सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

नवजात शिशुलाई भेन्टिलेटरमा राख्न लैजान्छु भन्दै बाबुले लगे अन्त्येष्टी गर्न


  •    /२६ श्रावण २०७६, आईतवार २१:३१ 
  • चितवन । गम्भीर अवस्थामा रहेको नवजात शिशुलाई भेन्टिलेरमा राख्न लैजान्छु भन्दै आफ्नै बाबुले अन्त्येष्टी गर्न देवघाट लगेका छन् । देवघाटमा पुर्न लागिएको अवस्थामा स्थानीयले देखेपछि प्रहरीको सहायताले बच्चाको उद्धार गरी अस्पताल पठाईएको छ । उक्त घटना शंकास्पद देखिएपछि पुरेको बच्चालाई पनि प्रहरीले उत्खनन् गरी अनुसन्धानका लागि ल्याएको छ ।

    घटना विवरण अनुसार गत बिहीबार भरतपुर महानगरपालिका वडा नं. २५ चनौलिकी एक महिलाले चितवन मेडिकल कलेजमा जुम्ल्याहा शिशुलाई जन्म दिएकी थिईन । जन्मिएका शिशु मध्ये एकको मृत्यु भएको र अर्को एक गम्भीर अवस्थामा जीवित रहेको थियो । शुक्रबार बच्चाका बाबु भरतपुर २५ का राजु खनालले चितवन मेडिकल कलेजको भेन्टिलेर महंगो रहेकाले आफूले भरतपुर अस्पतालको भेन्टिलेरमा राख्न लैजान्छु भन्दै मेडिकल कलेजबाट निकालेर देवघाटतर्फ लगेका थिए ।

    देवघाटमा खाल्टो खनेर एउटा बच्चा गाडिसकेको र अर्काे गाड्ने क्रममा स्थानीयले बच्चा जीवितै रहेको देखेपछि प्रहरीलाई खबर गरेका थिए । प्रहरीले तत्काल जीवित रहेको बच्चालाई पुनः चितवन मेडिकल कलेजमा उपचारका लागि पठाएको थियो भने गाडिएको बच्चाको पोष्टमार्टमका लागि भरतपुर अस्पताल ल्याईएको जिल्ला प्रहरी कार्यालय चितवनका डिएसपी एकनारायण कोईरालाले बताउनुभयो ।

    सुत्केरी आमाको भने चितवन मेडिकल कलेजमा उपचार भईरहेको छ । अस्पताल फर्काईएको शिशुको पनि चितवन मेडिकल कलेजमा उपचार भईरहेको छ । शुक्रबार ४ बजेको समयमा शिशुहरु पुर्ने कार्यमा संलग्न बाबु खनाल सहित भरतपुर २७ की सीता श्रेष्ठ भण्डारी र भरतपुर १८ की जुना पण्डितलाई प्रहरीले पक्राउ गरेको हो ।

    पक्राउ परेकाहरुलाई मुलुकी अपराध संहिता २०७४ को परिच्छेद १२ ज्यान सम्बन्धी कसुर अन्तर्गत ज्यान मुद्दामा चितवन जिल्ला अदालतबाट पाँच दिनको म्याद लिई अनुसन्धान कार्य भईरहेको कोईरालाले जानकारी दिनुभयो ।

    जन्मिएका दुई मध्ये ठूलो १ किलो २ सय ग्रामको शिशुको निधन भएको हो भने ८ सय ग्रामको शिशु जीवित रहेको छ ।

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.