वीरगञ्जमा विष्फोट, तीन घाइते

वीरगज । वीरगञ्ज शुक्रबार बिस्फोट हुँदा तीन जना घाईते भएका छन् । वीरगञ्ज४, विर्ता बजारमा विष्फोट हुँदा उनीहरू घाइते भएका हुन् ।

घाइतेको परिचय खुलाईएको छैन । उनीहरूको नारायणी अस्पतालमा उपचार भइरहेको प्रहरीले जनाएको छ । स्थानीय मिठु शंकरको कागती पसलमा साँझ साढे ७ बजे बिस्फोट भएको जनाइएको छ । घटनामा उनी पनि घाइते भएको आशंका गरिएको छ ।

घटनाबारे जानकारी प्राप्त भएलगत्तै, घटनास्थल पुगेर अनुसन्धान थालिएको वडा प्रहरी कार्यालय विर्ताका प्रमुख प्रहरी निरीक्षक निर्मल पनेरूले बताउनुभयो ।

प्रहरीले भने प्रारम्भिक अनुसन्धानले पटाका पड्किएको हुनसक्ने दावी गरेको छ । घटनाका प्रकृति हेर्दा बम बिस्फोट भएको स्थानीयले दावी गरेका छन् ।