वीपी अध्ययन प्रतिष्ठान चितवनको अध्यक्षमा पोखरेल

चितवन । वीपी अध्ययन प्रतिष्ठान नेपाल, चितवन जिल्ला समितिको अध्यक्षमा ध्रुवराज पोखरेल चयन हुनुभएको छ । उहाँलाई सोमबार प्रतिष्ठानका प्रदेश नम्बर ३ का अध्यक्ष कृष्णकुमारी खतिवडाले एक पत्र लेख्दै अध्यक्षमा मनोनयन गरिएको जानकारी गराउनु भएको पोखरेलले बताउनुभएको छ ।

देशका बौद्धिकवर्ग, बिद्धान, लेखक, कलाकार, खेलाडी, शिक्षक, प्राध्यापकलगायतलाई सङ्गठित गर्दे वीपी विचार र दर्शनबारे निरन्तर बहश गर्ने संस्थाको रुपमा परिचित प्रतिष्ठानले पोखरेललाई लोकतन्त्र प्राप्तिका लागि गरेको योगदानको कदर गर्दे अध्यक्षमा मनोनयन गरेको बताइएको छ । लामो समयदेखि शिक्षण पेशामा आवद्ध पोखरेल नेपाल शिक्षक महासंघका निवर्तमान केन्द्रीय सचिव हुनुहुन्छ ।