हेल्प फर हेपिनेसको वार्षिकोत्सव सम्पन्न

चितवन, १२ असोज । सामाजिक संस्था हेल्प फर हेपिनेस चितवनले सोमबार छैटौं वार्षिकोत्सव मनाएको छ । संस्थाले विविध कार्यक्रमको आयोजना गरी वार्षिकोत्सव मनाएको हो ।

छैठौं वर्ष पार गरी सातौ वर्षमा प्रवेश गरेको संस्थाले देवघाटको समाज कल्याण केन्द्रमा रहनु भएका आमा बुबालाई खाना खुवाएर वार्षिकोत्सव मनाएको छ । सो अवसरमा प्रमुख अतिथि हेल्प फर हेप्पिनेसका सचिब काशिराम चालिसेले संस्थालाई यो ठाउँसम्म पुयाउन सहयोग गनुभएको सबैमा धन्यवाद दिनुभयो। संस्थाको चितवन टिमले आजसम्म गरेको कामहरु सम्मानयोग्य रहेको भन्दै चितवन टिमलाई धन्यवाद दिनुभयो ।

हेल्प फर हेप्पिनेस चितवन टिमका संयोजक रमन वाग्लेले सामाजिक कार्यमा अगाडि बढेको यस संस्थाले देशका बिबिन्न स्थानहरुमा गरेको कार्यहरुले सामाजिक कार्यमा गर्न प्रेरणा मिलेको बताउनुभयो । आमा बुबाहरुसँग संस्थाको वार्षिकोत्सव मनाउन पाउँदा निकै खुशी लागेको उहाँको भनाई छ । उहाँको अनुसार यस अघि पनि संस्थाले देवघाटमा र अन्य स्थानमा रहनु हुने बृद्धबृद्धाहरुलाई स्वास्थ्य सामग्री र भोजनका विभिन्न कार्यक्रम गर्दै आएको छ । संंस्थाले विभिन्न बालआश्रममा, बृद्ध आश्रममा विभिन्न कार्यक्रम, स्वास्थ्य शिविर, रक्तदान, सरसफाइ जस्तो कार्यक्रम गर्दै आएको छ । यस्तै बालबालिकाको लागि शैक्षिक सामाग्री वितरण समेत गर्दै आएको छ ।