रत्ननगर । रिमाल समाज चितवनको दोस्रो साधारण सभा तथा भेटघाट कार्यक्रम शनिबार रत्ननगरमा सम्पन्न भयो । सभाले गत आर्थिक वर्षको आर्थिक तथा प्रगति प्रतिवेदन पारित गरेको छ ।
समाजका अध्यक्ष लालुप्रसाद रिमालको अध्यक्षतामा भएको कार्यक्रममा सचिव छत्रप्रसाद रिमालले प्रगति प्रतिवेदन र कोषाध्यक्ष मन्जु रिमालले आर्थिक प्रतिवेदन प्रस्तुत गर्नुभएको थियो ।
कार्यक्रममा रामबहादुर रिमाल, प्रेम रिमाल, हरि रिमाल, बालकृष्ण रिमाल, खगराज रिमाल, नारायण प्रसाद उपाध्याय रिमाल, तिलक रिमाल, विष्णु रिमाल लगायतले रिमालहरुको परम्परा, संस्कृति, धर्म लगायतका विषयमा आआफ्नो धारणा राख्नु भएको थियो । बसाई सराई गरी शहरी क्षेत्रमा आएसँग रिमालहरुका परम्परा र संस्कृति विस्तारै हराउँदै गएकोप्रति चिन्ता व्यक्त गर्नुभएको थियो । उहाँहरुले रिमालका प्रचलनलाई लिपिबद्ध गरी भावी पुस्तालाई हस्तान्तरण गर्नुपर्नेमा जोड दिनुभयो ।
देशका विभिन्न जिल्लाबाट चितवनमा आई बसोबास गर्ने रिमालहरु संगठित भई समाजको निर्माण भएको हो । विगत २५ वर्ष अघिदेखि रिमालहरुले संगठित रुपमा कार्य गर्दै आएको भए पनि समाज गत वर्ष जिल्ला प्रशासन कार्यालय चितवनमा विधिवत रुपमा दर्ता भई केन्द्रीय समितिमा आवद्ध भएको हो ।
समाजले भरतपुर १२ मा सामुहिक कूल पूरा पनि गर्ने गरेको छ भने समस्यामा परेका रिमालहरुलाई विभिन्न ढंगबाट सहयोग गर्दै आएको छ । प्रत्येक ६/६ महिनामा रिमाल दाजुभाईको घरमा आलोपालो गरी भेटघाट गर्ने कार्यक्रम समाजले गर्दै आएको छ ।
रिमाल समाज केन्द्रीय समितिले रिमालहरुको वंशावली प्रकाशन गर्र्दै आएको छ । यस वर्षपनि वंशावली प्रकाशनको अन्तिम तयारी गरेको छ । रिमालहरुको वंशावली अनलाईनमा पनि प्रकाशित छ ।
रत्ननगर । रिमाल समाज चितवनको दोस्रो साधारण सभा तथा भेटघाट कार्यक्रम शनिबार रत्ननगरमा सम्पन्न भयो । सभाले गत आर्थिक वर्षको आर्थिक तथा प्रगति प्रतिवेदन पारित गरेको छ ।
समाजका अध्यक्ष लालुप्रसाद रिमालको अध्यक्षतामा भएको कार्यक्रममा सचिव छत्रप्रसाद रिमालले प्रगति प्रतिवेदन र कोषाध्यक्ष मन्जु रिमालले आर्थिक प्रतिवेदन प्रस्तुत गर्नुभएको थियो ।
कार्यक्रममा रामबहादुर रिमाल, प्रेम रिमाल, हरि रिमाल, बालकृष्ण रिमाल, खगराज रिमाल, नारायण प्रसाद उपाध्याय रिमाल, तिलक रिमाल, विष्णु रिमाल लगायतले रिमालहरुको परम्परा, संस्कृति, धर्म लगायतका विषयमा आआफ्नो धारणा राख्नु भएको थियो । बसाई सराई गरी शहरी क्षेत्रमा आएसँग रिमालहरुका परम्परा र संस्कृति विस्तारै हराउँदै गएकोप्रति चिन्ता व्यक्त गर्नुभएको थियो । उहाँहरुले रिमालका प्रचलनलाई लिपिबद्ध गरी भावी पुस्तालाई हस्तान्तरण गर्नुपर्नेमा जोड दिनुभयो ।
देशका विभिन्न जिल्लाबाट चितवनमा आई बसोबास गर्ने रिमालहरु संगठित भई समाजको निर्माण भएको हो । विगत २५ वर्ष अघिदेखि रिमालहरुले संगठित रुपमा कार्य गर्दै आएको भए पनि समाज गत वर्ष जिल्ला प्रशासन कार्यालय चितवनमा विधिवत रुपमा दर्ता भई केन्द्रीय समितिमा आवद्ध भएको हो ।
समाजले भरतपुर १२ मा सामुहिक कूल पूरा पनि गर्ने गरेको छ भने समस्यामा परेका रिमालहरुलाई विभिन्न ढंगबाट सहयोग गर्दै आएको छ । प्रत्येक ६/६ महिनामा रिमाल दाजुभाईको घरमा आलोपालो गरी भेटघाट गर्ने कार्यक्रम समाजले गर्दै आएको छ ।
रिमाल समाज केन्द्रीय समितिले रिमालहरुको वंशावली प्रकाशन गर्र्दै आएको छ । यस वर्षपनि वंशावली प्रकाशनको अन्तिम तयारी गरेको छ । रिमालहरुको वंशावली अनलाईनमा पनि प्रकाशित छ ।