो ।
कार्यक्रममा प्रमुख अतिथि नेकपा एमालेका केन्द्रीय सदस्य देवी ज्ञावलीले कृष्णकान्त खनालको राजनीतिक, सामाजिक योगदानको चर्चा गर्दै उहाँले देखाएको बाटोमा अगाडि बढ्न सकेमा मात्र उहाँप्रति सच्चा श्रद्धाञ्जली हुने बताउनुभयो । पञ्चायती व्यवस्थाको प्रतिकूल समयमा पनि उहाँले गरेका कामको स्मरण गर्दै उहाँले समाजमा मैनबत्ती बनेर काम गर्नुभएकोले उहाँको कार्यशैलीलाई अनुकरण गर्नुपर्ने आवश्यकता औंल्याउँनुभयो ।
कार्यक्रममा नेकपा एमाले वाग्मती प्रदेश कमिटीका सदस्य एवम् भरतपुर महानगरपालिका अध्यक्ष रामप्रसाद न्यौपानेले नेकपा एमालेका अग्रज व्यक्तित्वको निधनले पार्टी र समाजलाई अपूरणीय क्षति पुगेको जनाउँदै उहाँ देखाएको बाटोमा अगाडि बढ्न सकेमा सामाजिक परिवर्तन गर्न सकिने बताउनुभयो । उहाँको भौतिक शरीर नरहेपनि उहाँले गरेका अनुकरणीय कार्यहरु जीवन्त रहिरहने चर्चा गर्दै उहाँले अगाडि सारेका कार्यहरु पुरा गर्नु हामी सबैको जिम्मेवारी रहेको न्यौपानेले बताउनुभयो ।
नेकपा एमाले माडी नगर कमिटीका सचिव नारायणप्रसाद कोइरालाको अध्यक्षतामा सम्पन्न कार्यक्रममा नेकपा एमाले क्षेत्रीय अध्यक्ष श्यामकुमार बिष्ट, माडी नगरपालिकाका उपप्रमुख ताराकाजी महत्तो, विभिन्न सामाजिक तथा राजनैतिक व्यक्तित्वहरु लगायतको उपस्थिति रहेको थियो ।
२०५४ सालको निर्वाचनमा साविक कल्याणपुर गाविसको अध्यक्षमा निर्वाचित भएर अनुकरणीय काम गर्नुभएका कृष्णकान्त खनालका श्रीमती, २ छोरा बुहारी, एक छोरी ज्वाईहरु विभिन्न सामाजिक काममा सक्रिय रहनुभएको छ ।
कार्यक्रममा स्वर्गीय कृष्णकान्त खनालका छोरा एवम् नेकपा एमाले माडी नगरपालिका ईञ्चार्ज सूर्यकान्त खनालले दुःखको समयमा घरमै आएर श्रद्धाञ्जली र समवेदना प्रकट गर्ने सम्पूर्ण महानुभावहरुप्रति धन्यवाद ज्ञापन गर्नुभएको थियो ।