चितवनमा हुने आठौं संस्करणको अन्तर लायन्स लियो फुटसल २३ गतेदेखि

चितवन,२२ असोज । आठौं संस्करणको अन्तर लियो लायन्स फुटसल प्रतियोगिता असोज २३ गतेदेखि सुरु हुने भएको छ । लियो क्लब अफ नारायणगढ चित्रवनको आयोजनामा हुने प्रतियोगिता असोज २३ र २४ गते हुनेछ ।

स्वास्थ्यका लागि खेलकुद भन्ने मुल नाराका साथ हुने प्रतियोगिताका खेलहरु भरतपुर ७ गौतमचोकस्थित चितवन फुटसल एण्ड स्पोर्टस जोनमा हुनेछन् । बिजय दशमीको अवसरमा आयोजना हुन लागेको प्रतियोगितामा २८ वटा लायन्स तथा लियो क्लबहरुको सहभागीता रहनेछ । प्रतियोगितामा चितवनसहित, काठमाडौं, नवलपुर, मकवानपुर र रुपन्देहीका बिभिन्न क्लबहरु सहभागी हुनेछन् ।

दुई दिन हुने प्रतियोगिताको फाइनल खेल २४ गते दिउँसो हुनेछ । प्रतियोगितामा प्रथम हुनेले २५ हजार रुपैयाँँसहित ट्रफी प्राप्त गर्ने क्लबका अध्यक्ष सन्तोष सुवेदीले जानकारी दिए । यस्तै दोस्रो हुनेले १२ हजार रुपैयाँँ प्राप्त गर्नेछ ।